Zoova ˗yö dhebɔ ˗blɛɛsü ˈö ˈwo˗ ˗dhɛ Ɛvö bhë, ˗a ˗pë ˗kë ˈö˗ nu Adan ˗dhɛ ˗a ˗bha dhebɔ ˈka.—Makö 10:6, 7.

Zoova ˗yö ˗an ˗da ˈˈslʋ̈ʋ̈slʋ̈. ˈWɔn yaa kë ˗dhii waa ˈˈyua ˈwaa kun ˗an kwi ˈgü.

˗An ˗yɛɛbhaadhɛ ˗kun ˗dhɛ ˗së ˗dhɛ ˈka. ˈˈYiga do waa ˈˈdhü ˗nu ˈwo˗ bhɛ ˗bhö waa wü ˗nu ˗wo ˗kun mü. ˗A ˗dhɛ ˈö ˈˈdhʋ̈ ˗wa ˗dhɛ Edɛnö.

Zoova ˗yö dhiaŋ ˗zë ˗an ˗dhɛ, ˈö pë ˗nu ˈwo ˗dho ˗a kë˗ ˈö˗ ˗zɔn ˗an ˗dhɛ. ˗Wa wo ˈˈtʋ ˗to ˗a ˗wo ˗bha, ˈyö ˈwo dho ˈto˗ ꞊bhɔɔ ˈˈsɛ ˈö ˈˈdhʋ̈ ˗a ˗ta yi ꞊gban ˈka.

Zoova ˗yö ˈˈdhü do ˈbha ˗zɔn Adan waa Ɛvö ˗an ˗dhɛ ˗dhɛ ˗së ˈö bhë ˗a ˈgü. ˈYö ˗dhioo dɔ ˗an ˗ta ˈö˗ pö ˈwa ˈdho ˗a bhɛ ˗bhö. Kö ˗wo ˗a ˗bhö, ˗wo ˗dho ga.

˗Zlan ˗bha ˈˈkiö do ˗yö ˗gban ˗Zlan ˗gɔ. ˗A ˈˈkiö yaa ˈö ˈˈdhʋ̈ ˈyö ˗tɔ Sɔtraan, Dügɔmɛn.

ˈˈKɛɛ ˈyaa kun Sɔtraan ˗dhɛ ˗së kö Adan waa Ɛvö ˗wo wo ˈˈtʋ ˈto Zoova ˗wo ˗bha. ˗A ˗wɔn ˈgü ˈyö bɔ ꞊mlɛɛn do ˗ta ˈö˗ pö Ɛvö ˗dhɛ ꞊dhɛ kö ˗yö ˈˈdhü bhɛ ˈö bhë ˗a ˗bhö, ˈyii ˗dho ga, ˈˈkɛɛ ˗yö ˗dho kë˗ ꞊dhɛ ˗Zlan ˈdhö. Kɛnŋgbö ꞊sua ꞊dede ˈnën Sɔtraan ˗ya ˗kë.—ˈWunzüdɔdhɛ 3:1-5.