˗Zlan ˗dede ˗yö ˗a ˗kë ˈö mɛnbhɩɩdhe ˗nu ˗wa ˗zopiʋ̈wɔn ˗ya ˈsëëdhɛ ˗be ˈˈslʋ̈ʋ̈slʋ̈ ˈö ˈwo˗ ˗dhɛ Biblö bhë, ˗a ˈgü. ˈWɔn ꞊bhlëësü ˗nu ˈnën ˈwo Biblö ˈgü. ˗Zlan ˗ya ˈˈpiʋ̈ kö ˈka ˗an dɔ.

˗Zlan ˗yö kwa ˗bha ˈwɔn ˗së ˗dɔ. Yö dosɛnŋ ˈnën ˈö ꞊mɔɔn˗ ˗bha kö ˗yö ˈwɔndɔdhe nu kwa ˗dhɛ. Kö ˈka ka ˈˈtʋ ˈto ˗a ˗wo ˗bha, ka ˗bha ˈwɔndɔdhe ˗dho -dadhiʋ̈. —Zakö 3:17; Dhukö 11:28.

˗Zlan ˗ya ˈˈpiʋ̈ kö mɛn ˈˈpɛpɛ Biblö ˗wo pö. Biblö ˗yö ˗wo ꞊vadhɛ ˈgü ꞊dɛɛ.

ˈBha˗ pö pë ˗nu ˈö ˗Zlan ˗ya pö ˈü ˗an man, kö ü ˗bhawɔn ˗yö Biblö ˗wo pö ˗sü waa˗ ˈgüman ˗sü ˗bha.

Zoova ˗bha ꞊Gbɛkiö ˗nu ꞊mɔɔn˗ ˗bha ˈö ˈwo ü ˗takun Biblö ˈgüman ˗sü ˗bha.

ˈˈSɛ ˈˈpɛpɛ ˈgü ˗wo gagade ˈö ˗gban ˗Zlan ˗bha ˗a ˗zɔn mɛn ˗nu ˗dhɛ.

ˈBha ˈdho ˈzü ˗an ˗bha ˗ya ˈkwëë˗ kë ˗dhɛ ˈgü, ˈwɔn ˗nu ˈö ˈwo ˗gban ˗Zlan ˗bha ü ˗dho ˗an ˈgü man. Ü ˈti ˗dho ˗an ꞊saa bho ü draansü ˗bha.