ˈˈKpɔnŋtaadhɛ ˗dho kë ꞊bhɔɔ ˈˈsɛ ˈka
ˈWɔn yaa ˈˈpɛpɛ ˈö Sɔtraan ˗yö ˗an ˗kë, Zoova ˗dho ˗an bho ˈˈshia˗ ˈˈpɛpɛdhö. Zoova ˗ya Yesu kë ˗Gblüdë ˈka ˈˈsɛ ˗todhʋ̈sü ˗ta. ˗A ˗bha mɛnkɔɔnsü ˈˈtʋ̈ŋ ˈka, ˈˈkpɔnŋtaadhɛ ˗dho kë ꞊bhɔɔ ˈˈsɛ ˈka.—Daniel 7:13, 14; Dhukö 23:43.
Pë ˗nu ö Zoova ˗yö ˗an ˈˈplüün bho ˈyö ˈwo ꞊nɛn:
-
˗BHÖPË ˗DHO KË ꞊VA: “˗Zlan, kwa ˗bha ˗Zlan ˗dho ˈdhuëë˗ ˈkpɔ kwa ˗bha, ˈö ˈpë ˈkwa˗ ta ˈö ˗dhi.” “˗Mlü ˗dho kë ꞊va ꞊dedewo ˈˈsɛ ˗ta; ˗tɔn ˗ta ˗dhɛ ˗nu ˈgü, ˗bhöpë ˗dhö dhi mü.”—Psaume 67:6; 72:16.
-
˗GBLÜ ˗DHO ƝËN: “˗Ka nu, ˈka Zoova këwɔn ˗nu ˗ga, ˗ya ˈwɔn ˈˈmlümlüsü ꞊va kë ˈˈkpɔnŋ ꞊taa. ˗Zlan ˗dho ˗gblü ɲën ˈˈkpɔnŋtaadhɛ ˗todhʋ̈sü ˈgü.”—Psaume 46:8, 9.
-
ˈWƆNYAAKËSÜ ˗DHO ƝËN: “ˈWɔnyaakëmɛn ˗nu ˈgü ˗dho shiʋ̈ˈˈ [...] ˗A ˈˈtʋ̈ŋ ꞊ya ˈto ꞊klöö˗ kö ˈwɔnyaakëmɛn ˈyaa ˈdhö ˈzüdɔ, ü ˗dho ˗dhɛ ˗ga ˗dhɛ ˈö˗ ˗bha ˗be ˗a ˈgü kö ˈyaa mü ˈzüdɔ.”—Psaume 37:9, 10.
-
ˈˈYUA, ˗WËËWOKPƆSÜ, WAA GA ˗NU ˗WO ˗DHO ƝËN: “˗A ˈˈtʋ̈ŋ ˈö bhë ˗a ˈgü, ˈˈɲɛɛntiimɛn ˗nu ˈˈɲan ˗dho ˈˈpʋ˗, ˈö ˈˈtʋgbumɛn ˗nu ˈˈtʋ ˗yö ˈwɔn man. ˗A ˈˈtʋ̈ŋ ˈö bhë ˗a ˈgü, ꞊niɔɔnmɛn ˗dho ꞊lö ꞊dhɛ ˗vë gɔn ˈdhö, ˈö ˈˈbhʋbhʋ ˗yö ˗gbla ˈˈzuʋ̈gblüdhi ˈka.”—Isaïe 35:5, 6.
˗Zlan ˗dho “ˈto˗ ˗nu ˈˈpiʋ̈ ˗kpɛawo, kö yö ꞊në ˗yö kë˗ ˗nu ˗bha ˗Zlan ˈka. ˗Yö ˗dho ö ˗kɔ ziö˗ ˗nu ˈˈyan ˈˈdhiʋ̈, ˈö˗ ˗nu ˈˈyanyi ꞊gban bho mü ˈˈpɛpɛdhö. Ga ˈyii ˈdho bhɔ ˈzü, ˈˈɛɛn ˗wëë ˗ya wo ˗sü ˈbha ˈyii ˈdho kë ˈzü, ˗wëëwʋ ˈkpɔ ˗sü waa˗ pë ˗ma mɛ ˈka ˗sü ꞊gbaan yën. ˗A ˗gɛn ˗mü ꞊dhɛ ˈwɔn ˈˈpɛpɛ ˈdhɛ ˈkö gun kë sië zii ˗blɛɛsü bha˗ ꞊gbaan ziö.”—˗Dhɛkpaɔ dhiaˈˈ ˈsëëdhɛ 21:3, 4.
Sɔtraan waa ö ˗bha ˗zuu yaa ˗nu ˗wo ꞊sua ˗kë. ˈˈKɛɛ Zoova ˗zë, ˈyaa ꞊sua kë toŋtoŋdhö. Pë ˈˈpɛpɛ ˈö˗ ˈˈplüün bho, ˗yö ˗kë. (Dhukö 1:36, 37) Ü ˗dhɔ ˗yö Zoova ˗kë. ˗Ya ˈˈpiʋ̈ kö ˈü ˗tosɛta kë ꞊bhɔɔ ˈˈsɛ ˈö ˗dho ˗a kë bhë ˗a ˗ta. ˗Bhö ˗a ˗bha ꞊Gbɛkiö ˗nu ˗ʒian mɛɛnˈˈ kö ˗wo ü draanˈˈ gagade ˈˈnɛɛnnɛn ˗nu ˈwo ˗Zlan ˈˈDhiwo ˈgü bhë ˗an ˈka. ꞊Ya kë ꞊dhɛ ˈbha gagade ˗nu ˈwo bhë ˗an ˗ya ꞊bhlëë ˈgü ü ˗bha ˗tosɛta ˈgü, ü ˗dho ˈgo ꞊sua, ˗zoyödhe ꞊suasü ˗nu waa ˗kë wo tiibha ˗sü ˗nu ˗gɔ ˈˈgan ˈgü. ˗A ˈˈdhiʋ̈todhɛ ˈgü, ü ˗dho ˈgo ˈwɔn yaakë ˗dhii waa ga ˗an ˗gɔ ˈˈgan ˈgü ˈpö. “[Ü] ˗dho tɛanwɔn dɔ, ˈö tɛanwɔn bha ˈö [ü] gba ˗ya ˗dɩ ˈflëë˗ ˈgü ˗sü ˈka” ꞊dhɛ ˗kɔ ˈö Yesu ˗ya pö˗ ˈka bhë˗ ˈdhö. —Zan 8:32.
˗A ˗ga ˗sü ˗dhɔ ˗dho ü kë ˈpö
ESSENTIAL BIBLE TEACHINGS
-Mën ˈö -tɔ -Zlan -bha -Gblüdëdhɛ?
Kö Yesu -yö ꞊kun ˈˈsɛ -ta, -yö -Zlan -bha -Gblüdëdhɛ -wɔn -blɛɛ ꞊va, ˈö -ʒiö -a ˈka ˈwɔn ꞊gban ˈˈpɛpɛ -ta. -Kwɛ kënŋ ꞊va ꞊dede -ya ʒiö, ˈö- -bha gwëëˈˈ -nu ˈdho bhɛɛˈˈ -ni ˈgü kö -Gblüdëdhɛ ˈö ˈˈdhʋ̈ -yö nu.
