˗Bhö ˈdhaŋ˗ bho ˈˈtʋtomɛn ˗nu ˈˈdhiʋ̈. ˗Bhö ˗a ˗ya ü ˗zo ˈˈpiʋ̈ ꞊dhɛ ü ꞊dhegblü ˗nu ˗wa ˈˈpiʋ̈ kö ˗wo Zoova dhɔɔbhaawɔn kë. ˗Dhɛ ˈö ˈˈdhʋ̈ ˈkö ꞊dee ü dua ˗mü kö ˈü ˗dhioo dɔ ˗an ˗ta, ˗a ˈˈsɩ ˗ya kë ü ˗dhɛ, ˗bhö ˗an ˈˈnuɛ bho ˗kpɛɛwo.

ˈBha ˈdho ꞊gbɔɔn ˈwɔn yaa ˗nu ˗ta. ˈÜ ˈwɔn ˗gɔ ˈbha ˈgü ˈˈpʋ ˗ni ˈgü, ˈbha˗ pö ˈü ˈwɔn yaa blɛɛˈˈ ˗a ˈgü, ˗yö kë ˗gleŋ ˗sü ˗a ˗bha ˗pë ˈka. Dhiaŋ ˈˈpɛpɛ ˈü ˗dho ˗a zë, ˗yö kë mɛn ꞊faan ˈmën ˗wo ˈka.

˗Bhö yö kë ˗së ˈka ˗Zlan ˗Wo ˈka. Pë ˈö Zoova ꞊yaa˗ ˗kë ˈsaadhö, pë ˈö˗ kë ˗ni ˈgü ꞊dɛɛ waa˗ ˗dhɛ ˈö ˗dho ˗a kë dhiʋ̈ˈˈ mɛnbhɩɩdhe ˗nu ˗dhɛ, ˗bhö ˗a kë kö ˈˈtʋtomɛn ˗nu ˗wa dɔ. ˗Bhö ˈˈtʋtomɛn ˗nu ˗zogban, ˈü ꞊faan ˗da ˗an ˈgü.