˗ZLAN ˈˈPIIGBƖƖ˗ ꞊VA DËMƐN ˈnën ˈö ˗tɔ ˈˈkpɔnŋtaadhɛ ˗todhʋ̈sü ˗bha ˗Gblüdë ˈKpii˗. Kwa ˗bha ˗tosɛta kë ˗sü ˈö ꞊dɛɛ, waa˗ ˈdhɛ ˈö ˗dhɛkpaɔ dhiʋ̈ˈˈ ˈgü, ˗yö ˗sü yö ꞊nën˗ ˗bha. ˈDhuëë˗ ˗kpɔ mɛn ˗bha ˗sü, waa ˈwɔn bho mɛn ˈgü ˗sü ꞊faan ˗ya ˗gɔ. ˗Tosɛta ˗nu mɛn ˗dhɛ ˗sü, waa˗ ˗sü mɛn ˗gɔ ˗sü ꞊faan ˗ya ˗gɔ ˈpö. ꞊Ya kë ꞊dhɛ ˈkwa kë ˗a ˗dhɛ ˗së, ˗tosɛta ˗dho dhi kwa ˗bha. ˈˈKɛɛ, ˈkwa kë ˗a ˗dhɛ ˈyaa˗, ˗tosɛta ˗dho ꞊shiö kwa ˗bha. ˈDhɛ ˈö ˈˈdhʋ̈, ˗yö ˗së ꞊dedewo kö ˗kɔ ˈö ˈkwa˗ ˗dhɔkë ˗a ˗bha, ˗yö kë ˗a ˗dhɛ ˗së.

Mɛn ˗nu ˗wa ˗dhɔkë ˗kɔ ꞊va ꞊dede ˗ta. ꞊Ya kë ꞊dhɛ ˈkwa ˗zlanwo ˗zɔn ʒiaan ˈka, kö ʒiaan ꞊gban ˈˈpɛpɛ ˗wo ˗Zlan ˗dhɛ ˗së ˗ee? ˗Abin! ˗A ꞊gban ˈwaa˗ ˗dhɛ ˗së. ˗Zlan ˗wodhiʋ̈lomɛn Yesu ˗ya ˗pö ꞊dhɛ ʒiaan ꞊plɛ ˈˈkpaan ꞊nën ˈwo ˈdhö. ꞊Ya ˗pö ꞊dhɛ: “Yö ꞊nɛ ˈö tɔɔ zian ˗gblooga ˈgbɛa ˈö dho mɛ ˈbhee˗ ˈka ˈgü ꞊siöˈ ˗zian ˈpiö; yö ꞊nɛ ˈö mɛdhɛvadhɛ dhö ˗a ˗zian ˗ta bhë. ꞊Dhɛ ˈö ˈdhö ꞊nɛ, ˗ka ˗da ˈkɔdhi ö˗ ˗da mü ˗sü ˈdhö ˈgbee˗ ˈka. Yö ꞊nɛ ˈö tɔɔ zian ˗gblooga ˈö dho ꞊toëpö ˗këdhösü ˗zian ˈpiö, ˈö mɛ ˗nu ˈwo˗ ˗ta, ˈwo ˈtee.”—Matiö 7:13, 14.

˗Zlanwo ꞊suu ˗nu ˗wo ꞊plɛ ˈˈkpaan. ˗A do ˗dho mɛn ˈka ˗tosɛta ˈö ˈyaa ɲën ˗a kë ˗dhɛ ˈgü, ˈö˗ do dho mɛn ˈka ˈgüshiʋ̈ ˗ʒian ˗ta. ˈSëëdhɛ ˗be ˈnën ˈö yö, ˗a kë ˗gɛn ˈö ˈdhö, ˈyö ˗tɔ kö ˗yö ˈü ˗takun, kö ʒiaan ˈö dho mɛn ˈka ˗tosɛta ˈö ˈyaa ɲën ˗a kë ˗dhɛ ˈgü, ˈü˗ ꞊slɔɔ.