DHƐƐˈˈ 10
Biblö ꞊mɔɔn˗ ˗bha kö ˗yö n ˗takun ˗kɔ ˗kë ꞊dhɛ?
˗MËN ˈÜ ˗DHO ˗A KË?
˗Bhö ü ˗zota ˈwɔn ˈö yö, ˗a ˈgü: Davi ˗yö ˈˈglü ˗ni ˈgü ˈplöö ˗dhɛtiidhɛ ˈgü. ˈˈKɛɛ ˗dhɛ ˈö ˗kë ꞊dhɛ ˈˈbin ꞊ya ˈmën bhë, ʒian ˈö ˈdho ˗ni ˈgü ˗a ˈka bhë, ˈyaa˗ dɔ ˈzü. ˗A ˈwɔn ˗ya kë ˗a ˈˈɲaan ꞊dhɛ ˈya ˗dhiɔŋ. ˗A ˈbha ˗ya kë kö ˗yö ʒian yaa ˗sü ö ˗de ˈtii ˈka.
Ü ˗kë Davi ꞊duɛ ˈgü ˗be, ˗mën ˈü ˗dho ˗a kë?
ˈDUANNU, ˈÜ Ü ˗ZOTA!
ˈˈSlö ˈü ˗dho ˗a kë ˗yö ꞊va:
-
Ʒian dhɛɛˈˈ ˗kpɔ mɛn ˈbha ˗gɔ ˗sü.
-
Tɔɔshö dɔ ˗sü.
-
˗Dho ˈˈta ˈka ˈˈdhiʋ̈ ˗sü, ˈyö ˗tɔ ꞊dhɛ ü ˗bhaa ˈgü yöö kë ˗kɔ ˈˈʋʋ ˗kɔ ˈgü, ü ˗dho yö ʒian ˗së ˗bha. ˗Yö mɛn ꞊gban kwa ˈˈɲaan ꞊dhɛ
ˈˈslö C bhë, ˈyaa ˈˈslö ˗së ˈka.
ˈˈSlö B ˗yö ˗së ˈö ˗ʒiö ˗a ˈka ˗a ꞊blɛɛsü ˗ta, ˈyö ˗tɔ ꞊dhɛ ˈbha tɔɔshö dɔ, ü ˗dho ü ˗ba ʒianga ˗bhokoo yö.
˗Kɔ do bhë ˗a ˈka ˈpö, Biblö ˗yö ꞊mɔɔn˗ ˗bha kö ˗yö ü ˗takun.
ˈSëëdhɛ ˗be ˈö mɛn ˗nu ˗wa dhɔ ˈgbɛ bhë, ˗yö ꞊mɔɔn˗ ˗bha
-
kö ˗yö ü ˗takun ˈwɔn ˈˈgbɩɩ˗ ˗nu ˈwo ü ˗bha ˗tosɛta ˈgü ˗a ˈˈɲan bhɔ ˗sü ˗bha.
-
kö ˗yö ü ˗takun kö ˈü ü ˗de dɔ, kö ˈü kë mɛn ˗tiaandhö ˈka.
-
kö ˗yö ˗tosɛta kë ˗kɔ ˗së ˈö ˈdhö, ˗a ˗zɔn ü ˗dhɛ.
˗TOSƐTA DHƐƐˈˈ ˈˈGBLƲ̈GBLƲ̈ ˗NU ˗YƆ ˗NU
˗Dhɛ ˈö kwa ˈˈdhi ˗yö ˗kan, ˈyö ˈkwa ˗ya dhɛɛˈˈ ˈkpɔ ˗sü ˗bha.
-
˗Mën ˈö ˗kë ˈö dhaŋ˗ ˈˈɲan ˗yö ˗kë ˈˈbudhanŋsü?
-
˗Wo ˗gbɔdenën ˗nu ˗pë ˗kë ˗mën ˈka?
Kwa ˈˈgla ˗ni ˈgü, ˈyö ˈkwa ˗ya dhɛɛˈˈ ˗nu ˈwo ˗gban kwa ˗bha ˗tosɛta ˗bha, ˗an ˈkpɔ ˗sü ˗bha.
-
˗Mën ˈö ˗kë ˈö ˈwɔn yaa ˗yö ˗kë kwa ˈka?
-
˗Mën ˈö ˗kë ˈkwa ga?
꞊Ya kë ꞊dhɛ ˈö bhɔ ˈˈdhʋ̈ ꞊kwɛŋzü dhɛɛˈˈ ˗nu ˈwo yö, ˗an ˗yɔ ˗nu ˗wo Biblö ˈgü ꞊wɛ?
Mɛn ꞊vadhɛ ˗wa ˗pö ꞊dhɛ ꞊kwɛzlan ꞊sua ˗sü ˗nu ˈnën ˈwo Biblö ˈgü, ˗a ˗bha ˈˈtʋ̈ŋ ˗ya ʒiö ɛɛnˈˈ ˈzü ˗a ˈgüman ˗dhɛ ˗yö ˈˈgbɩɩ˗, ˈˈkɛɛ Biblö ˈpö ˈwɔn ˈdhö ˗a ˗bha ˗ee? Ɛɛnˈˈ mɛnbhɩɩdhe ˗nu ˗bha Biblö yö ˗kɔ ˈnën ˈwɔn ˈdhö ˗a ˗bha ˗ee? ꞊Sua ˈnën ˈwo˗ ˗kë ˗an ˗dhɛ ˗ee?
˗A ˈwɔnzuan ꞊nɛn: Mɛn ꞊vadhɛ ˗bha ˈgü, Biblö ˗ya ˗pö ꞊dhɛ ˗Zlan ˈnën ˈˈkpɔnŋtaadhɛ ꞊kɔɔn, ˈˈkɛɛ ˗yö ꞊mɔɔn˗ ˗bha kö ˗yö kë ˈˈdhʋ̈ ˗ee? ˈˈKpɔnŋtaadhɛ ˈö yö, ˗ya kaanˈˈ ˈkwëë. ˗Ya pa pë ˗bha ˗mën mɛn ˈka ˗sü waa saanˈˈ ˗nu ˗an ˈka, ˈˈyua waa ga ˗an ˈka, ˈˈflɛɛdhɛ waa ˈwɔn yaa ˗nu ˗an ˈka. ˗Dhɔkaa ˗Zlan ˗yö ꞊mɔɔn˗ ˗bha kö ˈwɔn ˗nu ˈwo ˈˈdhʋ̈, ˗an kë ˗ee?
˗Yö ü ˈˈpiʋ̈ kö ˈü ˗a ˗yɔ ꞊slɔɔ ˗ee? Pë ˈö Biblö ˗ya pö, ˗a ˈwɔn ꞊mɔɔn˗ ˗bha kö ˗yö ü ˗kun!
˗A ˈbha ꞊ya kë, kö ˈbha˗ ˈsuan bho ꞊dhɛ ˗dhioo ˗nu ˈwo ˈsëëdhɛ yö˗ ˈgü bhë, ˗wo ˗go Biblö ˈgü. ˗Yö ga ˗sü ˈka Zoova ˗bha ꞊Gbɛkiö ˗nu ˈgü ꞊dhɛ Biblö ˗yö ˗dhioo ˗godhɛ ˗së, ˈö ˈkwa ꞊mɔɔn˗ ˗bha ˈkwa kwa ˗zoyö ˗a ˗dhɛ, ˗a ˈka. ˗A ˈwɔn ˗yö ga ˗sü ˈka ˗an ˈgü, ˈyö ˗tɔ ꞊dhɛ pë ˗nu ˈwo˗ ˈgü bhë, “[˗Zlan] ꞊në˗ ˗ya mɛ ˈˈbhɩɩ˗ ˗nu zuëˈˈ ˈˈpiʋ̈ ˈyö ˈwo˗ ˗ya ˈsëëdhɛ ˈgü, kö ˗wo kwa draan˗ pë ˈö kpengdhö ˗a ˈka, kö˗ ˈdhɛ ˗nu ˈö ˈwaa ˗së kö ˈkwa˗ dɔ.” (2 Timote 3:16, 17) Bhi ꞊dede ˗bhö ˈsëëdhɛ ˗be zii, ˈˈkɛɛ ˈö ꞊tun ˗së kwa ˗bha ˈˈtʋ̈ŋ yö˗ ˈgü bhë, ˗a ˗wo pö!