Mɛn ˈˈpɛpɛ ˈö Zoova ˗Zlan waa ö ˗Wo ˈö ˗kë Biblö ˈka ˗an ˗dhɔ ˗yö ka ˗kë, Yesu ˗ya ˗pö:

«Ka ˗dho tɛanwɔn dɔ, ˈö tɛanwɔn bha ˈö ka gba ˗ya ˗dɩ ˈflëë˗ ˈgü ˗sü ˈka.» (Zan 8:32) ˗Bhö ü ˗zota ˈˈtʋ̈ŋ ˈü gagade ˈö Biblö ˈgü ˗a dɔ ˗a ˈka bhë ˗a ˈgü. ˗A ˈwɔn dɔ ˗sü ˈö ꞊dhɛ kwa ꞊mɔɔn˗ ˗bha ˈkwa gagade dɔ ˈˈkpɔnŋtaadhɛ ˈö ꞊ya pa ꞊sua ˈka yö ˗a ˈgü bhë, ˗yö kwa zuʋ̈ˈˈ ˈˈgblü ˗dhi ꞊dedewo.​—2 Timote 3:1.

Zoova ˗ya ˈˈpiʋ̈ kö ˈkwa gagade dɔ. ˈDhɛ ˗kë ꞊dhɛ mɛn ˗nu ˗dhɔ ˗yö kwa ˗kë, kwa˗ ˈˈpiʋ̈ kö ˈkwa gagade ˗zɔn ˗an ˗dhɛ. ˈˈKɛɛ kwa ˗bha ˗Zlan ˗dhɔkësü ˈˈdhiʋ̈ ˈyaa ˈto gagade ˗zɔn mɛn ˗nu ˗dhɛ ˗sü ˗ta. Kwa Zoova ˗bha ˈtɔŋ˗ ˗gɛngbandhɛ ˗nu ꞊bhlëë ˗ya ꞊dedewo. ˗A ˗wɔn ˈgü, kwa dua ˗mü kö ˈkwa pë ˈˈpɛpɛ kë, kö ˈkwa kwa ˗bha ˗tosɛta kë ˗kɔ ˈsü Yesu ˗bha. ˗Kɔ ˈö ˈkwa ˗dho ˗a ˗zɔn ˗a ˈka ꞊dhɛ ˗Zlan ˗dhɔ ˗yö kwa ˗kë, Yesu ˗ya ˗blɛɛ ˈö˗ pö: «꞊Ya kë ꞊dhɛ ˈka ka ˗zʋ kë ˗wʋ ˗nu ˈa˗ kpɔ ka ˗bha bha˗ ˈgü kö ˈka˗ ˈgü ˗wɔn kë, [...] kö ka ˗dhɔ bha˗ ˈˈgblʋʋ ˗ta ꞊dhɛ ˗kɔ ˈö mang ˗dɩ ˈpö ˈa n Dë ˗wʋ kun˗ ˈka ˈö n ˗dhɔ ˗ya ˗kë bha˗ ˈdhö ꞊naa bha.»​—Zan 15:10.

Yesu Dë ˗dhɔ ˗ya ˗kë ꞊dedewo. Pë ˈˈpɛpɛ ˈö˗ Dë ˗ya pö ˗a ˗dhɛ, ˗ya ꞊gban ˗kë. Kö ˈkwa ˈto Yesu ˗bha ˈwɔnzuan ˈˈpiʋ̈, kwa ˗dhɔ ˗dho Zoova kë, ˈö kwa zuʋ̈ˈˈ ꞊nii ˗yö ˗da ꞊dedewo. Yesu ˗ya ˗pö: «ˈMa˗ pö ka ˗dhɛ ˈka˗ dɔ. ꞊Ya kë ꞊dhɛ ˈka˗ ˈgü ˗wɔn ˗zë kë, ka ˗bha ˗dho kë ˗së.»​—Zan 13:17.

Yi˗ ˈwɔn ˗dɔ ꞊dhɛ ˈsëëdhɛ ˗be ˈö yö, ˗yö ˗dho ü ˗takun kö ˈü ü ˈˈta ˗kɔ ˗bɛ gagade ˈö Biblö ˈgü ˗a ˗bha, kö ˈü kë ˗Zlan ˈˈtɔŋdë ˈka. Yi ˗bhɛɛ ü ˗bha ˈka kö ˗Zlan ˗dhɔ ˈö ü ˈgü bhë ˗yö ˗dadhiʋ̈ kö ˈü ˈto ˗klu ˗sü ˈka ‹˗Zlan ˗dhɔ ˗bha kö ˗yö ˈto˗ ˈka ˈˈdhʋ̈ ˗yö zun˗ ˈka yi ˈö ˗dho kwa gba ꞊sii ˈö ˈyaa yën˗ ˈka bha˗ ˗bha.›​—Zudö 21.