꞊Waa˗ pö “˗yödhiʋ̈” kö ˗wo ˗we mɛn ˈwo˗ bɔ ˈˈdhiʋ̈, ˈö ʒiaan ˈˈpʋ ö ˈˈtɛɛbɔ ˗nu ˗gɔ, ˗a ˈka. Yesu ˗kun ˗yödhiʋ̈ ˈka, ˈyö ˗tɔ ꞊dhɛ ˗Zlan ˗ya ˗bɔ ˈˈsɛ ˗ta kö ˗yö ˗yö ˈö ˗gban ˗zlanwopösü ˗bha bhë, ˗a züdɔ, kö ˗yö dhadhe ˗ʒian ˈˈpʋ mɛnbhɩɩdhe ˗gɔ. (Matiö 20:28) Kwa ˗bha ˈˈtʋ̈ŋ ˈgü, Yesu ˗bha gwëëˈˈ ˗nu ˗wo ˗ʒiö ˗a ˈˈpiʋ̈ wo ˗bha ˈˈtʋ̈ŋ ˈsü ˗sü ˈka kö ˗wo mɛn ˗nu ‘zuëˈˈ slëë˗ ˗a ˈˈpiʋ̈.’ (Matiö 28:19, 20) ˗A Mɛn ˈbha ˗nu ˗wo ˗yödhiʋ̈ ˈka.

Mɛn ˈö ˗zlanwopö ˈˈtʋ̈ŋ ꞊gban ˈgü. Zoova ˗bha ꞊Gbɛkiö ˈˈpɛpɛ ˗wo ˈwɔn ˗taɔŋ ˗së ˗pö. ˈˈKɛɛ a mɛn ˈbha ˗nu ˗wo wo ˗de ˗baa kö ˗wo ˈˈlɛlɛ 70 kë ˈˈsu ˗bha, ˗kë ˈˈtʋ̈ŋ ꞊gban ˈgü ˗yödhiʋ̈ ˈka ˗sü ˈka. Mɛn ˈbha ˗nu ꞊wa pö ˈwo ˗kë ˗a ˈka, ˗wo ˗yö kë ˈˈtʋ̈ŋ kpö ˈnën ˈbha ˈˈpiʋ̈. ˗Wo mɛn ˈˈwɛɛ ˈbha ˗nu bɔ ꞊dhɛ ˗yödhiʋ̈ ˗detasü ˗nu ˈdhö ˗dhɛ ˈö ˗zlanwopömɛn ˗nu ˈwaa mü ꞊va, ˗a ˈgü. ˈˈLɛlɛ 130 ɛɛnˈˈ ˈö ˗ʒiö ˗a ˗ta ˈnën ˈwo˗ kë ˈˈsu ˗bha. ˗Yödhiʋ̈ ˗nu ˗bha ˗tosɛta ˗yö ˗bhaasü. ˗Yö ˗ga ˗sü ˈka ˗an ˈgü ꞊dhɛ pë ˈö ˗an ˗bhawɔn ˈdhö˗ ˗bha, Zoova ˗dho ˗a nu ˗an ˗dhɛ. (Matiö 6:31-33; 1 Timote 6:6-8) Mɛn ˗nu ˈö˗ ˈˈsɩ ˈyaa ˗an ˗dhɛ kö ˗wo kë ˈˈtʋ̈ŋ ꞊gban ˈgü ˗yödhiʋ̈ ˈka bhë, ˗wo ꞊mɔɔn˗ ˗bha kö ˗wo ˗kë ˗yödhiʋ̈ ˗kɔ ꞊löö ˈka, ˈyö ˗wo ˈˈlɛlɛ 30 ɛɛnˈˈ 50 kë ˈˈsu do ˈgü.

Mɛn ˈö ˗Zlan waa mɛn ˈˈwɛɛ ˗nu ˗dhɔ ˗ya ˗blü ˗zlanwopösü ˗bha. ꞊Dɛɛ, ˈyi˗ yö ˈpö ꞊dhɛ mɛn ꞊vadhɛ ˗bhawɔn ˗yö ˗Zlan dɔ ˗sü ˗bha ꞊dhɛ ˗kɔ ˈö Yesu ˗ya yö˗ ˈka ꞊kwɛŋzü bhë, ˗a ˈdhö. (Makö 6:34) ˈˈKɛɛ ˈwɔndɔdhe ˈö yi ˗gɔ bhë, ˗yö ꞊mɔɔn˗ ˗bha kö ˗yö ˗an ˗takun kö ˗wo wo ˗zoyö ˗dhɛkpaɔ dhiʋ̈ˈˈ ˗dhɛ. Mɛnbhɩɩdhe ˗dhɔ ˗yö ˗yödhiʋ̈ ˗nu ˗blü ˗an ˗bha ˈˈtʋ̈ŋ waa ˗an ꞊faan ˗nu ˈsü ˗sü ˗bha kö ˗wo ˗zlanwopö mɛn ˈˈwɛɛ ˗nu ˗dhɛ. (Matiö 22:39; 1 Tesadhonikö 2:8) ˗A ˗kë ˈˈdhʋ̈ ˗sü ˗yö ˗an ˗bha ˗zoyödhe ˗dadhiʋ̈. ˗Yö ˗an ꞊ɲɔɔn ˗Zlan ˗bha, ˈyö ˗an zuʋ̈gblüdhi.—Këwɔn ˗nu 20:35.

• ˗Yödhiʋ̈ ˗gɛn ˈnën ˈtɔ˗ ˗mën?

• ˗Mën ˈö mɛn ˗nu ˗blü ˗kë ˈˈtʋ̈ŋ ˗gban ˈgü ˗yödhiʋ̈ ˈka ˗sü ˗bha?