ˈMan ˗mɔn ˗ee?
ˈMan ˗mɔn ˗kë ˗zlanwopömɛn ˈö yö ˈti bɔ ˈˈyi ꞊bhaa ꞊kun ˗a ˈka ˗sü ˗bha ˗ee?
Pë ˗nu ˈö ˈwo ˗dho ˗a ˗zɔn ꞊dhɛ ˈbha ˗mɔn wo ˈnën ˈwo ˈtɔ˗ . . .
Biblö draansü, bhɛɛsü waa ˗nu ˗zlanwokɔdhi ˗bha ˗bhɔkwëë ˗nu ˗ta ˗sü ˈö ˗kplawo,
pë ˗nu ˈü ˗an man ˗ni ˈgü Biblö ˈgü bhë ˗an ˗dhɔ ˗bha ü kë ˗sü, ˈü ü ˗zo yö ˗an ˗dhɛ, ˈö ˗an ˗blɛɛ mɛn ˈˈwɛɛ ˗nu ˗dhɛ ˗sü ˗dhɔ ˗yö ü ˗kë,
Zoova ˗dhɔ ˗bha ü kë ˗sü waa ˗nënŋ mɛn ˗nu ˈö˗ ˗dhɔ ˗yö ˗an ˗kë ˈpö ˗an ˗bha ˗sü,
˗kan ˈˈsɛkɔɔwɔn ˗nu waa ꞊sua ˗zlanwo ˗nu ˗bha ˗sü ˈö ˈpapadhö,
ü ˗bha ˗tosɛta ˗bɛ Zoova ˗bha ˈtɔŋ˗ ˗nu ˗bha ˗sü, ˈö ˈü˗ ˈˈpiʋ̈ ꞊dedewo kö ˈü kë Zoova ˗bha ꞊Gbɛkiö ˈka.
꞊Ya kë ü ˈgü ꞊dhɛ ˈbha ˗mɔn ˗kë ˗zlanwopömɛn ˈka ˗sü ˗bha, ˗a blɛɛˈˈ mɛn ˈö Biblö ˗zɔn ü ˗dhɛ ˗a ˗dhɛ. ꞊Ya kë ˈˈdhʋ̈ kaa mɛn zii ˗nu ka ˗dho ˈˈdoodɔ, kö ꞊ya kë ꞊dhɛ ˈbha ˗mɔn ˗wa pö ü ˗dhɛ.
ˈMan ˗mɔn ˗bɔyibhaasü ˗bha ˗ee?
Pë ˗nu ˈö ˈwo ˗dho ˗a ˗zɔn ꞊dhɛ ˈbha ˗mɔn wo ˈnën ˈwo ˈtɔ˗ . . .
˗kë ˗zlanwopömɛn ˈö yö ˈti bɔ ˈˈyii ꞊bhaa ˗a ˈka ˗sü,
˗zlanwopösü ˈö zoodhö zoodhö,
‹gwëëmi ˗towotasü ˈö ꞊kpaɔsü› ˗a ˗bha ˗dhioo ˗nu ˗ya ꞊bhlëë ˈgü ˗sü (Matiö 24:45-47),
ü ˗de nu ˗sü ˈö bhɛɛwo ˈgü Zoova ˗dhɛ ˈsaadhö ꞊dhɛ, ü ˗dho ˗a ˗dhɔkë ˗toëpö ˈka.
꞊Ya kë ü ˈgü ꞊dhɛ ˈbha ˗mɔn ˗bɔyibhaasü ˗bha, ˗a blɛɛˈˈ mɛn ˈö Biblö ˗zɔn ü ˗dhɛ ˗a ˗dhɛ. ꞊Ya kë ˈˈdhʋ̈ kaa mɛn zii ˗nu ka ˗dho ˈˈdoodɔ, kö ꞊ya kë ꞊dhɛ ˈbha ˗mɔn ˗wa pö ü ˗dhɛ.
