Pë ˈö mɛn ꞊gban ˈˈpɛpɛ ˈkwa˗ ˈˈpiʋ̈ ˗kwɛ 2023 ˈö yö ˗a ˈgü, ˈyö ˗tɔ kö ˈwɔn ˗së ˗yö kë kwaa kwa ˗bha ˈkɔdhigümɛn ˗nu kwa ˗dhɛ. ˈMën ˗kë ˈö ˈkwa ꞊mɔɔn˗ ˗bha ˈkwa kwa ˗zoyö ˗dhɛkpaɔ dhiʋ̈ˈˈ ˗së ˗dhɛ?

 Biblö ˗ya ˗zɔn ꞊dhɛ ˈwɔn ˈˈgbɩɩ˗ ˗nu ˈö ˈkwa bɔ ˗ni ˈgü ˗an ˈgü ꞊dɛɛ ˈwii ˈdho ꞊gwëë, ˈˈkɛɛ ˗wo ˗dho ɲën. ˗A Biblö ˈö ˈˈdhʋ̈, ˗wa «˗bɛn ˗zë ˈˈdhʋ̈ yi ˈbha ˈka kö ˗yö kë kwa ꞊klangkëpë ꞊në˗ ˈka kö ˈkwa ˈwɔn kë ˗kɔ ˈsü˗ ˗bha. Kë ˈˈdhʋ̈ kö kwa zuëˈˈ ˗yö kë ˗sɛa.»—Wlɔmö 15:4.

•   Pë ˈö Biblö ˈö˗ pö ˈö ˗gban ˗dhɛkpaɔ dhiʋ̈ˈˈ ˗bha ˈbha˗ pö ˈü ˈbha ˈgüman, ˗bhö ˈwɔn ˗gɔ « Une espérance réelle pour des jours meilleurs » ˗wo pö.

 ˗Zoyödhe ˈö Biblö ˗ya nu kwa ˗dhɛ bhë, ˗yö «kwa ˗gɔ ꞊dhɛ ˗piö kpö ˈö ˗kë ˈˈyitagɔ ˗bha ˈö ꞊waa˗ ˗zuö ˈˈyi ꞊wlöö ˈö ˈˈtɛɛ ˈyaa˗ ˈsü bha˗ ˈdho.» (Eblö 6:19) ˗Zoyödhe ˈö bhë ꞊mɔɔn˗ ˗bha ˈö kwa ˗takun. ˗Yö ꞊mɔɔn˗ ˗bha ˈö˗ ˗kë ˈö ˈwɔn ˈˈgbɩɩ˗ ˗nu ˈkwa ˗an ˈgü ꞊dɛɛ ˈkwa bɔ ˗an ˈgü zuʋ̈saadhɛ ˈka, ˈö˗ ˗kë ˈö kwa ˗bha ˈwɔn yö ˗kɔ ˗yö ˗kë ˗së ˈö ˈkwa ˗kë zuʋ̈gblüdhi ˈgü ˗toëpö ˈka. ˈPë ˗kë ˈyi˗ pö ˈˈdhʋ̈, ˗a ˈwɔnzuan ˈbhaa ˗nu ꞊nɛɛn:

•   ˗Kɔ ˈö ˗dhɛkpaɔ dhiʋ̈ˈˈ ˗së ˈö Biblö ˗ya ˗wɔn ꞊blɛɛ, ˈö mɛn ˈbha ˈö ˈyaa kun ꞊mɔɔn ˗ni ˈgü ˗a ˗bha kö ˗yö ˈˈkan we mü ˗sü ˗bha ˗a ˗takun ˗a ˈka, ˗bhö ˗a ˗ga. ˗Bhö video « Je ne supportais plus ma façon de vivre » ˗ga.

•   ˗Kɔ ˈö ˗dhɛkpaɔ dhiʋ̈ˈˈ ˗së ˈö Biblö ˗ya ˗wɔn ꞊blɛɛ ˈö ꞊mɔɔn˗ ˗bha ˈö kwa ˗takun ˗a ˈka kö kwa ˗bha mɛn ˈbha ꞊ya ˈgo kwa ˗bha, ˗bhö ˗a ˗ga. ˗Bhö video Pë ˈö dho mɛn ˗nu ˈö ˗an ˗bha mɛn ˈbha ꞊ya ga ˗an ˗zogban ˗ga.

 Mɛn ꞊vadhɛ ˗wa ˈˈpiʋ̈ kö ˈwɔn ˗së ˗yö kë ˗an ˗dhɛ, ˈˈkɛɛ ˈyaa ga ˗sü ˈka ˗an ˈgü ꞊dhɛ ˗yö ˗dho kë ˈˈdhʋ̈. Biblö ˗zë pë ˗nu ˈö ˗an ˈˈplüün bho, ˗wo ˗kë. ˗Wo ˗kë ˈyö ˗tɔ ꞊dhɛ ˗wo ˗nu ˈwo Biblö ˈgü bhë, ˗wo ˗go Zoova ˗Zlan a ꞊dede, «ˈö ˈyaa ꞊sua kë bha» ꞊nën˗ ˈˈpiʋ̈. (Titö 1:2) Zoova dosɛnŋ ˈnën ꞊mɔɔn ˗a ˗bha ˈö pë ˈˈpɛpɛ ˈö ˗an ˈˈplüün bho, ˈö ˗an ˗kë. ˗Yö ꞊mɔɔn˗ ˗bha ˈö «pë ˈˈpɛpɛ ˈö ˗dhi ˗a ˗dhɛ, ˗a ˗kë.»—Psaume 135:5, 6.

 Yi ü ꞊faan ˗mën ꞊dedewo kö ˈü ˈwɔn ꞊gban kë kö ˗dhɛkpaɔ dhiʋ̈ˈˈ ˗së ˈö Biblö ˗ya ˗wɔn ꞊blɛɛ bhë, ˈü ü ˗zoyö ˗a ˗dhɛ. Ü ꞊mɔɔn˗ ˗bha ˈü ü ˗zoyö ˗a ˗dhɛ «˗Zlan ˗wʋ ˈö ˗bɛn zë ˗sü ˈka bha˗ ˗wʋ pö» ˗sü ˈka ˗së ˈka. (Këwɔn ˗nu 17:11) ˗Bhö ˗a ˈgüdan Biblö draansü ˈö mɛn ˈbha dho ü ˗takun ˗a ˗bha bhë, ˗a ˈka. Kö ˈü ˗kwɛ 2023 züdɔ ü ˗zoyö ˗dhɛkpaɔ dhiʋ̈ˈˈ ˗së ˗dhɛ ˗sü ˈka bhë, ˈaa ˗yö kë!