Mɛn ˗nu ꞊waa˗ yö ꞊dhɛ mɛn ˗nu ˈö ˈwo ꞊mɔɔn˗ ˗bha ˈwo wo ˗zoyö ˗an ˗dhɛ, ˈwaa ˗zoyö ˗a ˗dhɛ ˗mɛn ˗nu ˈka bhë, ˗an ˈgü ˗ga ꞊dedewo. Mɛn ꞊vadhɛ ˈwaa wo ˗zoyö ˈzü...

•   ˈˈsɛkɔɔnmɛn ˗nu ˈö ˈwo wo ˗de ˗gɔwɔn ˗nu bɔ ˗an ˗bha ˈˈsɛgümɛn ˗nu ˗bha ˈˈdhiʋ̈,

•   tele waa dhadio ˗nu ˈö ˈwaa gagade pö,

•   ꞊klaŋ ˈˈgblʋ̈gblʋ̈ këmɛn ˗nu ˈö ˈwaa ˈwɔn ˗nu kë mɛn ˈˈwɛɛ ˗nu ˗bha ˈwɔn ˗së ˈgü,

•   waa ˗zlanwodhiʋ̈sümɛn ˗nu ˈö ˗an ˗kɔ ˈdhö ˈˈsɛkɔɔwɔn ˗nu ˈgü, ˈö ˈwaa ˗Zlan ˗bha yö kë bhë, ˗an ˗dhɛ.

 Mɛn ˗nu ˗wa ˗kë ˗së ˈö mɛn ˗nu ˈwo dho wo ˗zoyö ˗an ˗dhɛ, ˗wo wo ˗zota ˗a ˈgü ˗së ˈka. Biblö ˗ya ˗pö:

•   «ˈKa ˈdho ka ˗zoyö ˗gblüdë gbö ˗nu ɛɛnˈˈ mɛnbhɩɩdhe ˗dhɛ, ˈyö ˈtɔ˗ ˈyaa ꞊mɔɔn˗ ˗bha kö ˗yö mɛn dha.»—Psaume 146:3.

  Biblö ˗yö mɛn ˈbha ˈö ˈkwa ꞊mɔɔn˗ ˗bha ˈkwa kwa ˗zoyö ˗a ˗dhɛ, ˗a ˗wɔn ˗blɛɛ: Yö ˈnën ˗tɔ Yesu Klito. Yesu ˈyaa ˈwɔnsëkëmɛn ˈˈkpaan ˈö ˗tosɛta ˗kë ꞊kwɛŋzü, ˗a ˈka. ˗Zlan ˗yö ö ˗kɔ ˗yɛ ˗a ˗bha kö ˗yö «kë ˗Gblüdë ˈka [...] ˈˈtʋ̈ŋ ꞊gban ˗tʋ̈ŋ ꞊gban ˈka, ˈö˗ ˗bha ˗Gblüdëdhɛ ˈˈdhiʋ̈todhɛ ˈyii ˗dho kë toŋtoŋdhö.» (Lukö 1:32, 33) Yesu ˗yö ˗Gblüdë ˈka ˗Zlan ˗bha ˗Gblüdëdhɛ ɛɛnˈˈ mɛnkɔɔnsü ˈö dhaŋ˗ ˈgü ꞊dɛɛ, ˗a ˗ta.—Matiö 6:10.

•   ˈPë ˗kë ˈü ꞊mɔɔn˗ ˗bha ˈü ü ˗zoyö Yesu ˗dhɛ, ˈbha˗ pö ˈü˗ ˈbha dɔ, ˗bhö ˈwɔn ˗gɔ ˗nu « Qui est le Roi du royaume de Dieu ? » waa « Que fera le royaume de Dieu ? » ˗wo pö.