Mɛn ˗san zë ˗dhiaŋ ˗nu, mɛn zë ˗sü ˗nu, ˈwɔn ˈˈdhiʋ̈˗ ˗nu ˗kë ˗wo ˈˈwɛɛ pö ˗mɛn ˗nu ˈka ˗sü waa ˗gblü ˗nu ˗wa ꞊mɔɔn nɔɔnwo ꞊gban ˈgü ꞊dɛɛ.

•   «˗Gblü ˈö Izraɛdhö ˗mɛn ˗nu waa Gaza ˗mɛn ˗nu ꞊zinŋ ˈgü ˗a ˈkosɔn mɛn ˗san zë ˗dhiaŋ ˗nu ˗wa pa ꞊dɛɛ ɛntɛnɛtö ˗ta. Mɛn ˗nu ˈö ˈˈvaanvandhɛ ˗dhɔ ˈdhö ˗an ˗kë, ˈö mɛn ˈˈwɛɛ ˗nu ˗san ˈdhö ˗an ˈgü, ˗an ˗kɔ ˗yö ˈwɔn ˈö ˈˈdhʋ̈ ˗a ˈgü ˈpö.»—˗Kwɛ 2023 Novanblö 15, The New York Times.

•   «ˈÖ sü Ɔtɔblö 7 ˗bha ˈö yö˗ ˈka ꞊dɛɛ ˗bha, ˈˈkpɔnŋtaamɛn ˗nu ˈˈtʋ ˗yö ˗da ˗ni ˈgü ꞊dedewo mɛn ˗san zë ˗dhiaŋ ˗nu ˈgü. ꞊Ya ˈgo mü ˈzü ˗an ˈˈɲan ˗yö ˗da ˗ni ˈgü mɛn ꞊va ꞊dede ˈö ˗an ˗san ˈkosɔn, ˈwo ˗an zë ˗ni ˈgü, ˗a ˈgü.»—˗Kwɛ 2023, Novanblö 3, Deni Flansisö, Zeta zuni ˗mɛn ˗nu ˗bha ˗kɔlokota ˈkpii˗ do ˗gɔmɛn.

 Mɛn ˗san zë ˗dhiaŋ ˗nu, ˈˈvaanvandhɛ, waa ˗gblü ˗nu zü ˈyii bho ꞊dɛɛ. Biblö ˗yö mɛn ˗nu ˈö ˈwo «ˈˈdhiwo yaa pö mɛn ˗nu ˗dhɛ, ꞊dhɛ ˈmɛn ꞊saaga ˗zuö ˗a ˈdhö,» ˈö ˗gblü waa ˈwɔn ˈˈvaanvan ˗nu ˗dhɔ ˈdhö ˗an ˗kë, ˗an ˗wɔn ˗blɛɛ. (Psaume 64:3; 120:7; 140:1) ˈˈKɛɛ Biblö ˗ya ˗zɔn ꞊dhɛ ˈkosan ˈö kwa ˈˈɲan ˈdhö˗ ˈgü ꞊dɛɛ yö bhë, ˗a ˗gɛn ꞊dede ˗yö ˗dhö.

 ˈPë ˗kë ˈö ˈkosan ˗ya ꞊mɔɔn ꞊dɛɛ ˗dhɛ ꞊gban ˈˈpɛpɛ ˈgü, Biblö ˗ya ˗gɛn ꞊plɛ ˗pö.

1.  1. ˗Ya ˗to ˈˈdhiʋ̈ ˈö ˈˈtʋ̈ŋ ˈbha ˈö ‹˗dhɔ ˈö mɛn ꞊vadhɛ ˈgü ˈö dho ˈdho ˗a ˈka ˈˈshia› ˗a ˗wɔn ꞊blɛɛ. (Matiö 24:12) ˗Ya ˗pö ꞊dhɛ mɛn ˗nu ˈwii ˈdho ˗dhɔ ˗zɔn ˈzü wo ˈko ˗nu ˗dhɛ, ˈˈkɛɛ ˗an këwɔn ˗nu ˗dho ˗a kë ˈö ˈwo ˗ya wo ˈko ˗nu ˗san ˈka.—2 Timote 3:1-5.

2.  2. ˈKosan ꞊va ˈö ˈˈkpɔnŋ ꞊taa ꞊dɛɛ yö bhë, ˗yö ˗sü Sɔtraan Dügɔmɛn ˈö ˗kë ˈˈkpënŋ˗ ˗kë mɛn ˗nu ˗gɔ ˗mɛn waa mɛn yaa ˈka bhë, ˗a këwɔn ˗nu ˗bha. Biblö ˗ya ˗pö ꞊dhɛ «ˈˈkpʋngtaadhɛ ˗todhʋ̈sü ꞊gban ˗yö Sɔtraan ꞊në˗ ˗bha ˗gɔ ˈgü.»—1 Zan 5:19; ˗Dhɛkpaɔ dhiaˈˈ ˈsëëdhɛ 12:9, 12.

 ˈKö ˗kë ˈˈdhʋ̈, Biblö ˗ya ˗pö ꞊dhɛ ˗a ˈˈtʋ̈ŋ ˈyaa ꞊gblɛɛn ˈzü kö ˗Zlan ˗yö pë ˈˈpɛpɛ ˈö nu ˈkosan ˈka, ˗a bho ˈˈshia˗. ˗A ˗së ˈbha ˈö dho ˗a kë ˈzü ˈyö ˗tɔ ˈwɔn yaa ˈö ˈkosan ˗ya kë, ˗a ˗bho ˈˈshia˗ ˗sü. Biblö ˗ya ˗pö:

•   ˗Zlan «˗dho ö ˗kɔ ziö˗ ˗nu ˈˈyan ˈˈdhiʋ̈, ˈö˗ ˗nu ˈˈyanyi ꞊gban bho mü ˈˈpɛɛpɛdhö. Ga ˈyii ˈdho bhɔ ˈzü, ˈˈɛɛn ˗wëë ˗ya wo ˗sü ˈbha ˈyii ˈdho kë ˈzü, ˗wëëwʋ ˈkpɔ ˗sü waa˗ pë ˗ma mɛ ˈka ˗sü ꞊gbaan yën. ˗A ˗gɛn ˗mü ꞊dhɛ ˈwɔn ˈˈpɛpɛ ˈdhɛ ˈkö gun kë sië zii ˗blɛɛsü bha˗ ꞊gbaan ziö.»—˗Dhɛkpaɔ dhiaˈˈ ˈsëëdhɛ 21:4.