˗Gblü ˗yö pë shiʋ̈ˈˈ ˗ni ˈgü ˗kplawo, ˈgo mü ˈzü ˗yö mɛnbhɩɩdhe ˗nu ˗da ˗ni ˈgü saanˈˈ ꞊dede ˈgü ˈˈkpɔnŋtaadhɛ ˗todhʋ̈sü ˈgü. Pë ˈö mɛn ˈbha ˗nu ˈwo˗ pö, ˗bhö ˗a ˗ga:

•   «˗Kwɛ ˈö ˗ʒiö yö ˗a ˈka, mɛn ꞊va dede ˗gɔ ˗yö ˗to ˗gblü ˈgü. ˈYö ˗a mɛn ˈkpiidhɛ ˗wo ˗ga ˗gblü ˈö ˗gɔn ˗ni ˈgü Etiopi waa Üklɛnö bhë, ˗an ˈgü. ˈÖ go ˗kwɛ 1994 ˗bha ˈö yö˗ ˈka ꞊dɛɛ ˗bha, ˗kwɛ ˈö mɛn ꞊va ꞊dede ˗wo ˗ga ˗a ˈka ˗gblü ˈgü, yö bhë!»—˗Kwɛ 2023 Ʒuɛn 7, Peace Research Institute Oslo.

•   «˗Gblü ˈbha ˈö ˈwɔn yaa ꞊dede ˗kë ˗kwɛ 2022 ˈgü, ˈyö ˗tɔ ˗gblü ˈö Üklɛnö. ˗Kwɛ ˈö ˗ʒiö yö ˗a ˈka, politikö ˗bha ˈˈdhinaan ˗nu ˗wo ˗dadhiʋ̈ ꞊dedewo ˈˈkpɔnŋtaadhɛ ˗todhʋ̈sü ˈgü. ˗A ˈˈdhinaan ˗nu ˈö ˈwo ˈˈdhʋ̈, ˗wo mɛn ˗nu ˈö ˈwo ˗ʒiö mɛn ˈˈmliya do waa˗ ö ˈˈgbu ˗ta ꞊nën ˗an ˗bha ˗tosɛta ꞊shiö.—˗Kwɛ 2023 Fevlie 8, The Armed Conflict Location & Event Data Project (ACLED).

 Biblö ˗yö kwa zuʋ̈ˈˈ ˗kë ˗saa. ˗Ya ˗pö ꞊dhɛ «Zlan ˈö dhaŋ˗ ˈgü, ˗yö ˗dho ˗gblüdëdhɛ do ˈö yö ˈti ˗dho ˈwü toŋtoŋdhö ˗a ˗ya.» (Daniel 2:44) ˗Zlan ˗bha ˗Gblüdëdhɛ ɛɛnˈˈ ˗a ˗bha mɛnkɔɔnsü ˗kɔ ꞊löö, ˗yö ˗dho «˗gblü ɲën ˈˈsɛ ˗todhʋ̈sü ˗ta.»—Psaume 46:9.