ˈˈKpɔnŋtaadhɛ ˗todhʋ̈sü ˈgü ꞊dɛɛ, mɛn ꞊vadhɛ ˈwaa ꞊mɔɔn˗ ˗bha kö ˗wo wo ˗zokë wo ˗bha ˈkɔdhigümɛn ˗nu ˈˈpiʋ̈ ˈyö ˗tɔ ꞊dhɛ ˈwëëga ꞊slɔɔ ˗sü ˗yö kë ˗ni ˈgü ˈˈgbɩɩ˗ ꞊dedewo.

•   ˈSëëdhɛ a do ˈbha ˈö yö ˈˈkpɛnŋ ˈö˗ yi ˈyii ꞊gwëë ꞊köŋ, ˗ya ˗pö ꞊dhɛ ˈwëëga ˈö mɛn ˗nu ˗wa ꞊slɔɔ ˈˈsu ˗bha ˗yö ˈdho ˗ni ˈgü ˈˈshia˗. ˈSëëdhɛ do ˈö bhë ˗ya ˗pö ˈzü ꞊dhɛ ꞊ya kë ꞊dhɛ ˈwii ˈwɔn ˈbha kë, ˗naan ˈö ˈˈflɛɛmɛn ˗nu waa ꞊bhɔɔmɛn ˗nu ˗an ꞊zinŋ ˈgü bhë ˗dho ˗dadhiʋ̈ ˈzü ꞊dedewo. ˈGo mü ˈzü ˈkɔdhigümɛn ꞊vadhɛ ˗bha ˗tosɛta ˗dho kë ˈya˗ ˈö ˗ʒiö ˗a ˈka ˈˈdhiʋ̈ ˗be ˗ta.

 ˈˈSɛgɔdhiʋ̈mɛn ˗nu ˗wo ꞊mɔɔn˗ ˗bha ˈö ˈwo ˈwëëga ˗wɔn ˈö bhë ˗a ˈˈɲan bhɔ, ˈö ˈwo˗ ˗kë ˈö mɛn ꞊gban ˈˈpɛpɛ ˗bha ˗tosɛta ˗yö ˗kë ˗së ˗ee?

 Biblö ˗ya ˗pö ꞊dhɛ mɛnkɔɔnsü do ˈbha ˈö ˗kɔmɔnwɔnbhasü ˈdhö˗ ˗gɔ, ˗dho ˈwëëga ˗wɔn ˈö ˈˈkpɔnŋ ꞊taa ˗a ˈˈɲan bhɔ, ˈö˗ ˗kë ˈö ˗naan ˗yö go ˈˈflɛɛmɛn ˗nu waa ꞊bhɔɔmɛn ˗nu ꞊zinŋ ˈgü. Biblö ˗ya ˗pö «˗Zlan ˈö dhaŋ˗ ˈgü, ˗yö ˗dho ˗gblüdëdhɛ do» ˈö ˗dho ˈˈsɛ ˗todhʋ̈sü ꞊kɔɔn [...] ˗a «˗ya.» (Daniel 2:44) ˗Gblüdëdhɛ ˈö bhë˗ ˗zo ˈyii ˈdho bhɔ mɛn ˈbha ˈka. (Psaume 9:18) ˗Zlan ˗bha ˗Gblüdëdhɛ ˗dho ˗a kë ˈö pë ˈˈpɛpɛ ˈö mɛn ˗nu ˗bhawɔn ˈdhö˗ ˗bha kö ˗wo kë zuʋ̈gblüdhi ˈgü, ˈwo˗ ꞊slɔɔ. Mɛn ˈö ˈˈdhʋ̈ ˗dho yö ˈö ˗dho ˗a kë, ˗a ꞊trɔɔn ˗së ꞊slɔɔ.—Isaïe 65:21, 22.