˗KA ˗YA KA ˈˈYAAN!
Pë ˈˈdhiʋ̈˗ ˗kë ˈˈsɛkɔɔmɛn ˗nu ˈka ˗sü: ˈMën Biblö ˗ya pö?
Pë ˈˈdhiʋ̈˗ ˗kë ˈˈsɛkɔɔmɛn ˗nu ˈka ˗sü ˗yö ꞊mɔɔn ˗ni ˈgü ꞊dɛɛ ˗dhɛ ꞊gban ˈgü. ˗A ˈwɔn ˈgü ˈˈsuʋ̈ ˗ya ˗da mɛn ˗nu ˈgü ˈˈkpɔnŋtaadhɛ ˗todhʋ̈sü ˈgü.
ˈˈSɛkɔɔmɛn ˗nu 39 ˈwo ˗an zë waa ˈwɔn ˈˈvaanvan ˈbha ˗nu ˈwo kë ˈˈsɛkɔɔnmɛn ˗nu ˈka bhë, ˗wo Mɛsikö ˗dhɛ ˗bha ˗kwɛ 2022-2023 vote ˗shiö.
Pë ˈˈdhiʋ̈˗ ˗kë ˈˈsɛkɔɔmɛn ˗nu ˈka ˗sü ꞊va ꞊dede ˗wo ˗kë Edhɔpö ˗kwɛ ˗nu ˈwo ʒiö yö, ˗an ˈgü. ˗A do ˈbha ˈnën ˗kë Slovaki ˗bha plemie minisrö ˈwo kun ˗a ˈˈpiʋ̈ kö ˗wa zë ˗kwɛ 2024 ˈMɛn 15 ˈka.
Zeta zuni ˗mɛn ˗nu zuʋ̈ˈˈ ˗ya kaanˈˈ ˈˈkwöö ꞊dedewo, ˗yö ˗tɔ ꞊dhɛ mɛn ˈbha ˗kun ˗a ˈˈpiʋ̈ kö ˗yö ˗an ˗bha ˈˈsɛgɔdhiʋ̈mɛn zii ˈwo˗ ˗dhɛ Donadö Trɔmpö bhë, ˗a zë ˗kwɛ 2024 Ʒue 13 ˈka.
ˈMën ˗kë ˈö pë ˈˈdhiʋ̈˗ ˗kë sɛkɔɔmɛn ˗nu ˈka ˗sü ˗ya ˗dadhiʋ̈? ˗Yö ˗dho ɲën yi do ˈka ˗ee? ˈMën Biblö ˗ya pö?
Biblö ˗ya ˗to ˈˈdhiʋ̈ ˈö˗ pö ꞊dhɛ politikö ˗dho mɛn ˗nu ˈˈpɛ˗ ˈgü
Biblö ˗ya ˗to ˈˈdhiʋ̈ ˈö˗ pö ꞊dhɛ kwa ˗bha ˈˈtʋ̈ŋ ˈö ˗kë «ˈˈkpʋngtaadhɛ yën ˈˈtʋ̈ng» ˈka bhë ˗a ˈgü, mɛn ˗nu ˈˈtakɔ ˗dho ˗a kë ˈö ˈˈvaanvandhɛ ˗yö ˗dadhiʋ̈, ˈö ˈko ˗wogümandhe ˈyaa kë ˈzü.
‹꞊Ya ˈgo yö ˗zë ˈgü, [...] ˈyaa n ˈˈpiʋ̈ ꞊dhɛ ˈwɔn ˈˈgbɩɩ˗ ˈö dho kë ˈˈkpʋngtaadhɛ yën ˈˈtʋ̈ng ˈgü bha ˈi kë˗ ˈgü i tii ˗bha. ˗A ˗gɛn ˗mü ꞊dhɛ ˗a ˈˈtʋ̈ng bha˗ ˈgü, mɛ ˗nu ˈwii ˈdho ˈwɔn ˗së dɔ [...] ˈˈɛɛn ˈwii ˈdho ˈwɔn ˈbha ꞊bhlëë ˗ya. ˈWii ˈdho ˈˈwɩ mɛ ˈbha ˗bha ˗bha. ˗A ˗nu ˈˈgblü˗ ˗dho kë ˈya˗ [...]. ˗Wo ˗dho ˗da mɛ ˗nu ˗dhɛ pë ˈˈpiʋ̈, woo do bha ˈwɔn˗ ˗dho ˗siö ˗nu ˗dhɛ ˈgü klöklö ˗bha, ˈö ˗dɩ ˗sü ˈkpii˗ ˗ya ˗nu pa.›—2 Timote 3:1-4.
Biblö ˗ya ˗to ˈˈdhiʋ̈ ˈö˗ pö ˈzü ꞊dhɛ ˗bhluubhluudhe ˗nu ˈö ˗an ˈbha ˗nu ˗kë ꞊dhɛ ˗gban ˈˈsɛgɔdhiʋ̈mɛn ˗nu ˗gɔ ˗sü waa pë ˈˈdhiʋ̈˗ ˗kë ˗an ˈka ˗sü ˗nu ˈdhö bhë, ˗wo ˗dho kë ˈpö ˈˈtʋ̈ŋ ˈö ˈˈdhʋ̈, ˗a ˈgü. (Dhukö 21:9) ˈKö ˗kë ˈˈdhʋ̈, pë ˈˈdhiʋ̈˗ ˗kë ˈˈsɛkɔɔmɛn ˗nu ˈka ˗sü waa mɛn ˗nu ˗pɛ ˈgü ˗sü ˗nu ꞊gban ˗dho ɲën.
Pë ˈˈdhiʋ̈˗ ˗kë ˈˈsɛkɔɔmɛn ˗nu ˈka ˗sü ˗bha ɲën ˗sü
Biblö ˗ya ˗pö ꞊dhɛ ˗Zlan ˗dho ö ˗dea mɛnkɔɔnsü ˈö dhaŋ˗ ˈgü ˗a ˗ya mɛnbhɩɩdhe ˗nu ˗bha mɛnkɔɔnsü ꞊gban ˈˈgblʋʋ ˈgü.
«˗Zlan ˈö dhaŋ˗ ˈgü, ˗yö ˗dho ˗gblüdëdhɛ do ˈö yö ˈti ˗dho ˈwü toŋtoŋdhö ˗a ˗ya. ˗Gblüdëdhɛ ˈö bhë, [...] ˗yö ˗dho ˗gblüdëdhɛ ˗nu ˈwo bhë ˗an ꞊gban ˈˈpɛpɛ ˈgüshiʋ̈ˈˈ, ˈö yöö dosɛnŋ ˈö to ˗toëpö ˈka.»—Daniel 2:44.
˗Zlan ˗bha ˗Gblüdëdhɛ ˗dho nu ˗dhikodhɛ ꞊dede ˈka mɛnbhɩɩdhe ˗nu ꞊zinŋ ˈgü ˈö˗ ˗kë ˈö ˈˈsɛ ˗yö ˈwaannu ˗dhɛ ꞊gban ˈgü.
˗Wa ˗Gɔdhiʋ̈mɛn ˈö ˗kë Yesu Klito ˈka bhë, ˗a ˗dhɛ «˗Gblüdë Gbö ˈö nu ˗yadeflëëgüsü ˈka.» ˗Yö ˗dho ˗a kë ˈö «˗yadeflëëgüsü ˈˈdhiʋ̈todhɛ ˈyii ˈdho kë.»—Isaïe 9:6, 7.
˗A ˗de ˗ʒian ˈˈtʋ̈ŋ ˈö yö ˗a ˈgü, mɛn ˗nu ˈö ˗an ˗gɔ ˈˈdhiʋ̈ ˗wo ˗tosɛta ˗kë ˗dhikodhɛ ˈgü ˗sü draanˈˈ ˗ni ˈgü. ˗A ˗kë ˈˈdhü ˗sü ˈgü, Biblö ˗ya ˗pö: « ˗Wo ˗dho wo ˗bha ˗blaandhaa ˗nu ˈˈgla ˈˈköö ˗nu ˈgü, ˈö ˈwo wo ˗bha ˈdüga ˗kan ˗mlün ˗kan ˗a ˈka ꞊kɔɔ ˗nu ˈgü. ˈˈSɛgɔ ˈbha yö ˈti ˗dho ˗dhaa ˈsü ˈˈsɛ ˈbha ˗gɔ, wo ˈti ˗dho ˗gblü gɔn ˗sü draanˈˈ ».—Isaïe 2:3, 4.
ˈBha˗ pö ˈü˗ ˈbha ˈgüman, ˗bhö ˈwɔn ˗gɔ « Que fera le royaume de Dieu ? » ˗wo pö kˈö ˈü video ˗Mën ˈö ˗tɔ ˗Zlan ˗bha ˗Gblüdëdhɛ? ˗ga.