ˈˈKpɔnŋtaadhɛ ˗todhʋ̈sü ˈgü, ˈˈdhinaan ˗yö mɛn ˗nu ꞊zinŋ ˈgü politikö ˗wɔn ˈgü. Pë mɛɛnˈˈ ˗mɛn ˗nu ˈwo Pew Research Center ˗wa ˗pö ꞊dhɛ «mɛn ˈˈgblʋ̈gblʋ̈ ˗nu ˈwo go ˈˈsɛ 19 ˈgü, ˗an 100 ˈö ˈwo ˗an dhɛɛˈˈ ˗kpɔ, ˗a mɛn ˗nu ˈwo ʒiö mɛn 65 ˗ta ˗wa pö ꞊dhɛ ˗an ˗gɔ ˈˈsɛ ˈgü mɛn ˗nu ˈö ˗an ˗kɔ ˈdhö politikö ˈgü bhë, ˗kankwëëdhe ꞊dede ˗yö ˗an ꞊zinŋ ˈgü.»

 Ü˗ ˈsuan˗ bho ˗sü ˈka ˈpö ꞊dhɛ ˗dhɛ ˈü˗ ˗bha bhë ˗a ˈgü, mɛn ˗nu ˈö ˗an ˗kɔ ˈdhö politikö ˈgü, ˗wo ˈˈkan ˗sü ˈka ˈkwëë˗ ˗ee? ˈMën ˗kë ˈö ˗kë ˈˈdhʋ̈? ˗An ˗takunpë ˗yö ˗dhö ˗ee? Pë ˈö Biblö ˈö˗ pö, ˗bhö ˗a ˗ga.

 Biblö ˗ya ˗to ˈˈdhiʋ̈ ˈö˗ pö ꞊dhɛ kwa ˗bha ˈˈtʋ̈ŋ ˈö ˗kë «ˈˈkpʋngtaadhɛ yën ˈˈtʋ̈ng» ˈka bhë ˗a ˈgü, mɛn ꞊vadhɛ këwɔn ˗nu ˗dho ˗kankwëëdhe ˗da mɛn ˗nu ꞊zinŋ ˈgü.

•   «ˈYaa n ˈˈpiʋ̈ ꞊dhɛ ˈwɔn ˈˈgbɩɩ˗ ˈö dho kë ˈˈkpʋngtaadhɛ yën ˈˈtʋ̈ng ˈgü bha ˈi kë˗ ˈgü i tii ˗bha. ˗A ˗gɛn ˗mü ꞊dhɛ ˗a ˈˈtʋ̈ng bha˗ ˈgü, ˈmɛ ˈwo ˗ya wo ˗dɩ ˗wɔn ꞊në˗ zuën ˗ta doseng bha ˗wo ˗dho pa [...] ˈö waa˗ mɛ ˈbha ˗mɛ ˈbha ˈwaa ꞊mɔɔ˗ ˈgü.»—2 Timote 3:1-3.

 Mɛn ꞊va ˗wo wo ˈgü ˗dɔ ˈˈgbɩɩ˗ kö ˈˈsɛgɔdhiʋ̈mɛn ˗nu ˗kɔ ˗yö ꞊mɔɔn ˈwɔn ˗nu ˈˈɲan bhɔ ˗sü ˗bha, ˈˈkɛɛ ˈyaa ˈwɔn ˈkun. Mɛn ˗nu ˈö ˈwaa bɔ ˗an ˈka, ˗an ˗bhaa ˈgü ˈwaa ꞊mɔɔn˗ ˗bha kö ˗wo yö kë wo ˈˈkwëë kö ˗wo ˈwɔn ˗nu ˈˈɲan bhɔ. ˗A ˈgüwɔn ˗nu ˗wa ˗zɔn ꞊dhɛ pë ˈö Biblö ˈö˗ to ˈˈdhiʋ̈ ˈö˗ pö, gagade ˗mü. Biblö ˗ya ˗pö:

•   «Mɛn ˗yö mɛn ˈˈwɛɛ ꞊kɔɔn kö ˈö˗ ˈˈklʋʋbhɔ.»—Ecclésiaste 8:9.

 ˈˈKɛɛ Biblö ˗yö pë ˈö ˗dho mɛnbhɩɩdhe ˗nu ˗takun ˗a ˗zɔn. ˗A pë ˈö ˈˈdhʋ̈ ˈyö ˈtɔ˗ mɛnkɔɔnsü do ˈö ˗kɔmɔnwɔnbhasü ˈdhö˗ ˗gɔdhiʋ̈mɛn ˗gɔ kö ˗yö ˈwɔn ˈˈgbɩɩ˗ ˗nu ˈö mɛnbhɩɩdhe ˗nu ˗ta ꞊dɛɛ, ˗an ˈˈɲan bhɔ.

 Biblö ˗ya ˗pö mɛn ˈö ˗kɔmɔnwɔnbhasü ˈdhö˗ ˗gɔ kö ˗yö kwa ˗bha ˈwɔn ˈˈgbɩɩ˗ ˗nu ˈˈɲan bhɔ ˈyɔ ˗tɔ Yesu Klito. Yesu -ya ˈˈpiʋ̈ ˈö nu ˗dhikodhɛ ˈka mɛnbhɩɩdhe ˗nu ꞊zinŋ ˈgü kö ˗wo kë wo ˈflëë˗ gü. ˈYö ˗a ˗kë ˈˈdhʋ̈ ˗sü ˈˈsɩ ˗ya ˗dhɛ.

•   «˗A ˗bha ˗gblüdëdhɛ ˈˈtʋ̈ŋ ˈka, mɛn kpɛnŋdhö ˗nu ˗dho wo ˈˈbin ˗ya, ˈö ˗yadeflëëgüsü ˗gɛn ˗yö ˗gban.»—Psaume 72:7.

•   «ˈˈSɛgɔ ꞊gban ˈˈpɛpɛ ˗dho ˗a ˗dhɔkë.»—Psaume 72:11.

 Yesu ˗yö mɛnkɔɔnmɛn ˗tiaandhö ˈka ˈyö ˗tɔ ꞊dhɛ ˗yö ö ˈˈtʋ̈ŋ ˗kë mɛnbhɩɩdhe ˗nu ˈgü, ˈgo mü ˗ya ˈˈpiʋ̈ kö ˗yö ˗an ˗takun. Mɛn ˗nu ˈö˗ ˈˈpiʋ̈ ꞊dedewo kö ˗yö ˗an ˗takun ˈyö ˈwo ˗tɔ mɛn ˗nu ˈö ˈwo ˈwɔn yaa ˗kë ˗an ˈka.

•   «˗A ˗gɛn ˗mü ꞊dhɛ ˈˈflɛɛmɛn ˈö ˗takundhe ˗dhɛ ˗ni ˈgü ˈˈgbʋ ˈka, ˗wëëmɛn waa ˈmɛn ˈö˗ ˗takunmɛn ˈyaa ˈdhö, ˗yö ˗dho ˗an dha. ˈNën ˈˈtɩtɩ waa ˈˈflɛɛmɛn ˗nu ˗wëë ˗dho ˗a kë, ˈö ˈˈflɛɛmɛn ˗nu dha. ˗Yö ˗dho ˗an dha ˈˈklʋʋbhɔdhe waa ˈˈvaanvandhɛ ˗an ˗gɔ.»—Psaume 72:12-14.

 ˗Bhö ˈwɔn ˈö ˗gban ˗Zlan ˗bha ˗Gblüdëdhɛ, ˗a ˗bha mɛnkɔɔnsü ˈö dhaŋ˗ ˈgü ˈö Yesu ˗dho ˈˈdhiʋ̈sü ˗a ˈka ˗a ˗bha, ˗a ˈbha draanˈˈ. ˗Kɔ ˈü ˗dho ü ˗kɔ ˗ya ˗a ˈka ˗a ˗bha mɛnkɔɔnsü ˗gɔ kö ˈü˗ ꞊trɔɔn ꞊slɔɔ, ˗bhö ˗a ˗ga.

•   Video ˗Mën ˈö ˗tɔ ˗Zlan ˗bha ˗Gblüdëdhɛ? ˗ga.

•   ˈWɔn ˗gɔ « Le Royaume de Dieu : un gouvernement sans corruption » ˗wo pö.