˗KA ˗YA KA ˈˈYAAN!
ˈˈYi ˗bha pa ˗sü ˗nu ˗wo pë shiʋ̈ˈˈ ˗ni ˈgü: ˈMën Biblö ˗ya pö?
ˈˈYi ˗yö ˗sɔ ˗ni ˈgü mɛn ꞊va ꞊dede ˗ta ꞊dɛɛ ˈˈkpɔnŋtaadhɛ ˗todhʋ̈sü ˈgü. Pë ˈbha ˗nu ˈö mɛn ˗nu ˈwo˗ pö, ˗bhö ˗an ˗ga.
«Dha ˗nu ˈö ˈwo ban ˗ni ˈgü ˗dhɛkpaɔyi ꞊plɛ ˈö yö ˗a ˈˈpiʋ̈ ˈˈShinoa ˗nu ˗bha ˈˈkwipö ˈkpii˗ ˈgü, ˗wo ˈkpii˗ ꞊dedewo. ˗A ˗kwɛ ˗ya ʒiö ꞊dɛɛ ˗kwɛ 140 ˗ta ˈö dha suu ˗nu ˈö ˈwo bhë ˈwaa ban ˈzü ˈˈsɛ ˈö bhë ˗a ˈgü. ˗A ˗dhɛ ˈö ban ˈˈSɩyi waa˗ ˗Tɛɛdhooʒiaanplɛ ˗an ꞊zinŋ ˈgü ˗yö ˗mɔn milimɛtrö 744 waa˗ ö ˗ga ˈnënbha ˗an ˗bha.»—˗Kwɛ 2023 ˈUtö 2, AP News.
«ˈˈTɛɛ ˈˈgbɩɩ˗ ˈö ˈwo˗ ˗dhɛ Kanunö ˈö ˗ʒiö ˗dhɛkpaɔyi ꞊plɛ ˈˈpiʋ̈ Ʒapɔn ˈˈshiaŋ˗ ˗ʒian ˈka bhë, mɛn ˗nu ˈö ˗an zë ˗wo ˗ʒiö mɛn ꞊plɛ ˗ta. ˈˈTɛɛ ˈˈgbɩɩ˗ ˈö bhë dha ˈˈyi ˈö ꞊mɔɔn milimɛtrö 600 ˗bha, ˈnën dho ˗a ꞊wɛnŋ ˗be ˗dhɛ ˗nu ˈö ˗tɔn ˗nu ˈwo˗ ˗bha Taiwanö, ˗an ˈgü.»—˗Kwɛ 2023 ˈUtö 3, Deutsche Welle.
«Dha ˈˈgblʋ̈gblʋ̈ ˗nu ˈö ˈwo ban Kanada ˗sɛ ˈgü ˈö ˈwo˗ ˗kë ˈö ˈˈyi ˗yö pa Nuvɛlö Ekɔsö ˗glooyi ˈö ʒiö yö ˗a ˈka bhë, ˗a ˗kwɛ 50 ꞊nɛɛn ꞊dɛɛ ˈö ˈmɛn ˈyaa kun ˗kpan ˗ni ˈgü ˗an ˗bha ˈzü.»—˗Kwɛ 2023 Ʒue 24, BBC News.
˗Mën ˈö Biblö ˈö˗ pö ˈö ˗gban ˈwɔn ˗nu ˈö ˈwo bhë ˗an ˗bha?
Pë ˗nu ˈö ˈwo dho ˗a ˗zɔn ꞊dhɛ ˈkwa ˗da «ˈˈkpʋngtaadhɛ yën ˈˈtʋ̈ng» ˈgü
Biblö ˗ya ˗pö ꞊dhɛ kwa ˈˈtʋ̈ŋ ˈö ˈwo˗ ˗dhɛ «ˈˈkpʋngtaadhɛ yën ˈˈtʋ̈ng» ˗a ˈgü. (2 Timote 3:1) Yesu ˗ya to ˈˈdhiʋ̈ ˈö˗ pö ꞊dhɛ ˈˈtʋ̈ŋ ˈö bhë ˗a ˈgü, kwa ˈˈɲan ˗dho ˗da «ˈsiö ˗kan mɛ ˈgluu ˗pë» ˗nu ɛɛnˈˈ ˈwɔn ˗ziisü ˗nu ˈgü. (Dhukö 21:11, NTBL) ˈWɔn ˈˈsuʋ̈ ˗sü ˗nu ˈö ˈwo kë ˗ni ˈgü ˈˈtʋ̈ŋ yö ˗a ˈgü bhë, ˈˈtʋ̈ŋ ˗bha ꞊slëë˗ ˈgü ˗sü ˈö ꞊dɛɛ ˈnën nu ˗ni ˈgü ˗an ˈka. ˗Wo ˗kan mɛn ˈgü, ˈgo mü ˈzü ˗wo kë ˗ni ˈgü ꞊va.
ˈPë ˗kë ˈkwa ˗dho kwa ˗zoyö ˗dhɛkpaɔ dhiʋ̈ˈˈ ˗së ˗dhɛ
Biblö ˗ya ˗pö ꞊dhɛ ˈwɔn ˈˈsuʋ̈ ˗sü ˗nu ˈö ˈwo kë ˗ni ˈgü ˈˈsɛ ˗ta ꞊dɛɛ yö bhë, ˗an dua ˗mü kö ˗wa kë kö ˈkwa kwa ˗zoyö ˗dhɛkpaɔ dhiʋ̈ˈˈ ˗së ˗dhɛ. ˗Mën ˗wɔn ˈgü? ˈYö ˗tɔ ꞊dhɛ Yesü ˗ya ˗pö: «꞊Ya kë ˈpö ꞊dhɛ ka ˈˈyan ˈdhö ˗da sië ˈwɔn ˗nu bha˗ ˗nu kë ˗dhɛ ˈgü, ˗yö kë ka ˈˈyaan ꞊dhɛ ˗Zlan ˗bha ˗gblüdëdhɛ ꞊ya dun ka ˗ta.»—Dhukö 21:31; Matiö 24:3.
ˈWɔn ˗nu ˈö kwa ˈˈɲan ˈdhö ˗an ˈgü ꞊dɛɛ yö bhë ˗wa ˗zɔn ꞊dhɛ ˗a ˈˈtʋ̈ŋ ˈyaa ꞊gblɛɛn ˈzü kö ˗Zlan ˗bha ˗Gblüdëdhɛ ˗yö pë ˗nu ˈö ˈwo ˗kë ꞊dhɛ ˈˈyi ˗bha pa ˗sü ˗nu ˈdhö bhë ˗an ˈˈdhiʋ̈ ˈduaannu.»—Job 36:27, 28; Psaume 107:29.
˗Kɔ ˈö ˗Zlan ˗bha ˗Gblüdëdhɛ ˈö dho ˈwɔn ˈˈgbɩɩ˗ ˗nu ˈö ˈwo ˗gban ˈˈsɛ ˗bha ˗an ˈˈɲan bhɔ ˗a ˈka, ˈbha˗ pö ˈü˗ ˈbha ˈgüman, ˗bhö ˈwɔn ˗gɔ « Qui sauvera la terre? » ˗wo pö.
˗A ˗ga ˗sü ˗dhɔ ˗dho ü kë ˈpö
PË ˗NU ˈÖ BIBLÖ ˗YÖ ˗AN PÖ
˗Zlan ˈnën ˈˈtɛɛ ˈˈgbɩɩ˗ ˗nu ˗ʒiö ˈö˗ ˗kë ˈö ˈˈyi ˗yö ˗sɔ mɛn ˗nu ˗ta ɛɛnˈˈ ˈö ˈˈsɛ ˗yö ꞊zii ˗ee?
Mɛn ꞊plɛ ˈö ˈwɔn ˈˈgbɩɩ_ ˗yö kë ˗an ˈka ˗wo ˈpë ˈwo˗ ꞊draan Biblö ˈgü ˗a ˗wɔn blɛɛˈˈ ˗ni ˈgü.
ˈWƆN ˗NU ˈWO ˗GBAN YI ˗BHA
˗A pö ˗wo ˗wo ü ˗dhɛ
Dhɛɛˈˈ ˗nu ˈö Biblö ˗yö ˗an ˗yɔ bɔ, ˗bhö ˗a do ˗ga ɛɛnˈˈ ˗bhö ˈwɔn ˗nu ˈwo ˗gban Zoova ˗bha ꞊Gbɛkiö ˗nu ˗bha ˗a ꞊va ˈbha draanˈˈ.
