A yuoni 2024 ŋa poɔŋ, ba erɛɛ Olympics kɔɔ dɛnne yɛlɛ. Paalonne naŋ ta ŋa 206 la na e a kɔɔ dɛnne yɛlɛ ŋa. Noba naŋ ta ŋa turiturituri anuu la na kaa noba na aŋ wa ka ba e a deɛne yɛlɛ ŋa. Thomas Bach naŋ e president of the International Olympic Committee yeleeŋ ka: “Te paalɛɛ yɛlɛ tegroŋ kaŋa naŋ vɛŋ ka paalonne zaa laŋ taa neŋ noɔreyeni ane emmaaroŋ. Yɛ vɛŋ ka te di a tigri ŋa a laŋ kpeɛrɛɛ neŋ emmaaroŋ ane noɔreyeni, aneazaa ka te zaa yi la ziyobo.”

 A Olympics deɛne ŋa na toɔ̃ soŋ teŋ ka te taa emmaaroŋ ane noɔreyeni bee? Te daaŋ na baŋ taa la emmaaroŋ ane noɔreyeni bee?

 A yuoni ŋa Olympics deɛne na vɛŋeŋ ka noba ba teɛrɛ a deɛne yoŋ yɛlɛ, bonso a deɛne piilee ba da yelee nensaaleba laŋ zemmo yɛlɛ ane naaŋ di yɛlɛ naŋ maŋ wa ne wɛltaa. Yɛlɛ na mine baŋ da yeli na da kyaarɛɛ nensaaleba son-meŋɛ yɛlɛ, kya-taa yɛlɛ, ŋmenpuore kya-taa yɛlɛ ane daŋkyagre.

 A paalonne lantaa deɛne ŋa taa aŋa a Olympics maŋ vɛŋeŋ ka noba yaga taa popeɛloŋ. A deɛne ŋa maŋ wulee gyogo tɛɛtɛɛ na noba naŋ taa ka ba yel-eree mine ba yi taa, a deɛne maŋ eŋ baŋ faŋa ka ba gɛrɛ nimitɔɔre a taa ana gyogri a kyɛ erɛ lɛ na baŋ boɔrɔ, a gaŋ baŋ da na erɛ yɛlɛ naŋ na vɛŋ ka ba taa yelmeŋɛ emmaaroŋ ane noɔreyeni.

 A Baabole daŋyele gyogri na mine naŋ na vɛŋ ka a e kpeɛŋaa ka noba taa emmaaroŋ ane noɔreyeni ba zemmo poɔŋ. (2 Timoti 3:1-5) Ka hoŋ boɔrɔ ka ho zanne yɛlɛ yaga kyaare a Baabole daŋyelbo ŋa, kanne a gane ŋa “Did the Bible Predict the Way People Think and Act Today?” (A Baabole Daŋyele Lɛ Na Noba Naŋ Na Teɛrɛ Kyɛ Erɛ Ba Yɛlɛ Zenɛ Bee?)

 A Baabole wuleeŋ ka tamaa meŋɛmeŋɛ bebeŋ ka te daŋ na taa la emmaaroŋ ane noɔreyeni a donɛɛ lombori zaa. O eŋɛɛ noɔre ka nensaaleba zaa naŋ be a teŋɛzuŋ daŋ na taaɛ noɔreyeni a sazu naaloŋ na kpeɛ̃o na puliŋ baŋ boɔlɔ “a Naaŋmen Naaloŋ.”​—Luka 4:43; Matio 6:10.

 Yezu la Naaŋmen Naaloŋ na Naa, azuŋ, o na vɛŋeŋ ka emmaaroŋ be a tendaa lombori zaa. A Baabole yeleeŋ ka:

•   “Sontuuribo yɛlɛ na maaleŋ soŋ zaa, maaroŋ na bebeŋ yaga zaa.”​—Yieme 72:7.

•   “O na faa la nandaaneba naŋ kono boɔrɔ sommo na . . . O na deɛ baŋ yi dɔgrebo ane kpaŋkpaŋkpeɛ̃o toma poɔŋ.”​—Yieme 72:12, 14.

 Zenɛ ŋa, Yezu wulibo na toɔ̃ soŋ la noba turituri naŋ yi paalonne 239 ka ba wa lantaa neŋ noɔreyeni. Jehoova Sieree Deme eɛ Kristabiiri naŋ nɔŋ emmaaroŋ. Ka hoŋ boɔrɔ ka ho nyɛ sori teŋ maŋ tu kyɛ e lɛ, kanne a Kaakaara Ziduoruu ŋa naŋ taa a yelzu ŋa, “Breaking the Cycle of Hatred.” (Boŋ Na Baŋ Vɛŋ Ka Hataa Baare?)