“Baapaalba kpoŋ zie zaa taaɛ teɛroŋ gyɛre. A yɛlɛ ŋa eɛ nimizeɛ yaga zaa. Yelkpoŋ na kaŋa naŋ vɛŋ ka a yɛlɛ ŋa nyɛrɛ eebo la intanɛt dama diibu ziiri.”​—Dr. Vivek Murthy, U.S. surgeon general, New York Times, June 17, 2024.

 Wala ka bidɔgreba na toɔ̃ e a go ba biiri yi toɔrɔ naŋ na baŋ yi intanɛt dama diibu ziiriŋ a wa ba zuŋ na eŋɛŋ? A Baabole taaɛ kawane naŋ na baŋ soŋ.

 Teɛre a Baabole sowuli ama gaa tɔɔre.

 ‘Neɛ naŋ baŋ o meŋɛ taabo maŋ kaarɛɛ o gbɛ-kyɛnee.’​—Yeng Yelibie 14:15.

 Intanɛt dama diibu ziiri na baŋ de la toɔrɔ waneŋ ho bie zuŋ, azuŋ ta teɛre ka a eɛ ferebo ka ho ko ho bie na sori ka o de a intanɛt dama diibu ziiri ŋa tonɔ neŋ toma. Sɛre hoŋ na ko ho bie sori ka o de intanɛt dama diibu ziiri tonɔ neŋ toma na, teɛre yɛlɛ gaa tɔɔre a nyɛ ka ho bie na kyillɛɛŋ a na baŋ de o wagre tonɔ neŋ toma soŋ, a taa zɔmeŋ sonne, a na baŋ lɛ nyɔge o meŋɛ ka lɛ vɛŋ ka o ta kaara yelfaare naŋ bebe na bee.

•   Ka hooŋ boɔrɔ ka ho zanne yɛlɛ yaga poɔ, kanne a yelzuri ŋa, “Should My Child Use Social Media?” (Aseŋ Ka N Bie De Intanɛt Dama Diibu Ziiri Tonɔ Neŋ Toma Bee?) ane “Teaching Your Teenager Social Media Safety.” (Wuli Ho Bie Naŋ E Baapaalaa Lɛ Oŋ Na Baŋ De Intanɛt Dama Diibu Ziiri Tonɔ Neŋ Toma Soŋ)

 “[De ho] wagre tonɔ neŋ toma soŋ.”​—Efesu 5:16.

 Ka hooŋ wa tere sori ka ho bie de intanɛt dama diibu ziiri tonɔ neŋ toma, moɔ a wuluu yɛlɛ oŋ na baŋ e, ane yɛlɛ oŋ koŋ baŋ e beŋ. Vɛŋ ka a bie baŋ ka bege na hoŋ koo na na baŋ somooŋ ka o tage o meŋɛ yi toɔrɔ eŋɛŋ. Kaara ho bie na zu velaa, ka hooŋ wa nyɛ ka o gyogo leɛrɛŋ, a na somaŋ ka ho ŋmaa lɛ na oŋ maŋ de intanɛt dama diibu ziiri tonɔ neŋ toma na bare.

•   De a vidio ŋa ba naŋ drɔɔ boma maale na yelzu naŋ la, De Intanɛt Tona Toma Yɛŋ Poɔŋ a soŋ ho bie na ka o baŋ lɛ a naŋ e nimizeɛ ka o baŋ o e ta zie, saŋa na oŋ de Intanɛt dama diibu ziiri tonɔ neŋ toma.

 A Baabole yeleeŋ ka te saŋa ŋa “zie na e la kpeɛŋaa yaga.” (2 Timoti 3:1-5) Kyɛ, a Baabole lɛ taaɛ kawane naŋ na baŋ soŋ te ka te are a yelkpeɛne zaa noɔreŋ. Ho na baŋ nyɛɛ Baabole poɔ kawane naŋ pare 20 naŋ na baŋ soŋ bidɔgreba ane ba biiri. Ho na baŋ nyɛɛ a yɛlɛ yi a yelzu ŋa naŋ kyaare baapaalba teɛroŋ poɔ laafeeloŋ yɛlɛ.