ZANNOO 09
Tage Peɛle Naaŋmen A Tuuro Puoro Eŋɛŋ
Saŋa kaŋa ho maŋ boɔrɔŋ ka neɛ kaŋa korɔ bo sowuli ho zemmo poɔŋ bee? Ho taa la soorebie mine naŋ e nimizeɛ hoŋ boɔrɔ a noɔre iribo bee? Ho boɔrɛɛ sukyiridii ane faŋa emmo bee? Ho na boɔrɔŋ ka ho tage peɛle Jehoova bee? Puoro na toɔ̃ soŋ boŋ a yɛlɛ ama zaa poɔŋ. Kyɛ sobuo hoŋ na toɔ̃ tu sori naŋ seŋ neŋ poɔŋ a puore ko o? Naaŋmen maŋ kyɛllɛ wono la puoro zaa? Bo yɛlɛ aŋ seŋ ka ho erɛ ka lɛ vɛŋ ka Naaŋmen kyɛlle woŋ ho puoro? Yɛ vɛŋ ka te nyɛ.
1. Nembuo aŋ seŋ ka te maŋ puore ko, ka bo teŋ na baŋ puore sɔre?
Yezu wuli teŋ ka te maŋ puore ko te Saa naŋ be sazuŋ na yoŋ. Yezu meŋɛ da maŋ puore ko la Jehoova. O yeleeŋ ka: “Azuiŋ yɛ maŋ puore ŋaa: ‘Te Saa naŋ be sazuŋ . . . ’” (Matio 6:9) Ka te naŋ puoro korɔ Jehoova, lɛ maŋ vɛmeŋ ka te ne o niiloŋ na maaleeŋ e kpeɛŋaa.
Te na baŋ puoreŋ a sɔre yelzaa te naŋ boɔrɔ. Kyɛ ka te naŋ boɔrɔ ka Naaŋmen iri te puoro na noɔre ko te, aseŋ ka ane o boɔbo kyaare taa. “Ka tenee wa sɔre bonzaa naŋ tu [Naaŋmen] poboɔbo, O maŋ kyɛlle woŋ la.” (1 Gyɔɔn 5:14) Yezu da wulee yɛlɛ mine te naŋ na toɔ̃ puore sɔre (Kanne Matio 6:9-13.) Ka te naŋ wa puore sɔre Naaŋmen ka o maale te yɛlɛ ko te, te ta maŋ inni ka te puore Naaŋmen bareka a kyɛ sɔroo ka o soŋ noba mine meŋ.
2. Sobuo aŋ seŋ ka te maŋ tu kyɛ puore?
A Baabole eŋ teŋ faŋa ka te maŋ “yel [te] sukyie yeltaree zaa ko [Naaŋmen].” (Yieme 62:8) Azuŋ, aseŋ ka te maŋ yi te sukyieŋ kyɛ puore. Ka te naŋ are, bee a zeŋ, bee a gaŋ gba, kyɛ te na toɔ̃ yi la gyeremɛ poɔŋ a puore te sukyieŋ, bee a puoro ka a yire. Zie zaa te naŋ be kyɛ te na baŋ puoreŋ wagre zaa te naŋ boɔrɔ.
3. Sobuo ka Naaŋmen maŋ iri te puoro nɔɛ?
O maŋ tu la soe yaga poɔŋ kyɛ ire te puoro nɔɛ. Jehoova ko teŋ o Yelbiri a Baabole, beŋ teŋ maŋ nyɛ te soorebie yaga zaa nɔɛ iribo. A Naaŋmen Yelbiri kannoo maŋ “[korɔ] la babaŋina nimiyuo.” (Yieme 19:7; kanne Gyimisi 1:5.) Ka yelkpeɛneŋ wa pɔge te, Naaŋmen na ko teŋ sukyirimaaroŋ. O na toɔ̃ vɛmeŋ ka o puorebiiri soŋ te saŋa na te naŋ boɔrɔ sommo na.
ZANNE YƐLƐ YAGA POƆ
Zanne nyɛ lɛ hoŋ na toɔ̃ yi ho sukyiri poɔŋ a puore ko Naaŋmen ka o kyɛlle woŋ, a nyɛ lɛ puoro naŋ na toɔ̃ soŋ bo meŋ.
4. Naaŋmen taa la sowuli a kyaare puoro
Bo yɛlɛ mine la na toɔ̃ vɛŋ ka Naaŋmen kyɛlle woŋ te puoro bee ka o zagre ka o kyɛlle woŋ? Ŋmɛ a VIDIO.
Jehoova boɔrɔŋ ka te maŋ puore ko o. Kanne Yieme 65:2, a kyɛ gyieli a soorebie ŋa yɛlɛ:
-
Ho teɛre ka a “Neɛ naŋ wono puoro” na boɔrɔŋ ka ho maŋ puore ko o bee? Bonso hoŋ teɛrɛ lɛ?
Ka te naŋ boɔrɔ ka Naaŋmen maŋ kyɛlle woŋ te puoro, aseŋ ka te maŋ mɔɔ te moɔbo zaa ka te erɛ o boɔbo. Kanne Maika 3:4 ane 1 Piita 3:12, a kyɛ gyieli a soorebiri ŋa yɛlɛ:
-
Wala teŋ na e baŋ ka Jehoova na kyɛlle woŋ la te puoro?
Ka paalonne ayiŋ wa zɔɔrɔ, ba zaa maŋ puore sɔreŋ ka Naaŋmen soŋ ba ka ba zɔɔtoɔ̃. Yɛŋ bebeŋ ka te sagedi ka Naaŋmen na iree ba puoro na noɔre bee?
5. Te na toɔ̃ yelee yelzaa naŋ ferɛ te a ko Jehoova puoro poɔŋ
Ba wulee noba mine ka ba maŋ yele yelbonyenaa kaŋa yoŋ wagre zaa baŋ wa puoro. Kyɛ lɛ ka Naaŋmen boɔrɔ ka te maŋ puore ko o bee? Kanne Matio 6:7, a kyɛ gyieli a soorebiri ŋa yɛlɛ:
-
Wala hoŋ na toɔ̃ e a ta maŋ yele “yelbonyenaa naŋ ba taa tɛgɛ wagre zaa” saŋa na hoŋ wa puoro na?
Bebiri zaa, maŋ teɛre yelkaŋa Naaŋmen naŋ e ko bo ho zemmo poɔŋ a puoroo bareka. Ka hooŋ maŋ e lɛ bebiri zaa, a daagbuli naŋ na waana o baaroo ka ho puoreeŋ kyaare yɛlɛ ayɔpoi naŋ ba yi taa.
Bi-saa naŋ nɔnɔ o bie maŋ boɔrɔŋ ka a bie yi o sukyiri poɔ yele yɛlɛ koroo. Jehoova meŋ boɔrɔŋ ka te maŋ yi te sukyie poɔ a puoro koroo
6. Puoro eɛ kyɔɔtaa naŋ e kpoŋ Naaŋmen naŋ ko te
Sobuo ka puoro na toɔ̃ soŋ te te zemmo poɔŋ, agaŋaazaa saŋa na te naŋ wa tuore yelkpeɛŋaa kaŋa na? Ŋmɛ a VIDIO.
A Baabole eŋ teŋ noɔre ka puoro na toɔ̃ soŋ teŋ ka te taa sukyirimaaroŋ. Kanne Filipae 4:6, 7, a kyɛ gyieli a soorebie ŋa yɛlɛ:
-
Aneazaa ka puoro ba maŋ vɛŋ ka te yelkpeɛne zaa baare, kyɛ sobuo aŋ maŋ soŋ te?
-
Bo yɛlɛ hoŋ na boɔrɔ ka ho yelko Naaŋmen puoro poɔŋ?
Ho da baŋɛɛŋ?
“Ameena” wuleeŋ ka “a e lɛ” kyɛbee “ka awaa lɛ.” Ka hooŋ kaa a Baabole poɔŋ, ho na nyɛŋ ka ka ba naŋ wa puore baare ba da maŋ yeleŋ ka “ameena.”—1 Tungkori 16:36.
7. Bɔ wagre biŋ a maŋ de puore
Kaapɔge, saŋa kaŋa te toma na maŋ eɛ yaga zuo ka te gba inni ka te puore. Boŋ wuli ka puoro da eɛ yelnimizeɛ yaga ko Yezu? Kanne Matio 14:23 ane Marko 1:35, a kyɛ gyieli a soorebie ŋa yɛlɛ:
-
Sobuo ka Yezu da tu a bɔ wagre ka o maŋ de puore?
-
Bo saŋa hoŋ na toɔ̃ bɔ wagre a maŋ de puore?
NOBA MINE MAŊ YELEŊ KA: “Puoro ba taa tɔnɔ zaa bonso neɛzaa ba kyɛllɛ wono.”
-
Wala hoŋ meŋ na yel?
A ZANNOO YELNIMIZEERE
Ka te naŋ tage peɛle Naaŋmen, a maŋ vɛmeŋ teŋ nyɛ sukyirimaaroŋ, a lɛ eŋ te faŋa teŋ toɔ̃nɔ pɛlɛ Jehoova poɔ.
Bo Hoŋ Zanne
-
Nembuo aŋ seŋ ka te maŋ puore ko?
-
Sobuo aŋ seŋ ka te maŋ tu kyɛ puore?
-
Sobuo ka puoro na toɔ̃ soŋ te?
YƐLƐ MINE NAŊ LƐ BEBE
Nyɛ soorebie na noba yaga naŋ maŋ soorɔ kyaare puoro na nɔɛ iribo.
“Yɛlɛ Ayɔpoi A Naŋ Seŋ Ka Ho Baŋ Kyaare Puoro” (A Watchtower, October 1, 2010)
Zanne baŋ yelnimizeere zuŋ a naŋ seŋ ka ho maŋ puore, ane lɛ hoŋ na e ka ho puoro maŋ tɔ Naaŋmen sukyiri.
Gyieli nyɛ neɛ na a Baabole naŋ yelka te maŋ puore ko.
“A Somaŋ Ka N Maŋ Puoro Korɔ Nensonne Aŋa Lɛ Teŋ Maŋ Puoro Korɔ Naaŋmen Na Bee?” (Intanɛt zu gane)
A yieloŋ vidio ŋa poɔŋ, kaa nyɛ ka zie bee saŋa na a naŋ seŋ ka te maŋ puore yɛlɛ fɛrɛɛŋ bee.
