Ka a Baabole zannezannebaŋ boɔrɔ ka ba nyɔge Naaŋmen zɔmennoŋ, aseŋ ka ba kaa iri zɔmeŋ-sonne. (Ym 15:1, 4) Zɔmeŋ-sonne na soŋ baŋ ka ba erɛ yɛlɛ naŋ soma.​—Ye 13:20; lff zannoo 48.

De ho meŋɛ eŋ ho Baabole zannezanneba na gbɛbogreŋ, ka hooŋ wa sonnɔ ba ka ba bare zɔmeŋ faare. A na baŋ e la kpeɛŋaa ko ba ka ba bare zɔmenne na ba naŋ da taa na. Azuŋ, maŋ wulo ka ho teɛrɛɛ ba yɛlɛ. Ho na baŋ toɔle baŋ text message, bee a boɔle ba fon zuŋ, bee a te puore ba. Saŋa na ho Baabole zannezanna naŋ nyɛrɛ nimitɔɔre gaabo na, ho na baŋ boɔle baŋ ka ba wa poɔ te yɔɔmine na poɔŋ. Ba na wa nyɛŋ ka ba na nyɛɛ zɔmenne yaga a gaŋ zɔmenne na baŋ bare na. (Mk 10:29, 30) Ho meŋ na nyɛɛ popeɛloŋ yaga saŋa na hoŋ nyɛ noba yaga naŋ waana Jehoova puoruu poɔ na.

KAA A VIDIO ŊA, SOŊ HO BAABOLE ZANNEZANNEBA KA BA TAGE BA MENNE YI ZƆMEŊ FAARE EŊAŊ, KYƐ PÃÃ IRI A SOOREBIE ŊA NƆƐ:

• Aŋ mine la zɔmeŋ faare?​—1Ko 15:33

• Bo teɛroŋ ka Jade da taa kyaare lɛ Kristabiiri naŋ maŋ pɛle ba niŋe na?

• Sobuo ka Neeta da soŋ Jade oŋ nyɛ zɔmeŋ-sonne?