Te yɔɔmine na maŋ teɛrɛɛ yɛlɛ gaa tɔɔre sɛre kyɛ maale a naaŋ moɔloo ewuluu dama diibu na. Naaŋ moɔleba yaga yeleeŋ ka a sonnɔ baŋ yaga a naaŋ moɔloo poɔŋ. Kyɛ, yɛlɛ naŋ fɛrɛ noba a donɛɛ lombori zaa ba yitaa, azuŋ naaŋ moɔleba na baŋ tu la so yuo kaŋa ka ba neŋ noba di dama a naaŋ moɔloo poɔŋ, bee ka ba de yelzu na noba naŋ be ba gbandige naŋ boɔrɔ yaga piili a dama diibu. Kyɛ, aseŋ ka te maŋ de sowuli zaa baŋ ko te a kyaare naaŋ moɔloo naŋ e o yoŋ toŋ neŋ toma. Yɛlɛ naŋ e nimizeɛ yaga zaa la teŋ na moɔle a Naaloŋ duorisoŋ na Yezu naŋ de eŋ te nuureŋ na.​—Mt 24:14.

Ka ba naŋ wa de toma ko a sakuubiiri ka ba toŋ, aseŋ ka ba de yelzu naŋ be a naaŋ moɔloo ewuluu zie naŋ be Te Zemmo Ane Te Naaŋ Moɔloo Lammo Yelsɛgree Gane na poɔŋ toŋ neŋ toma. Kyɛ, ka ba naŋ ba ko bo sowuli ka ho e lɛ, ka hooŋ baŋ yɛlɛ naŋ pɛlɛ noba poɔ ho gbandige naŋ, a na baŋ soŋ boŋ ka ho kaa iri soorebiri, sɛgre, yɛlɛ hoŋ na de tɔnne a dama diibu, bee so-zaala kaŋa toŋ neŋ toma. A yɛlɛ ŋa leɛrɛɛ sowuli naŋ be June 2020 lammo yelsɛgree gane gampɛlɛ 8 na poɔŋ.