Ka teneeŋ de yɛlɛ mine biŋ te nimitɔɔreŋ Jehoova puoruu poɔŋ, a maŋ vɛmeŋ teŋ de te faŋa tonɔ neŋ toma yɛŋ poɔŋ. (1Ko 9:26) A maŋ lɛ soŋ teŋ teŋ de te wagre tonɔ toma soŋ a donɛɛ baaroo saŋa ŋaŋ. (Ef 5:15, 16) Yɛ booree zannoo saŋa, yɛ na toɔ̃ di la dama a nyɛ yɛlɛ yɛŋ na toɔ̃ de biŋ yɛ nimitɔɔreŋ a puoruu yuoni naŋ waana ŋa poɔŋ. A lammo yelsɛgree gane ŋa taa la yɛlɛ mine hoŋ na baŋ de biŋ ho nimitɔɔreŋ, azuŋ puore, a nyɛ ka ho na toɔ̃ de la a yɛlɛ ŋa kaŋa biŋ ho nimitɔɔreŋ bee.​—Gyi 1:5.

Aŋa mannoo poɔŋ, a booree deme na baŋ soŋɛɛ neɛ kaŋa naŋ be a booree poɔŋ ka o e regular paaneɛ bee? Ka hooŋ teɛre ka ho koŋ toɔ̃ nyɛ a paaneɛ aware na, soore paaneere mine ne ho yɛlɛ naŋ kyaare taa a nyɛ lɛ baŋ maŋ e nyɛ ba aware. (Ye 15:22) Yɛ neŋ paaneɛ kaŋa na baŋ di la dama yɛ booree zannoo saŋa. Yɛ na toɔ̃ sɛgɛɛ yɛ naaŋ moɔloo yelsɛgree biŋ. Ka hooŋ daŋ e paaneɛ saŋa kaŋa naŋ pare, gyieli ho zemmo yɛlɛ soŋ a nyɛ ka ho na baŋ lɛ eɛ paaneɛ bee.

Yɛ booree neɛ kaŋa na baŋ de la kyuu gbuli bee kyuuri naŋ pare lɛ toŋ a auxiliary paaneɛ toma bee? Ka hooŋ ba taa faŋa yaga, kyɛ ho na baŋ eɛ auxiliary paaneɛ, ka hooŋ maŋ de wagre fẽẽ lɛ moɔle a duoro bebiri zaa. Ka hooŋ gɛrɛ sukuu, bee ka ho toma zuŋ, ho koŋ baŋ gaa a naaŋ moɔloo a daagbuli poɔŋ, ho na baŋ kaa iree kyuu kaŋa naŋ taa holiday, bee kyuu kaŋa naŋ taa daaraanuu toŋ a auxiliary paaneɛ toma. Ho na toɔ̃ magɛɛ kyuu na hoŋ boɔrɔ ka ho e auxiliary paaneɛ eŋ ho calendar poɔŋ, a lɛ sɛge ho naaŋ moɔloo yelsɛgree meŋ biŋ.​—Ye 21:5.

KAA A VIDIO ŊA, TARE NYAA, KA HO NAŊ E . . . PIONEER, KYƐ PÃÃ IRI A SOOREBIRI ŊA NOƆRE:

• Te Yɔɔpɔge Aamand de la yɛlɛ mine iri sareka kyɛ tonɔ a paaneɛ toma. Bo hoŋ zanne yi o zemmo yɛlɛ ŋa poɔŋ?