Ka teneeŋ de yɛlɛ biŋ te nimitɔɔreŋ Jehoova puoruu poɔŋ a toɔ̃ ta a, a maŋ vɛmeŋ teŋ de puoruu naŋ seŋ neŋ korɔ Jehoova. A maŋ vɛmeŋ teŋ wa e Kristabiiri naŋ kyili. Ka teneeŋ erɛ lɛ te ba sããna te wagre ane te faŋa. (1Ti 4:15) Bonso aŋ seŋ ka te maŋ leɛ peɛre yɛlɛ na teŋ de biŋ te nimitɔɔreŋ na wagre zaa? Ananso la ka, yɛlɛ na baŋ leɛrɛŋ te zemmo poɔŋ. Azuŋ, te koŋ baŋ lɛ ta yɛlɛ mine teŋ de biŋ te nimitɔɔreŋ na, kyɛbee aminekaŋaŋ te ta la a yɛlɛ. Ka lɛ wa la, te na baŋ lɛ de la yel-yuo biŋ te nimitɔɔreŋ.

A na somaŋ yaga ka te maŋ peɛre yɛlɛ teŋ de biŋ te nimitɔɔreŋ a puoruu yuoni piiluu saŋa. Ka yɛneeŋ boɔrɔ, yɛ na baŋ di la dama a kyaare a yɛlɛ ŋa yɛ booree zannoo saŋa. Yɛ na baŋ di la dama a kyaare yɛlɛ yɛ kaŋa zaa naŋ na baŋ de biŋ o nimitɔɔreŋ ane yɛlɛ yɛŋ na baŋ de biŋ yɛ nimitɔɔreŋ aŋa booree deme?

Bo yɛlɛ hoŋ de biŋ ho nimitɔɔreŋ a kyaare a yɛlɛ ŋa mine? Bo yɛlɛ hoŋ boɔrɔ ka ho e a toɔ̃ ta a yɛlɛ ŋa?