September kyuu na poɔŋ, te na mɔɔŋ kyɛ soŋ noba ka ba wa nyɛ ka Naaŋmen Naaloŋ na yoŋ na baŋ iri nensaaleba yelwonii zaa bare. (Mt 24:14) Wala hoŋ na toɔ̃ e a de ho meŋɛ eŋ a toma ŋa poɔŋ? Ho na baŋ kannɛɛ a Baabole sɛgre kaŋa naŋ kyaare Naaŋmen Naaloŋ na yɛlɛ ko noba yaga ana kyuu na poɔŋ. Ka o soba poɔŋ pɛle neŋ a yɛlɛ, ho na baŋ de la A Watchtower No. 2 2020 na koo. Mɔɔ kyɛ leɛ gaa o soba zie wieoŋ, a te de a Nyɛ Zeŋ Laafeɛ Tegitegilɛ! gambile na ka yɛ piili Baabole zannoo. Ka neɛŋ fiili fɔɔm ka o toŋ a paaneɛ sonneba toma a September kyuu poɔŋ, o na baŋ de la aware 15 kyɛbee aware 30 waneŋ.

A koŋ kɔɔre, Naaŋmen Naaloŋ na na saaŋɛɛ a gɔmenantere ŋa zaa. (Da 2:44; 1Ko 15:24, 25) Yɛ vɛŋ ka te zaa de a soyuo ŋa wuli ka te arɛɛ Jehoova ane o Naaloŋ na puoreŋ!