July 29–August 4
YIEME 69
Yieloŋ 13 ane Puoro | A Piilee Yelyaga (Minti 1)
1. Bo Yɛlɛ Mine Ka Yɛlɛ Naŋ Be Yieme 69 Yelka Yezu Na Eŋ?
(Minti 10)
Yezu da ba e yelfaa zaa, kyɛ noba yaga da ba nɔŋ o yɛlɛ (Ym 69:4; Gyn 15:24, 25; w11 8/15 11 wɛl. 17)
Yezu da taaɛ eŋnyagroŋ ko yelmeŋɛ puoruu (Ym 69:9; Gyn 2:13-17; w10 12/15 8 wɛl. 7-8)
Yezu da tuoree yɛlɛ naŋ kyɛrɛ sukyiri, ba da de la lɛntɔɔ kyɛbee kaliŋkaare gyɛre neŋ waiŋ poɔŋ a de koo ka o nyu (Ym 69:20, 21; Mt 27:34; Lk 22:44; Gyn 19:34; g95 10/22 31 wɛl. 4; it-2 650)
TEƐRE A YƐLƐ ŊA NYƐ: Bonso ka Jehoova vɛŋ baŋ sɛge daŋyelbo naŋ kyaare a Mɛzaaya yɛlɛ eŋ a Hiburu Sɛgre poɔŋ?
2. Baabole Poɔ Yelsonne
(Minti 10)
-
Ym 69:30, 31—Sobuo ka a sɛgre ŋa na toɔ̃ soŋ te ka te nyɛ nimitɔɔre gaabo te puore sɔroo poɔŋ? (w99 1/15 18 wɛl. 11)
-
Bo yelsonne hoŋ nyɛ yi a daagbuli ŋa Baabole kannoo na poɔŋ a boɔrɔ ka ho manne ko te?
3. Baabole Kannoo
(Minti 4) Ym 69:1-25 (th-E study 2)
4. Kannyiri—Lɛ Yezu Naŋ Da E
(Minti 7) Dama diibu. Ŋmɛ a VIDIO, a kyɛ di dama kyaare yɛlɛ naŋ be lmd zannoo 8 yelzu bilii 1-2.
5. Kannyiri—Tɔglɔ Yezu
(Minti 8) A dama diibu kyaarɛɛ yɛlɛ naŋ be lmd zannoo 8 yelzu bilii 3-5 ane “Kanne A Sɛgre Ama Meŋ Nyɛ.”
Yieloŋ 134
6. A Lantaapuoruu Poɔ Yelfɛree
(Minti 5)
7. Yɛlɛ Mine Naŋ Na Toɔ̃ Soŋ Yɛ Ka Yɛ E Yɛ Booree Zannoo Velaa Zaa
(Minti 10) Dama diibu.
January 2009 poɔŋ, ba da de la a Lantaapuoruu Baabole Zannoo wa poɔ a Theocratic Ministry School ane Sɛvis Lammo na a daagbuli poɔ lammo na poɔŋ. A yɛlɛ ŋa yuo la sori ko booree deme ka ba maŋ e ba menne booree zannoo daagbuli zaa. Noba yaga yeleeŋ ka lɛ na baŋ leɛ sɛgre yɛlɛ ka booree deme maŋ lantaa a zanne boma na vɛŋɛɛŋ ka a booree deme tage peɛle taa, a lɛ soŋ ba baŋ tage peɛle Jehoova meŋ.—Du 6:6, 7.
Bo yɛlɛ mine la na baŋ soŋ booree zudaaneba ka ba maŋ toɔ̃ erɛ Booree Zannoo naŋ noma wagre zaa?
-
Yɛ ta maŋ nagra a booree zannoo. Ka lɛŋ na toɔ̃ e yɛŋ, yɛ maŋ kaa iri bebiri kaŋa biŋ a daagbuli poɔŋ a maŋ de e a booree zannoo. Ka yɛlɛ mineŋ wa kyɛŋ kpɛ yɛ yeltaree poɔ ka lɛ vɛŋ yɛŋ ba toɔ̃ e a booree zannoo, yɛ na baŋ lɛ kaa iree bebiri kaŋa biŋ, a leɛ e a zannoo ana bebiri na
-
Yɛ maŋ nare yɛ menne. Ho na baŋ soorɛɛ ho pɔge ka o wuli yɛlɛ oŋ boɔrɔ ka yɛ zanne. Saŋa mine, ho na baŋ soorɛɛ ho biiri meŋ ka ba wuli yɛlɛ mine ba naŋ boɔrɔ ka yɛ zanne. Daagbuli zaa ka a booree demeŋ nɔŋ ka ba maŋ erɛ yɛlɛ mine wagre zaa a booree zannoo saŋa, a koŋ fɛre ka yɛ maŋ de wagre yaga nare neŋ yɛ menne
-
Ho na baŋ leɛrɛɛ a booree zannoo ka a kyaare a booree yelfɛree. Saŋa na bibiiri yuomo naŋ nyɛrɛ nimitɔɔre gaabo na, ba yelfɛree meŋ maŋ leɛrɛŋ. A booree zannoo seŋ ka o soŋ a booree deme zaa ka ba tagra peɛlɛ Jehoova
-
Yɛ maŋ mãã yɛ menne a de nɔmmo erɛ a zannoo. Ka a saluoniŋ wa soma, saŋa mine yɛ na baŋ yi la yeŋe te e a zannoo. Ka lɛŋ na soma ko yɛ, yɛ na baŋ de la wagre a te pɛnne fẽẽ a kyɛ lɛ wa tɔnne a zannoo. Yelmeŋɛ la, a na somaŋ ka yɛ maŋ dire dama a kyaara yelkpeɛne yɛ biiri naŋ tuoro, kyɛ a booree zannoo ba e saŋa aŋ seŋ ka yɛ maŋ yeli yɛ biiri nimiri yɛlɛ ko ba, kyɛbee a de dɛnnoo ko ba
-
Ka lɛŋ wa seŋ neŋ, yɛ na baŋ de la yelyobo poɔ a zannoo poɔŋ. Aŋa mannoo poɔŋ, a booree zannoo saŋa, yɛ na baŋ zannɛɛ yɛlɛ teŋ na zanne a lantaapuoruu lammore na saŋa, kyɛbee ka yɛ kaa vidio kaŋa naŋ be jw.org, a di dama kyaare a vidio. Yɛ na baŋ lɛ de la ana vuo na nare neŋ yɛ menne ko a naaŋ moɔloo. Aneazaa ka yɛ na baŋ diree dama a Booree Zannoo saŋa, kyɛ ka yɛneeŋ boɔrɔ, a booree deme kaŋa zaa na baŋ de la ana wagre na a e ba menne Baabole zannoo
Yɛ di dama kyaare a soorebiri ŋa:
-
Ho toɔ̃ de la a sowuli ŋa toŋ neŋ toma yɛ booree zannoo saŋa bee?
8. Lantaapuoruu Baabole Zannoo
(Minti 30) bt zuri 13 wɛl. 8-16, daga naŋ be gampɛlɛ 105
