Ka teneeŋ wa tuoro yelkpeɛne te eŋɛ na baŋ kyoɔreŋ, a meŋɛmeŋɛŋ ka a naŋ bebe kɔɔre. Deevid da baŋɛɛŋ ka dɔgroŋ na Naa Sɔɔl naŋ da dɔgroo na na baareŋ kyɛ ka o di a naaloŋ aŋa lɛ Jehoova naŋ eŋ noɔre na. (1Sa 16:13) Deevid sagediibu la da somoo oŋ di kannyiri a kyɛ kyɛnlɛ Jehoova.

Ka teneeŋ wa tuoro dɔgroŋ, te na baŋ de la nyaammo, bammo, bee lɛ na teŋ maŋ teɛrɛ yɛlɛ gɛrɛ tɔɔre na leɛre yɛlɛ fẽẽ. (1Sa 21:12-14; Ye 1:4) Kyɛ, te yelkpeɛne mine koŋ bare te kyɛ gaa haali saŋa na teŋ mɔɔ te mɔɔbo zaa a de Baabole kawane toŋ neŋ toma na. Ka lɛŋ wa bebe, aseŋ ka te di kannyiri a kyɛ kyɛnlɛ Jehoova. A koŋ kɔɔre, o na iree dɔgroŋ zaa bare a kyɛ “eɛre nentaŋ zaa” bare te nimieŋ meŋ. (Yel 21:4) Ka Jehoova meŋɛ la na iri te dɔgroŋ na bare bee ka yelzaala kaŋaŋ na iraa bare. Kyɛ yɛlɛ teŋ baŋ peɛlaaŋ la ŋa: Dɔgɛɛ zaa teŋ tuoro taaɛ bebiri aŋ na baare. Ka teneeŋ baŋ lɛ a na toɔ̃ dii la te sukyiri.

KAA A VIDIO ŊA, NOBA NAŊ TAA NOƆREYENI DONƐƐ NAŊ PAALE NEŊ WƐLTAA POƆŊ, KYƐ PÃÃ IRI A SOOREBIE ŊA NƆƐ:

• Bo yelkpeɛne ka Kristabiiri mine naŋ da be USA paaloŋ samun-duri seŋ da tuoro?

• Sobuo baŋ da wuli ka ba taaɛ kannyiri neŋ nɔmmo?

• Wala baŋ da e a toɔ̃ de ba teɛroŋ zaa eŋ “yɛlɛ naŋ soma yaga zaa” eŋɛŋ?​—Fi 1:10