Jehoova boɔrɔŋ ka te yi nɔmmo poɔŋ a puoruu. (Mt 22:37, 38) Nɔmmo na a Baabole zannezanneba naŋ taa ko Naaŋmen la na soŋ ba ka ba leɛre ba eebo a kyɛ are kpeɛŋaa saŋa na baŋ tuoro yelkpeɛne na. (1Gyn 5:3) Nɔmmo na baŋ taa ko Naaŋmen la na eŋ ba faŋa ka ba de suobu.

Soŋ ho Baabole zannezanneba ka ba nyɛ ka Naaŋmen nɔnɔ baŋ. Ho na toɔ̃ soore baŋ soorebie aŋa: “Boŋ ka a yɛlɛ ŋa wulo bo kyaare Jehoova?” kyɛbee “Sobuo ka a yɛlɛ ŋa wulo bo ka Naaŋmen nɔnɔ boŋ?” Soŋ ba ka ba nyɛ lɛ Jehoova naŋ sonnɔ ba. (2Tu 16:9) Manne lɛ Jehoova naŋ iri ho puoro mine nɔɛ ko bo, a kyɛ eŋ ba faŋa ka ba meŋ kaara soŋ a nyɛ lɛ Jehoova naŋ na iri ba puoro nɔɛ. Ka hooŋ wa nyɛ lɛ ho Baabole zannezanneba naŋ nɔnɔ Jehoova a kyɛ tagra peɛloo na, ho poɔ na pɛleŋ yaga zaa.

KAA A VIDIO ŊA, SOŊ HO BAABOLE ZANNEZANNEBA KA BA NE JEHOOVA NIILOŊ SOMA, KYƐ PÃÃ IRI A SOOREBIE ŊA NƆƐ:

• Bo yelkpeɛne ka Jade da tuore?

• Sobuo ka Neeta da soŋ Jade?

• Wala ka Jade da e zɔɔtoɔ̃ o yelkpeɛŋaa na?