Deevid naŋ da dɛle Jehoova zuŋ la so oŋ da zɔɔtoɔ̃ Golaiyat. (1Sa 17:45) Jehoova boɔrɔŋ ka o wuli o kpeɛ̃o a ko o puorebiiri zaa. (2Tu 16:9) Wala teŋ na toɔ̃ e a de sowuli na Jehoova naŋ korɔ te na tonɔ neŋ toma, a kyɛ ta dɛle te menne bammo bee kpeɛ̃o? A yɛlɛ ata ŋa na toɔ̃ soŋ teŋ:

• Maŋ puoro. A ba seŋ ka te maŋ puoro sɔrɔ te yelbebe sudi yoŋ, kyɛ te na toɔ̃ puore sɔrɛɛ faŋa naŋ na toɔ̃ soŋ te ka te are kpeɛŋaa saŋa na teŋ tuoro pigrinyɛ na. (Mt 6:12, 13) Ho na toɔ̃ puore sɔrɛɛ Jehoova ka o maale gbɛɛ na mine ho naŋ de. Kyɛ sɛre hoŋ na de gbɛre zaa na, ho na baŋ puore sɔrɛɛ sowuli ane yɛŋ naŋ na toɔ̃ soŋ bo ka ho de gbɛ soŋ.​—Gyi 1:5

• Moɔ̃ niŋe kanna a Baabole a kyɛ zanna boma meŋ. Maŋ kanne a Baabole bebiri zaa. (Ym 1:2) Maŋ teɛre noba yɛlɛ naŋ be a Baabole poɔ na gaa tɔɔre, a de yɛlɛ na hoŋ zanne na meŋ tonɔ neŋ toma. (Gyi 1:23-25) Maŋ nare ho meŋɛ ko a naaŋ moɔloo, ta dɛle ho meŋɛ bammo. Ka hooŋ de weɛ zanne boma na teŋ na zanne a lammozieŋ na, a na soŋ boŋ ka ho nyɛ tɔnɔ yaga yi a lammo poɔŋ.

• Tuuro sowuli zaa Jehoova lantaapuoruu naŋ korɔ te. Mɔɔ kyɛ baŋ a sowuli paala na zaa a lantaapuoruu naŋ korɔ te na, a maŋ de a tonɔ neŋ toma wieoŋ lɛ. (So 9:17) Ka a lantaapuoruu nembɛrɛŋ wa korɔ bo kawane ane sowuli, maŋ kyɛlle woŋ.​—Hi 13:17

KAA A VIDIO ŊA, A BA SEŊ KA TE ZORO DƆGROŊ, KYƐ PÃÃ IRI A SOOREBIE ŊA NƆƐ:

• Bo yɛlɛ naŋ eŋnɛ dabeɛ̃ la ka te yɔɔdɔba ane te yɔɔpɔgeba ŋa da tuore?

• Boŋ da soŋ ba baŋ are a yɛlɛ naŋ eŋnɛ dabeɛ̃ na noɔreŋ?