Beraayi ŋa kpakyagaŋ, saammo bɛrɛ maaleŋ nyɛrɛɛ eebo yaga zaa. Ka saammo kpoŋ kaŋaŋ wa wa, te yɔɔmine na maŋ sɛgrɛɛ yɛlɛ soŋ zaa a de sommo te ko te yɔɔmine naŋ tuore a saammo kpoŋ na. Azuŋ, a Lantaa Zukaareba terɛɛ sowuli ka ba sɛgre Saammo Bɛrɛ Sommo Tomaziiri a bɛɛtilhi naŋ be a donɛɛ lombori zaa na pooreŋ.

Ka te yɔɔmine naŋ be a saammo bɛrɛ sommo tomazie naŋ wa woŋ ka saammo kpoŋ e la zie kaŋaŋ, ba maŋ boɔlɛɛ a lantaapuoruu nembɛrɛ wieoŋ lɛ, a peɛre baŋ lɛ baŋ na toɔ̃ e a de sommo naŋ seŋ neŋ ko te yɔɔmine naŋ tuoro a saammo kpoŋ na. Ka te yɔɔmine naŋ koŋ baŋ maale boma na naŋ sãã na, lɛ yɛŋ, a bɛɛtil tomazie na kaa iree te yɔɔmine naŋ kyile ka ba de weɛ a saammo kpoŋ sommo toma poɔŋ. Te yɔɔmine ŋa na baŋ yeliŋ ka ba boɔrɛɛ noba ka ba wa soŋ ba toŋ a toma, kyɛbee ba na toɔ̃ yeliŋ ka ba boɔrɛɛ libie ka ba da boma mine. Ba na toɔ̃ da la a boma mine yi ziiri naŋ peɛle zie na a saammo kpoŋ naŋ e na a de poŋ ko te yɔɔmine na.

Ka ba naŋ tu a soe ŋa a de sommo te ko te yɔɔmine ŋa, tɔnɔ yaga maŋ yi la a poɔŋ wa. Kyɛ, ka te yɔɔmineŋ de gbɛre ba menneŋ a iri te sonnɔ noba naŋ tuore saammo kpoŋ, a maŋ vɛmeŋ ka a toma yɛlɛ e basaa, a vɛŋ teŋ sãã libie ane bontaree yaga zaa meŋ.

Te yɔɔmine na bɛɛtil naŋ kaa iri na la maŋ baŋ libie naŋ seŋ ka ba de toŋ a toma, ane noba bawala naŋ seŋ ka ba wa soŋ a toma. Ba neŋ a teŋɛ nembɛrɛ na baŋ di la dama, gbɛɛ yaga ba maŋ soŋ teŋ teŋ de sommo te ko te yɔɔmine ŋa wieoŋ. Azuŋ, ka ba naŋ ba ko neɛzaa sowuli ka ba deɛ libie yi noba zieŋ, a de boma te ko te yɔɔmine naŋ tuoro a saammo kpoŋ na, kyɛbee a gaa a saammo kpoŋ zie, a ba seŋ ka ba e lɛ.

Ka saammo kpoŋ kaŋaŋ wa pɔge te yɔɔmine, te maŋ boɔrɔŋ ka te soŋ ba. (Hi 13:16) Bonso, te nɔnɛɛ te yɔɔmine ŋa yaga zaa. Azuŋ, wala teŋ na baŋ e soŋ ba? Yelnimizeɛ kaŋa teŋ na baŋ e la ŋa, te na baŋ puoro korɛɛ te yɔɔmine naŋ tuoro a saammo kpoŋ na ane noba naŋ de sommo te korɔ ba na. Te na baŋ iree libie eŋ te donɛɛ zaa toma dagre na pooreŋ. A Lantaa Zukaareba maŋ de la sowuli ko a bɛɛtil tomaziiri a kyaare lɛ baŋ na toɔ̃ de a libie ŋa toŋ neŋ toma soŋ. Kyɛ, ka hooŋ boɔrɔ ka ho gaa a zie te soŋ a toma, ho na baŋ fiilɛɛ a Local Design/Construction Volunteer Application (DC-50) fɔɔm na.

KAA A VIDIO ŊA, KƆMPIIRI KAŊA SAAŊƐƐ SAAMMO YAGA BRAZIL PAALOŊ, KYƐ PÃÃ IRI A SOOREBIRI ŊA NOƆRE:

Bo yɛlɛŋ tɔ ho sukyiri yaga zaa a kyaare lɛ na Jehoova Sieree Deme naŋ de sommo te ko te yɔɔmine kɔmpiiri naŋ sãã ba yie Brazil paaloŋ poɔŋ yuoni 2020 na?