April 29–May 5
YIEME 34-35
Yieloŋ 10 ane Puoro | A Piilee Yelyaga (Minti 1)
1. ‘Pugiro Jehoova Wagre Zaa’
(Minti 10)
Saŋa na Deevid naŋ da tuoro yelkpeɛne na, o da pugee Jehoova (Ym 34:1; mwbr24.03 13 wɛl. 1)
Deevid da zɛgrɛɛ o meŋɛ Jehoova eŋɛŋ, o da ba de o meŋɛ yɛlɛ a de zɛgrɛ neŋ o meŋɛ (Ym 34:2-4; mwbr24.03 13 wɛl. 2)
Lɛ na Deevid naŋ da pugiro Jehoova na da eŋɛɛ o taaba faŋa (Ym 34:5; mwbr24.03 13 wɛl. 3)
Saŋa na Deevid naŋ da yi Abimɛlɛk zie na, dɔbɔ naŋ ta 400 poore naŋ da ba pɛle neŋ lɛ na Sɔɔl naŋ da dire o naaloŋ na da te poɔ la Deevid eŋɛŋ a wɛgyɛŋ poɔŋ. (1Sa 22:1, 2) A waa ŋa Deevid da teɛrɛɛ a dɔbɔ ŋa yɛlɛ, saŋa na oŋ sɛge yɛlɛ naŋ be a yieloŋ ŋa poɔŋ na.—Ym 34, piilee yɛlɛ na.
SOORE HO MEŊƐ KA, ‘Ka N neŋ neɛ kaŋaŋ wa dire dama a lantaapuoruu lammo saŋa, sobuo maŋ na toɔ̃ tu a pugi Jehoova?’
2. Baabole Poɔ Yelsonne
(Minti 10)
-
Ym 35:19—Yɛlɛ na Deevid naŋ da puore sɔre ka Naaŋmen ta wa terɛ sori ka o dɔndɔnne “nyigroo” na pare la boŋ? (mwbr24.03 14 wɛl. 1)
-
Bo yelsonne hoŋ nyɛ yi a daagbuli ŋa Baabole kannoo na poɔŋ a boɔrɔ ka ho manne ko te?
3. Baabole Kannoo
(Minti 4) Ym 34:1-22 (th-E study 5)
4. Piili Dama Diibu
(Minti 2) MOƆLƆ A DUORISOŊ ZIE ZAA HO NAŊ BE. A dama diibu baarɛɛŋ, kyɛ ho ba nyɛ sori ka ho moɔle a duorisoŋ ko o soba. (lmd zannoo 1 yelzu bile 4)
5. Leɛ Gaa Nyɛ
(Minti 4) MOƆLƆ A DUORISOŊ ZIE ZAA HO NAŊ BE. (lmd zannoo 2 yelzu bile 4)
6. Manne Ho Sagediibu Yɛlɛ
(Minti 5) Ewuli. Ijwfq-E 59—Yelzu: Wala Ka Jehoova Sieree Deme Maŋ E Baŋ Ka Bebi Tegroŋ Kaŋa Diibu Somaŋ? (th-E study 17)
Yieloŋ 59
7. Soe Ata Mine Teŋ Na Baŋ Tu A De Pugibo Ko Jehoova A Lammore Zieŋ
(Minti 15) Dama diibu.
A lantaapuoruu lammore maŋ eɛ so-soŋ naŋ yuo ko te ka te de pugibo naŋ seŋ neŋ korɔ Jehoova. Hooŋ nyɛ soe ata na mine teŋ na baŋ tu a de pugibo naŋ seŋ neŋ korɔ Jehoova.
Dama diibu: Saŋa na ho neŋ ho taaba naŋ dire dama na, maŋ soŋ ba ka ba nyɛ lɛ Jehoova yɛlɛ naŋ soma aseŋ. (Ym 145:1, 7) Ho woŋ la yelkaŋa, kyɛbee ho kannɛɛ yelkaŋa naŋ soŋ bo bee? Ho taaɛ yɛlɛ mine naŋ toɔrɔ sukyiri a kyaare a naaŋ moɔloo toma bee? Neɛ kaŋa tu la o yel-eree ane o yelyaga eŋɛŋ a eŋ bo faŋa bee? Ho nyɛɛ bonkaŋa Naaŋmen bonmaalee poɔŋ aŋ tɔ ho sukyiri bee? A boma ama zaa eɛ kyɔɔtaa naŋ yi Jehoova zie. (Gyi 1:17) Maŋ moɔ a wa a lammozie wieoŋ, ka lɛ vɛŋ ka ho neŋ ho taaba toɔ̃ di dama.
Yɛlɛ nɔɛ iribo: A lammo saŋa, maŋ moɔ a iri yɛlɛ noɔre, haali ka dayenaa yoŋ la. (Ym 26:12) Ho na baŋ iree a soorebiri noɔre, kyɛbee a wɛle a noɔre iribo ka a pɛle, kyɛbee ka ho yeli yelkaŋa a kyaare a Baabole sɛgre, a foto, kyɛbee lɛ teŋ na baŋ de a yɛlɛ tonɔ neŋ toma. Ho taaba meŋ na zɛgɛɛ ba nuure ka ba iri yɛlɛ nɔɛ, azuŋ ho na baŋ narɛɛ ho meŋɛ ka ho iri soorebie awala mine nɔɛ. Ka teneeŋ maŋ de minti kyɛlee, kyɛbee wagre naŋ ba ta lɛ a iri neŋ te yɛlɛ na noɔre, a na yuo la sori ko te taaba meŋ ka ba “ire pugibo sareka korɔ Naaŋmen.”—Hi 13:15.
Yiele: Maŋ de eŋnyagroŋ yiele te Puoruu yiele na. (Ym 147:1) Ka noba yagaŋ be yɛ lantaapuoruu na poɔŋ, aminekaŋaŋ, wagre zaa naane baŋ na toɔ̃ boɔle bo ka ho iri yɛlɛ noɔre, kyɛ ho na baŋ poɔ la ho taaba eŋɛŋ ka yɛ zaa laŋ yieli a yiele. Ka hooŋ teɛre ka ho ba kyile yiele kyeɛbo poɔŋ, kyɛ ka hooŋ moɔrɔ ho moɔbo zaa, Jehoova poɔ maŋ pɛleŋ yaga. (2Ko 8:12) Saŋa na hoŋ naŋ be dieŋ na, ho na baŋ kyɛɛ a yiele a de nare ho meŋɛ ko a lammo.
Ŋmɛ a VIDIO, Te Puoruu Na Takoreŋ Yɛlɛ—Yiele Eɛ Kyɔɔtaa, Kyɛlee 1. Pãã soore a kyɛllekyɛlleba ka:
Saŋa na Jehoova puoruu naŋ wa piili te saŋa ŋa poɔŋ na, wala ka te yɔɔmine na e a de wuli ka yiele baŋ na kyeɛrɛ a de pugiro Jehoova eɛ yelnimizeɛ ko ba?
8. Lantaapuoruu Baabole Zannoo
(Minti 30) bt-E zuri 9 wɛl. 1-7, kyɛlee 3 piilee yɛlɛ, ane daga naŋ be gampɛlee 70
