March 17-23
YENG YELIBIE 5
Yieloŋ 122 ane Puoro | A Piilee Yelyaga (Minti 1)
1. Tage Ho Meŋɛ Yi Peɛ̃mo Toma Poɔŋ Kpɛlɛŋkpɛlɛŋ
(Minti 10)
Te na baŋ tuoree pigrinyɛ ka te de te menne eŋ peɛ̃mo toma poɔŋ (Ye 5:3; w00 7/15 29 wɛl. 1)
Peɛ̃mo toma maŋ de la toɔrɔ waneŋ noba zuŋ (Ye 5:4, 5; w00 7/15 29 wɛl. 2)
Tage ho meŋɛ a yi peɛ̃mo toma poɔŋ kpɛlɛŋkpɛlɛŋ (Ye 5:8; w00 7/15 29 wɛl. 5)
Te yɔɔpɔge kaŋa la zagre ka o de o namba ko pɔlbile kaŋa
2. Baabole Poɔ Yelsonne
(Minti 10)
-
Ye 5:18, 19—Bo yɛlɛ ka Jehoova yeli kyaare gaŋneŋ taa yɛlɛ? (lff zannoo 41 yelzu bile 1)
-
Bo yelsonne hoŋ nyɛ yi a daagbuli ŋa Baabole kannoo na poɔŋ a boɔrɔ ka ho manne ko te?
3. Baabole Kannoo
(Minti 4) Ye 5:1-23 (th-E study 5)
4. Piili Dama Diibu
(Minti 3) GYAMAA POƆ NAAŊ MOƆLOO. Toŋboɔle neɛ kaŋa naŋ ba e Kristabie ka o wa a Leɛteɛroo lammo. Tu jw.org zuŋ a bɔ zie na baŋ na e a lammo peɛle o soba. (lmd zannoo 6 yelzu bile 4)
5. Leɛ Gaa Nyɛ
(Minti 4) DIE NEŊ DIE. A dɛndɛŋ saŋa na ho ne o soba naŋ di dama na, o da deɛ la a Leɛteɛroo toŋboɔle gampɛlee, a lɛ yeli yɛlɛ naŋ wuli ka o poɔ pɛlɛɛ a yɛlɛ. (lmd zannoo 9 yelzu bile 5)
6. Soŋ Ba Ka Ba Leɛ Yezu Potuuribo
(Minti 5) lff zannoo 16 a zannoo yelnimizeere, bo hoŋ zanne, ane yɛlɛ N naŋ na e. A Baabole zannezanna soore boŋ ka Yezu da de la pɔge bee? Somoo ka o toɔ̃ peɛre yɛlɛ o meŋɛŋ a nyɛ a noɔre iribo. (lmd zannoo 11 yelzu bile 4)
Yieloŋ 121
7. Kaara Soŋ A Erɛ Yɛlɛ Naŋ Na Vɛŋ Ka Ho E Forifori Saŋa Na Ho Neŋ Ho Kristabitɔ Naŋ Wa Tuuro Taa
(Minti 15) Dama diibu.
Ka dɔɔ neŋ pɔgeŋ wa yelko taa ka ba boɔrɛɛ taa, a maŋ laŋ erɛ yɛlɛ meŋ, te na baŋ yeliŋ ka ba tuuree taa. Aminekaŋaŋ, ka ba naŋ wa be ba taaba poɔŋ ba maŋ laŋ erɛɛ yɛlɛ, kyɛbee ba na toɔ̃ be la zie noba naŋ nyɛrɛ ba a erɛ yɛlɛ ba yoŋ. Ka ba naŋ boɔrɔ, ba na toɔ̃ yelko la noba mine ka ba tuuree taa, kyɛ ka ba naŋ boɔrɔ ba koŋ e lɛ. Ka ba naŋ dire dama saŋa na baŋ wa nyɛ taa, kyɛbee fone zuŋ, bee a tuuro text message eŋɛŋ, kyɛ a zaa wuleeŋ ka ba tuuree taa. Ka ho neŋ neɛ kaŋaŋ wa piili tuuro taa, a ba seŋ ka ho de a yɛlɛ deɛnɛ neŋ, bonso lɛ eebo eɛ sori hoŋ maŋ tu a boɔrɔ ka ho baŋ o soba velaa. Lɛ na soŋ boŋ ka ho de gbɛre ka ho na kulee o soba. Azuŋ, a yɛlɛ ŋa ba e nimipɛle yɛlɛ, kyɛ a eɛ yelnimizeɛ. Bo yɛlɛ mine la aŋ seŋ ka baapaalba neŋ nembɛrɛ naŋ tuuro taa erɛ, ka lɛ vɛŋ ka ba ta wa derɛ ba menne eŋnɛ peɛ̃mo toma poɔŋ?—Ye 22:3.
Ŋmɛ a VIDIO, Lɛ Hoŋ Na Toɔ̃ E Nare Ho Meŋɛ Sɛre Kyɛ Kpeɛrɛ Kultaa Poɔ—Kyɛlee 1: Wagre Taɛŋ Ka N Neŋ Neɛ Kaŋa Piili Tuuro Taa Bee?—Vidio Kyɛlee. Pãã soore a kyɛllekyɛlleba ka:
-
Bonso aŋ soma yaga zaa ka neɛ maŋ nare o meŋɛ ka o kpɛ kultaa poɔ sɛre kyɛ vɛŋ ka o neŋ neɛ kaŋa piili tuuro taa? (Ye 13:12; Lk 14:28-30)
-
Bo yelsonne hoŋ zanne yi sori na Lily dɔgreba naŋ tu a somoo na?
Kanne Yeng Yelibie 28:26. Pãã soore a kyɛllekyɛlleba ka:
-
Bo ka dɔɔ neŋ pɔge na baŋ e ka lɛ vɛŋ ka ba ta wa be zie kaŋa naŋ na baŋ vɛŋ ka ba toŋ peɛ̃mo toma?
-
Saŋa kaŋa, dɔɔ neŋ pɔge naŋ tuuro taa maŋ boɔrɔŋ ka ba nyɔge taa nuuriŋ a kyɛnɛ, kyɛbee a mugre taa nɔɛ. Bonso aŋ e nimizeɛ ka ba daŋ di dama kyaare a yɛlɛ ŋa saŋa na baŋ wa piili tuuro taa?
Kanne Efesu 5:3, 4. Pãã soore a kyɛllekyɛlleba ka:
-
Ka dɔɔ neŋ pɔge naŋ tuuro taaŋ wa dire dama fone zuŋ bee intanɛt zuŋ, bo yɛlɛ mine la aŋ ba seŋ ka ba de poɔ a dama diibu poɔŋ?
8. Lantaapuoruu Baabole Zannoo
(Minti 30) bt zuri 24 wɛl. 1-6
