Nɔmmo la maŋ tage booree deme peɛle taa. Ka nɔmmoŋ ba kye be, noɔre yeni aneŋ yelwoŋtaa koŋ kye a booree poɔŋ. Sobuoŋ ka serebɛ, pɔgeba aneŋ bidɔgreba na baŋ wuli nɔmmo a booree poɔŋ?

Dɔɔ naŋ taa nɔmmo ko o pɔgɔ maŋ kyɛnlɛɛ o pɔgɔ yelfɛree zieŋ a kyɛ maŋ kyɛnle woŋ o pɔgɔ teɛroŋ. (Ef 5:28, 29) O maŋ kaarɛɛ o yideme eŋganoŋ yelfɛree zieŋ a kyɛ sonna ba baŋ tagra peɛlɛ Jehoova, a maŋ lɛ iri zimaanee kaŋa meŋ baŋ e ba Booree Zannoo. (1Ti 5:8) Pɔgɔ naŋ taa nɔmmo ko o serɛ maŋ sigree o meŋa ko o, a kyɛ “ennɛ o serɛ.” (Ef 5:22, 33; 1Pi 3:1-6) Aseŋ ka kultaa deme e siri ka ba na maŋ diree suuri korɔ taa. (Ef 4:32) Bidɔgreba naŋ nɔnɔ ba biiri maŋ kyɛnlɛɛ ba kaŋa la kaŋa zaa zieŋ a kyɛ wulo ba ka ba nɔnɔ Jehoova. (Du 6:6, 7; Ef 6:4) Bo yelkpeɛne ka bibiiri maŋ tuoro sukuuŋ? Ka ba taabaŋ wa ferɛ ba, wala baŋ na toɔ̃ are a noɔreŋ? Ka nɔmmo na booree deme naŋ taa ko taaŋ wa e kpeɛŋaa, a maŋ vɛmeŋ ka a booree deme zaa taa gumeŋɛ aneŋ zeŋ laafeɛ.

KAA A VIDIO ŊA WULLO NƆMMO NAŊ KOŊ BAŊ BAARE HO BOOREE POƆŊ, KYƐ PÃÃ IRI A SOOREBIE NƆƐ:

• Sobuo ka dɔɔ naŋ nɔŋ o pɔgɔ maŋ wuli ka o yɛlɛ fɛrooŋ a kyɛ kaara o yelfɛree zaa meŋ zieŋ?

• Sobuo ka pɔgɔ naŋ nɔŋ o serɛ maŋ wuli ka o ennɛɛ o serɛ?

• Sobuo ka bidɔgreba naŋ nɔŋ ba biiri maŋ tu kyɛ wulo ba a Baabole?