ZANNE BAŊ A NAAŊ MOƆLOO TOMA SOŊ | NYƐRƐ POPEƐLOŊ YAGA A NAAŊ MOƆLOO TOMA POƆŊ
De Yelmannaa Wuli Yelnimizeere Muni
Ka hoŋ wa leɛ gaa neɛ kaŋa zie, bee a gaa ka yɛ zanne a Baabole, aseŋ ka ho soŋ o soba ka o woŋ a zannoo yelnimizeere muni soŋ. Ka te naŋ de yelmannaa wuli a yelnimizeere ŋa, a na toɔ̃ tɔɛ ba sukyie a kyɛ e mɔlɔ ko ba ka ba leɛteɛre yɛlɛ na te naŋ wuli ba na.
Ka hoŋ wa nara ka ho gaa e leɛ gaa nyɛ bee Baabole zannoo, kaa iri yelnimizeere na ho naŋ boɔrɔ ka ho gaa wuli a muni soŋ na, kyɛ ŋmaa yɛlɛ mine naŋ ba fɛrɛ yaga bare. Lɛ puoreŋ pãã de yelmannaa naŋ kyaare nensaaleba zemmo yɛlɛ a wuli a yɛlɛ muni soŋ. (Mt 5:14-16; Mk 2:21; Lk 14:7-11) Mɔɔ kyɛ baŋ o soba yizie aneŋ o zemmo poɔ yɛlɛ. (Lk 5:2-11; Gyn 4:7-15) Ka hõõ wuluu a yɛlɛ ka o woŋ a muni soŋ, o poɔ na pɛleŋ, ka ho meŋ poɔ pɛle yaga zaa.
KAA A VIDIO ŊA NYƐ POPEƐLOŊ NAŊ BE A NAAŊ MOƆLOO TOMA POƆŊ—NYƐRƐ NIMITƆƆRE GAABO—DE YELMANNAA WULI YELNIMIZEERE MUNI, KYƐ PÃÃ IRI A SOOREBIE NƆƐ:
-
Bonso aŋ seŋ ka te maŋ soŋ te Baabole zannezanneba ka ba woŋ a Baabole muni soŋ?
-
Sobuo ka Neeta de yelmannaa wuli a yelmeŋa naŋ be Urom 5:12 muni soŋ?
-
Yelmannaa naŋ soma maŋ toɔrɛɛ sukyiri
Sobuo ka yelmannaa naŋ soma na toɔ̃ tɔ te kyɛllekyɛlleba sukyie?
-
Bonso aŋ seŋ ka te de a vidiori aneŋ a wulibo tontoŋ boma na Jehoova lantaapuoruu naŋ ko te tona toma a naaŋ moɔloo poɔŋ?
