KRISTABIIRI ZEMMO YƐLƐ
Ho Taaɛ Teɛroŋ Na Jehoova Naŋ Taa Kyaare Bo Na Bee?
‘Jehoova popeɛloŋ maŋ be la o noba eŋɛŋ.’ (Ym 149:4) Aneazaa ka te ba pɛgeyi, kyɛ Jehoova maŋ nyɛrɛɛ gyog-sonne na teŋ taa na, ane yɛlɛ na teŋ na baŋ e. Saŋa kaŋa, a maŋ eɛ kpeɛŋaa ka te nyɛ gyog-sonne na teŋ taa na. Saŋa kaŋa meŋ yɛlɛ na noba mine naŋ e te na baŋ vɛmeŋ ka te teɛre ka te ba taa tɔnɔ zaa. Kyɛbee ka teneeŋ de te teɛroŋ zaa eŋ yelfaare mine te naŋ e saŋa kaŋa naŋ pare eŋɛŋ, a na baŋ vɛmeŋ ka te teɛre ka Jehoova koŋ baŋ nɔŋ te yɛlɛ. Ka teneeŋ wa taa a teɛroŋ ŋa mine, bo yɛlɛŋ na baŋ soŋ te?
Teɛre ka, bon na Jehoova naŋ nyɛrɛ na naane ka nensaaleba maŋ nyɛrɛ. (1Sa 16:7) Lɛ wuleeŋ ka Jehoova na baŋ nyɛɛ gyog-sonne te eŋɛŋ, saŋa na gba te menne naŋ ba nyɛrɛ a gyog-sonne ŋa. A Baabole soŋ teŋ teŋ baŋ teɛroŋ na Jehoova naŋ taa kyaare te. Ka teneeŋ maŋ kanna a Baabole ziiri naŋ wulo lɛ Jehoova naŋ nɔnɔ o noba na, a na baŋ soŋ teŋ yaga zaa.
KAA A VIDIO ŊA, SAGE HO SUKYIRI POƆŊ KA JEHOOVA NƆŊ LA HO YƐLƐ, KYƐ PÃÃ IRI A SOOREBIE ŊA NƆƐ:
-
Boŋ ka a yelmannaa naŋ kyaare a zozoro ane o saa na wulo te a kyaare teɛroŋ na Jehoova naŋ taa kyaare te?
-
Ka neɛ kaŋaŋ e yelfaa kaŋa naŋ e nimizeɛ yaga zaa a kyɛ leɛre o eebo, wala ka o soba na baŋ e sage o sukyiri poɔŋ ka Jehoova nɔmooŋ?—1Gyn 3:19, 20
-
Saŋa na te yɔɔdɔɔ na naŋ da kanne Deevid ane Gyɛhoosafat yɛlɛ na, bo tɔnɔ oŋ da nyɛ?
