Puoro naŋ soma waa ŋa insɛnse nyu-noɔ̃ne na baŋ da maŋ nyege wagre zaa a korɔ Jehoova a ŋmenpuoredieŋ na. (Ym 141:2) Ka teneeŋ wa puore ko te sazu Saa na a yelkoo ka te nɔmooŋ, a kyɛ lɛ puoro o bareka neŋ yɛlɛ na zaa oŋ e ko te na, o poɔ zaaŋ maŋ pɛle. Ka teneeŋ wa yel yɛlɛ naŋ ferɛ te ane te yelboɔree, a sɔroo ka o ko te sowuli, lɛ wuleeŋ ka te de la te ne o zɔmennoŋ na tegroŋ yaga zaa. Puoro na teŋ maŋ puore ŋmaaŋmaa te lammoziiriŋ na meŋ eɛ yelnimizeɛ kaŋa naŋ poɔ te puoruu poɔŋ. Kyɛ, ka hooŋ maŋ mãã ho meŋɛ a nyɛ wagre a ko Jehoova, a yuo ho sukyiri a yel yelzaa naŋ dɔɔnɔ bo a koo, a maŋ vɛmeŋ ka Jehoova poɔ pɛle yaga zaa!​—Ye 15:8.

KAA A VIDIO ŊA, N BA DEƐNƐ NEŊ PUORO YƐLƐ FẼẼ ZAA, KYƐ PÃÃ IRI A SOOREBIE ŊA NƆƐ:

• Apoɔsoe a bobo la ka te Yɔɔdɔɔ Johnson da nyɛ Jehoova puoruu poɔŋ?

• Sobuo ka te Yɔɔdɔɔ Johnson da tu puoro eŋɛŋ kyɛ wuli ka o dɛlɛɛ Jehoova?

• Bo yɛlɛ hoŋ zanne yi te Yɔɔdɔɔ Johnson zemmo yɛlɛ ŋa poɔŋ?