Yezu da yeleeŋ ka, ka teneeŋ yuoro te nu a terɛ boma, te ewuli soŋ na na toɔ̃ vɛmeŋ ka noba mine meŋ yuoro ba nu a terɛ boma. (Lk 6:38) Ka hooŋ maŋ yuoro ho nu a terɛ boma, lɛ na toɔ̃ eŋɛɛ ho yɔɔdɔba ane ho yɔɔpɔgeba faŋa ka ba meŋ yuoro ba nu a terɛ boma.

Boma terebo poɔ la puoruu na teŋ de korɔ Jehoova na poɔŋ. Jehoova baŋɛɛ noba na zaa naŋ maŋ yuoro ba nu a terɛ boma a kyɛ sonnɔ ba Kristabitaaba saŋa na baŋ wa boɔrɔ sommo na. Jehoova eŋɛɛ noɔre ka o na ko baŋ kyɔɔtaa.​—Ye 19:17.

KAA A VIDIO ŊA, YƐ BAREKA NEŊ LƐ NA YƐŊ YUORO YƐ NU A TERƐ BOMA NA, KYƐ PÃÃ IRI A SOOREBIE ŊA NƆƐ:

• Sobuo baŋ maŋ tu kyɛ de libie na hoŋ maŋ iri na sonnɔ ho yɔɔdɔba ane ho yɔɔpɔgeba?

• Ka te kyɔɔtaa naŋ e fẽẽ kyɛbee ka o naŋ e kpoŋ, kyɛ bonso aŋ seŋ ka te naŋ moɔ̃ niŋe a terɛ boma?​—Kanne a yelzu ŋa, “Vɛŋ Ka Yɛ Boma Yaga Taabo E Terebo A Ba Nandaaloŋ Poɔ.” O be la jw.org zuŋ.