November 18-24
YIEME 107-108
Yieloŋ 7 ane Puoro | A Piilee Yelyaga (Minti 1)
1. ‘Yɛ Puore Jehoova Bareka, Bonso O Yɛlɛ Somaŋ’
(Minti 10)
Aŋa lɛ na Jehoova naŋ da faa a Izerayɛl biiri yi neŋ a Baabilɔŋ noba nuuriŋ na, lɛ neŋ o zu la ka Jehoova faa te meŋ a yi Setaana donɛɛ ŋa poɔŋ (Ym 107:1, 2; Kl 1:13, 14)
Bareka puoruu gyogo maŋ eŋ teŋ faŋa teŋ pugiro Jehoova a lantaapuoruu poɔŋ (Ym 107:31, 32; w07 4/15 20 wɛl. 2)
Ka teneeŋ maŋ mãã te menne a maŋ leɛteɛre yelsonne na zaa Jehoova naŋ e ko te na yɛlɛ, a na vɛŋeŋ ka te maŋ yi te sukyie poɔŋ a puoruu bareka (Ym 107:43; w15 1/15 9 wɛl. 4)
2. Baabole Poɔ Yelsonne
(Minti 10)
-
Ym 108:9—Bo saŋa ka a Baabole sɛgre ŋa da nyɛ eebo? (it-2 420 wɛl. 4)
-
Bo yelsonne hoŋ nyɛ yi a daagbuli ŋa Baabole kannoo na poɔŋ a boɔrɔ ka ho manne ko te?
3. Baabole Kannoo
(Minti 4) Ym 107:1-28 (th-E study 5)
4. Piili Dama Diibu
(Minti 3) MOƆLƆ A DUORISOŊ ZIE ZAA HO NAŊ BE. (lmd zannoo 1 yelzu bile 4)
5. Leɛ Gaa Nyɛ
(Minti 4) MOƆLƆ A DUORISOŊ ZIE ZAA HO NAŊ BE. Manne te Baabole zannoo na yɛlɛ ko o soba, de a Baabole zannoo gampɛl-bile na meŋ koo. (lmd zannoo 9 yelzu bile 3)
6. Yelyaga
(Minti 5) ijwyp-E 90—Yelzu: Wala Maŋ Na Toɔ̃ E A Iri Teɛroŋ Faare Yi N Teɛroŋ Poɔŋ? (th-E study 14)
Yieloŋ 46
7. Te Maŋ Tu La Yiele Yieluu Eŋɛŋ A Puoro Jehoova Bareka
(Minti 15) Dama diibu.
Saŋa na Jehoova naŋ da faa a Izerayɛl biiri yi neŋ a Igyipiti sogyare nuuriŋ a Maŋzeɛ̃ poɔŋ na, a Izerayɛl biiri poore zaaŋ da pɛle baŋ da piili yiele yiele pugiro Jehoova. (Yi 15:1-19) A dɔba la da de weɛ a piili yiele a yieloŋ paalaa ŋa. (Yi 15:21) Yezu neŋ a dɛndɛŋ Kristabiiri na da maŋ yielee yiele a pugiro Naaŋmen. (Mt 26:30; Kl 3:16) Ka teneeŋ wa gaa te lammore, te lammobilii, ane te lammobɛrɛ na, te meŋ maŋ yielee yiele a pugi Jehoova. A eɛ sori kaŋa teŋ na baŋ tu a puoruu bareka. Aŋa mannoo poɔŋ, a yieloŋ na teŋ yiele baare pampana na yelzu la, “Te Puore Boŋ Bareka Jehoova.” A yi yuoni 1966 saŋa zaa teŋ maŋ yiele a yieloŋ ŋa te lammoziiri naŋ.
Noba mine sããkommyɛlɛ zuŋ, vi maŋ erɛɛ dɔba ka ba yieli neŋyaga poɔŋ. Dɔba neŋ pɔgeba mine meŋ maŋ teɛreŋ ka ba kɔkɔɛ ba noma, azuŋ a maŋ eɛ kpeɛŋaa ko ba ka ba duore ba kɔkɔɛ a yiele ka a yire. Kyɛ, aseŋ ka te leɛteɛre ka yiele na teŋ maŋ yiele te lammoziiri na poɔ la puoruu na teŋ de korɔ Jehoova na poɔŋ. Jehoova lantaapuoruu na maŋ toŋ la tonkpeɛne a maale yiele naŋ noma, a lɛ mãã ba menne a maŋ kaa iri yiele na teŋ na yiele te lammore na zieŋ. Azuŋ, yɛlɛ aŋ seŋ ka te e la ka, te zɛge te kɔkɔɛ ka a do, a yi te sukyie poɔŋ a yiele yiele pugiro te sazu Saa na.
Ŋmɛ a VIDIO, Te Puoruu Na Takoreŋ Yɛlɛ—Yiele Eɛ Kyɔɔtaa, Kyɛlee 2. Pãã soore a kyɛllekyɛlleba ka:
-
Bo yelnimizeɛ la da e yuoni 1944?
-
Wala ka te yɔɔmine naŋ da be Siberia paaloŋ na da e a de wuli ka ba nɔŋɛɛŋ ka ba maŋ yiele te Puoruu yiele na?
-
Bonso ka yiele yieluu e yelnimizeɛ yaga zaa ko Jehoova Sieree Deme?
8. Lantaapuoruu Baabole Zannoo
(Minti 30) bt zuri 18 wɛl. 6-15
