Ho poɔ pɛle neŋ la a vidiori neŋ a soorebie naŋ be a Nyɛ Zeŋ Laafeɛ Tegitegilɛ! gane na poɔŋ bee? Ka a “Noba Mine Maŋ Yeleŋ Ka,” “Yɛlɛ N Naŋ Na E,” ane “Yɛlɛ Mine Naŋ Lɛ Bebe” ziiri na meŋ? Bo yɛlɛ mine la be a gane poɔŋ a na baŋ lɛ soŋ bo saŋa na hoŋ wulo noba ka ba wa e Yezu potuuribo na?​—Mt 28:19, 20.

Media Boma: Ka hooŋ de a gane na baŋ printi na ka ho neŋ neɛ kaŋa zanna a Baabole, wala hoŋ na toɔ̃ e nyɛ a vidiori ane a media boma ziyeni kaŋaŋ? Ka a ganeŋ be ho fone zuŋ, kaa iri a kyɛlee anaare na kaŋa. Ka hooŋ kaa zie na baŋ sɛge a zannoo yelzuri zaa eŋ muni zie na, ho na baŋ tɔ la be a nyɛ a na kyɛlee na media boma zaa. (Kaa a foto 1.)

“Printed Edition” zie na: Ka hooŋ tage a gane eŋ ho fone zuŋ, ka ho neŋ neɛ kaŋa zanna, ka hooŋ boɔrɔ, ho na baŋ de la a “Printed Edition” zie na toŋ neŋ toma a zannoo poɔŋ. Ka hooŋ wa yuo a zannoo zie, tɔ a tɔmmie ata naŋ be a fone sazu nuduloŋ seŋ na, ka a bomaŋ wa yi, kaa iri “Printed Edition.” A “Printed Edition” na baŋ soŋ boŋ ka ho nyɛ lɛ a zannoo yelzu bilii neŋ a zannoo naŋ kyaare taa. Ka hooŋ boɔrɔ ka ho leɛroo gaa a digital edition, lɛ tɔ a tɔmmie ata naŋ be a fone sazu nuduloŋ seŋ na, ka a bomaŋ wa yi, kaa iri “Digital Edition.”

“N Eɛ Siri Bee?”: A dagre naŋ be a gane ŋa baaraa zie na wulee yɛlɛ neɛ naŋ seŋ ka o erɛ a toɔ̃ piili moɔlɔ a duorisoŋ, bee a de suobu. (Kaa a foto 2.)

Yɛlɛ Mine Ba Naŋ Wuli A Muni: A zie ŋa maŋ wulee a zannoo yelnimizeere mine muni gaa tɔɔre. Ka a ganeŋ be ho fone zuŋ, link kaŋa bebeŋ hoŋ na baŋ tɔ ka o leɛ de bo gaaneŋ a zannoo zie na hoŋ da be na. (Kaa a foto 2.)