Ho toɔ̃ kannɛɛ a yuoni ŋa Kaakaara Ziduoruu gama na zaa? Te nyɛ ka ho na baŋ leɛteɛrɛɛ a soorebie ŋa nɔɛ iribo bee:

Bo ewuli soŋ ka Jehoova e wuli te a kyaare gyogo a naŋ seŋ ka te taa kyaare pɔgeba?

O ba wɛlɛ ba bara, o ba maŋ erɛ yɛlɛ mine korɔ dɔbɔ yoŋ a kyɛ ŋmaa pɔgeba bare. Naaŋmen maŋ kyɛlle woŋee pɔgeba ka ba naŋ wa yele yɛlɛ, o maŋ boɔrɔŋ ka o baŋ yɛlɛ naŋ be ba sukyieŋ ane yɛlɛ naŋ dɔnnɔ ba. O sage baŋ di, a maŋ ko ba toma ka ba tonɔ.—w24.01, gam. 15-16.

Wala teŋ na baŋ e a de yɛlɛ naŋ be Efesu 5:7 toŋ neŋ toma, be yelka: “Yɛ ta wa derɛ yɛ nuure poɔrɔ ba yel-eree na eŋɛŋ”?

A bitontona Pɔɔl kpããna teŋ ka te ta lanna neŋ noba naŋ na vɛŋ ka a e kpeɛŋaa ko te ka te tuuro Naaŋmen sowuli. A noba ŋa na baŋ eɛ noba te neŋ ba naŋ maŋ nyɛrɛ taa a dire dama bee noba te neŋ ba naŋ maŋ dire dama intanɛt zuŋ.​—w24.03, gam. 22-23.

Bo ziri-ŋma yɛlɛ la aŋ seŋ ka te go te mine yi a eŋɛŋ?

Ka te zɔmenne mineŋ wa de duoro te naŋ ba baŋ zie na a naŋ yi toɔle te, ka noba mine te naŋ ba baŋ wa toɔle email a ko te, bee ka nɔzagrebaŋ wa erɛ ŋa ba naŋ boɔrɔ ka ba kyɛlle woŋ a duorisoŋ kyɛ boɔrɔ ka ba tu lɛ eŋɛŋ a bɛnle te, aseŋ ka te kaara te menne soŋ.—w24.04, gam. 12.

Bo yɛlɛ teŋ baŋ, ka bo yɛlɛ teŋ ba baŋ a kyaare lɛ na Jehoova naŋ na di Naa Soolomoŋ ane noba na zaa naŋ da kpi Sodom ane Gomora, ane noba na naŋ da kpi a Kɔmpiiri poɔŋ na sɛrɛɛ?

Te ba baŋ ka Jehoova sãã baŋ kpɛlɛŋkpɛlɛŋ ka ba koŋ lɛ nyɛ nyɔvore bee ka ba na lɛ nyɛɛ nyɔvore. Kyɛ te baŋɛɛŋ ka, o baŋɛɛ a yɛlɛ zaa naŋ bebe a taa nembazo meŋ yaga zaa.—w24.05, gam. 3-4.

Naaŋmen naŋ e “a Pi-kpɔgree” na, bo yɛlɛ oŋ eŋ te noɔre? (Dut. 32:4)

Te na baŋ bɔ la sɔgle zie a yi Jehoova zie. Te na baŋ dɛlooŋ wagre zaa, o maŋ paalɛɛ o nɔ-ennee zaa meŋ. O ba leɛrɛ, o ba leɛrɛ o gyogri ane o poboɔbo yɛlɛ.—w24.06, gam. 26-28.

Boŋ na baŋ soŋ bo ka ho toɔ̃ taa popeɛloŋ ka hooŋ wa gaa lantaapuor-paalaa kaŋa?

Dɛle Jehoova, o na soŋ boŋ aŋa lɛ oŋ da soŋ o puorebiiri saŋa kaŋa naŋ pare na. Ta de lantaapuoruu na poɔ hoŋ da be na manna lantaapuor-yuo na hoŋ gaa na. De ho meŋɛ poɔ a lantaapuoruu poɔŋ, mɔɔ kyɛ nyɔge zɔmeŋ-paala.—w24.07, gam. 26-28.

Boŋ teŋ na baŋ zanne yi a yelmannee ata naŋ be Matio zuri 25 poɔŋ?

A yelmannaa naŋ kyaare a peere ane a boore na soŋ teŋ teŋ nyɛ lɛ aŋ e nimizeɛ ka te dire yelmennoŋ. A yelmannaa naŋ kyaare a pɔgeba naŋ ba baŋ dɔbɔ naŋ e yɛmbaŋneba ane bana na naŋ ba baŋ yɛŋ na soŋ teŋ teŋ nyɛ lɛ a naŋ e nimizeɛ ka te nare te manne soŋ a kyɛ kaara velaa. Ka a yelmannaa naŋ kyaare a talɛntere na meŋ soŋ te teŋ nyɛ lɛ aŋ e nimizeɛ ka te maŋ tonɔ tonkpeɛne neŋ nimizeeloŋ.​—w24.09, gam. 20-24.

Wala ka a ŋmenpuoredie na Soolomoŋ naŋ da mɛ na varanda da do seŋ?

A yi 2 Tungkori 3:4 poɔŋ, takoreŋ saŋa sɛgre mine yeleeŋ ka o wogloŋ ta la “kubitiri 120,” lɛ wuleeŋ ka a varanda da eɛ wogi ta mitare 53 (gbɛɛ mannoo 175). Kyɛ gama mine meŋ naŋ be dɛlebo yeleeŋ ka “kubitiri 20,” lɛ wuleeŋ ka o wogloŋ eɛ mitare awae (gbɛɛ mannoo 30). Lɛ na a die dankyime yɛloŋ naŋ da seŋ na, a na baŋ eɛ yelmeŋɛ ka a die varanda wogloŋ da eɛ kubitiri 20.—w24.10, gam. 31.

Ka ba naŋ yelka a lantaapuoruu nembɛrɛ sonneba taa ‘pɔge bonyeni,’ wala ka lɛ wuli? (1 Tim. 3:12)

Lɛ wuleeŋ ka o de la pɔge bonyenaa yoŋ oŋ e o pɔge, kyɛ ba saana kultaa meŋ. O ba maŋ erɛ yɛlɛ korɔ pɔge zaala zaa meŋ aŋ waa ŋa oŋ boɔroo.—w24.11, gam. 19.

Ananso la wala ka yɛlɛ na naŋ da e baŋ sɛgaa eŋ Gyɔɔn 6:53 ba e sori te naŋ maŋ tu kyɛ e a Daana Zimaanee Bondirii?

Gyɔɔn 6:53 da yelee ananso a naŋ seŋ ka noba mine ɔɔ Yezu eŋnɛne a kyɛ nyu o zĩĩ. Yezu da yelee a yɛlɛ ŋa yuoni 32 Y.W.P. Galili paaloŋ a ko Gyuumine naŋ da seŋ ka ba taa sagediibu o eŋɛŋ. Kyɛ a yɛlɛ ŋa da eɛŋ yuoni gbuli puoriŋ, sɛre kyɛ ka Yezu pãã da e a Daana Zimaanee Bondirii Gyɛruzɛlɛm poɔŋ. Yezu da yelee yɛlɛ ko noba na o neŋ ba naŋ na laŋ di naaloŋ sazuŋ na.—w24.12, gam. 10-11.