A ba maŋ e mɔlɔ lɛ ka te leɛteɛrɛ yɛlɛ na te naŋ zanne na. Kyɛ a maŋ eɛ mɔlɔ lɛ ka te leɛteɛre yɛlɛ na Yezu naŋ da wuli te na yaga zie zaa, bonso o da maŋ de la yelmannee tonɔ neŋ toma. Te maŋ toɔ̃ ŋmaa la yɛlɛ na oŋ da yel na foto te teɛroŋ poɔŋ aŋ soŋ te teŋ leɛteɛre yɛlɛ na o naŋ da yel na. Lɛ meŋ aŋ na baŋ e mɔlɔ ko te ka te leɛteɛre yɛlɛ te naŋ zanna na ka teneeŋ maŋ ŋmaa a yɛlɛ foto te teɛroŋ poɔŋ. Boŋ na baŋ soŋ bo ka ho e lɛ? Maŋ drɔɔ yɛlɛ na ho naŋ zanna na.

Ka nobaŋ wa zanne yelpaala kaŋa a drɔɔ a lɛ yɛlɛ na, a maŋ eɛ mɔlɔ ko ba ka ba leɛteɛre yɛlɛ na ba naŋ zanne na. Ka ba naŋ wa e lɛ, yelbie na ba naŋ zanne na yoŋ naane baŋ maŋ leɛteɛre, kyɛ a maŋ soŋ baŋ baŋ baŋ a yelnimizeere zaa naŋ be a zannoo poɔŋ soŋ. Kyɛ lɛ ba wuli ka ba maŋ drɔɔlɛɛ a boma aŋ veɛlɛ yaga zaa, kyɛ ba maŋ drɔɔlɛɛ yɛlɛ naŋ na soŋ ba ka ba leɛteɛre yɛlɛ na ba naŋ zanne na. Kyɛ a yɛlɛ ŋa na baŋ soŋɛɛ neŋnyaane yaga zaa ka ba leɛteɛre yɛlɛ ba naŋ maŋ zanna.

Ka hooŋ wa zanna boma, maŋ mɔɔ kyɛ drɔɔ yɛlɛ na ho naŋ zanna na. A na e boŋ seɛlee ane lɛ a naŋ na soŋ bo yaga zaa ka ho toɔ̃ leɛteɛre yɛlɛ na zaa ho naŋ zanne na!