Watchtower Bible and Tract Society of New York, Inc. deme, kuŋ de yɛlɛ fo naŋ sɛge kyaare fo meŋa wɛbsait ŋa poɔŋ e neŋ yelzaa, see bonna zuŋ fo naŋ de a tere yoŋ. Watchtower Bible and Tract Society of New York, Inc. deme, daŋ Kuŋ de fo meŋa yɛlɛ ku neazaa, see ka ba eŋ bo duoro sɛre ka fo naŋ wa sage, bee ka ba baŋ ka, a na yɛlɛ na tu la sori ka lɛ kuŋ de dɔgroŋ zaa wane fo zie. Fo meŋa yɛlɛ zaa fo naŋ de tere ba kuŋ de a buorɔ ne lebie bee a dire daa sori zaa poɔŋ.

Te na tu la a e-mail Aderɛse fo naŋ de ku te saŋa na fo na da buorɔ ka fo yuo zie a maŋ tu kpɛ a wɛb sait ŋa na, kyɛ kurɔ bo duoro. Te de ka, fo enne la fo yuori bee fo passwɛd fo naŋ maŋ de kpɛ ne a intanɛt tomazie a buorɔ ka te soŋ bo ka fo tõɔ yuo kpɛ, te na de la a sommo ŋa tu ne a e-mail Aderɛse fo naŋ de ku te na.

Cookies e la zie naŋ na baŋ soŋ fo ka fo tõɔ yuo gaa ziiri mine fo naŋ buorɔ a jw.org poɔŋ. Te de ka, fo buorɔ la kɔkɔre kaŋa, wagre zaa ka fo naŋ wa yuo a jw.org ka o de bo gaa ne a kɔkɔre na wɛb sait, fo na baŋ sɛge la a na kɔkɔre na eŋ a cookie poɔŋ. Neazaa kuŋ tõɔ nyɛ bee tage fo yɛlɛ yi beŋ.

Jw.org deme de la JavaScript bee Scripting tona ne toma a de sonna ka a Intanɛt Tomazie tona soŋsoŋ. JavaScript maŋ soŋ la nea ka o naŋ wa gaa jw.org Tomazie ka o tõɔ nyɛrɛ bomma o naŋ buorɔ wieoŋwieoŋ. Jw.org ba tuuro scripting ŋa eŋaŋ kyɛ dera program enna nea kompiita poɔŋ bee a tagra yɛlɛ mine yire nea zieŋ ka lɛ ba tu sori.

Lɛ naŋ na vɛŋ ka jw.org ziiri mine tõɔ tona soŋsoŋ, aseŋ ka fo yuo a JavaScript ka o tona fo kɔmpiita poɔŋ. Intanɛt tomaziiri mine maŋ tere la sori, ka fo na tõɔ vɛŋ ka a JavaScript tona bee ka fo kpinne o. Ka fo naŋ kaa te Intanɛt Tomazie, fo na nyɛ na lɛ fo naŋ na e ka a JavaScript tona bee ka fo kpinne o.

Ka a naŋ wa seŋ ka te leɛre yɛlɛ mine a kyaare lɛ te naŋ de fo meŋa yɛlɛ a tonne toma a wɛbsait ŋa poɔŋ, te na de la a duoro eŋ a zie ŋaŋ ka fo nyɛ yɛlɛ te naŋ buorɔ yi fo zie ane lɛ te naŋ na de a tonne toma.