Peɛre te lammore yɛlɛ. Bɔ nyɛ a lammo zie kaŋa naŋ peɛle bo.

Daagbuli zaa poɔŋ, Jehoova Sieree Deme maŋ laŋɛɛ taa gbɛre buyi a puore Naaŋmen. (Hiburu 10:24, 25) Neɛzaaŋ na toɔ̃ wa a lammo. A lammore ŋa zieŋ, te maŋ zannɛɛ a Baabole poɔ yɛlɛ a kyɛ lɛ zanne lɛ teŋ na baŋ de a Baabole wulibo tonɔ neŋ toma te zemmo poɔŋ.

Aŋa lɛ ba naŋ maŋ zanna boma sakuu poɔŋ ka neɛzaa na baŋ de o meŋɛ eŋ a zannoo poɔŋ na, ka hooŋ wa te lammozie na, ho na baŋ deɛ ho meŋɛ eŋ a zannoo poɔŋ ka hooŋ boɔrɔ. Te maŋ de la yieloŋ ane puoro piili a kyɛ baare neŋ a lammo kaŋa zaa.

Ka hooŋ ba e Jehoova Sieree Deme kaŋa gba, kyɛ ho na toɔ̃ wa la te lammore na. Te maŋ tonɔ boɔlɛɛ neɛzaa ka ba wa. A ba seŋ ka ho yɔɔ libie kyɛ ka ba ko bo zeŋ zie. Te ba deɛrɛ kɔlɛsin meŋ.