1 Thesalonika 3:1-13
3 Haawe, pine laka, thatreine hmaca kö huni itreqe, hne huni hna mekune ka hape, loi e tro huni a lapa e Athenai,
2 me upi Timoteo, trejin me eahun nge hlue* i Akötresie pine la maca ka loi göi Keriso, matre akeukawane me acatrene* la lapaune i nyipunie.
3 Qa ngöne lai, tha tro kö a enienijë* ketre hnene la itupathe celë. Ke atre hnyawa hi nyipunie ka hape, pëkö ka atreine neëne* la itre itupathe ka tune la.
4 Ke ame lo ce eahuni me nyipunie, hne huni hna majemine canga thuemacanyi nyipunie ka hape, tro hë së a melëne la itre itupath, nge enehila, öhne hë nyipunie.
5 Haawe, pine laka thatreine hmaca kö ni itreqe, eni a upi Timoteo koi nyipunie matre atre jë ni la aqane mele nyipici i nyipunie. Ke maine jë, hnene la Atre Itupath hna tupathi nyipunie, nge gufa ha lo itre trengecatre hun.
6 Ngo Timoteo hi la a bëeke fë la itre maca ka loi qaathei nyipunie, ene la aqane mele nyipici me ihnimi nyipunie. Öni angeice fe ka hape, mekune pala kö nyipunie lo emingömingöne lo ca lapa së, memine la trenge aja i nyipunie troa iöhnyi hmaca me eahun, nge casi hi la aja së.
7 Qa ngöne lai ange trejin, ngöne la nöjei akötr* me itupathi hun, kola akeukawanyi hun hnene la aqane mele nyipici i nyipunie.
8 Ke maine tro nyipunie a cile catre göi Joxu, celë hi ka troa aegöcatrenyi* hun.
9 Haawe, tro huni a olene tune kaa koi Akötresie pi nyipunie, me pine la madrine huni göi nyipunie?
10 E lai me jidr, eahuni pala hi a xëwe* koi Akötresie troa iöhnyi* hmaca me nyipunie, matre nyixane la lapaune i nyipunie.
11 Enehila, epi tro la Akötresie nge Keme së, me Iesu Joxu së a fe gojenyi hun, matre iöhnyi hmaca jë huni me nyipunie.
12 Nge epi tro la Joxu së a akökötrene me amanane thei nyipunie la ihnim, ihnimi ketre koi ketre, me koi nöjei atr asë, tune la aqane kuca huni koi nyipunie.
13 Qa ngöne lai, tro hë nyidrëti a kuca matre tro la itre hni i nyipunie a egöcatr, me pë ethan, me hmitrötr qëmekene la Akötresie me Keme së, ngöne la ijine celë hë Iesu Joxu së, me itre atre i nyidrë ka hmitrötr.
Itre mekun ecahu fen
^ Maine jë, “itre sine ce huliwa i Akötresie.”
^ Maine, “aegöcatrenyi nyipunie.”
^ Ger., “kötrekötrën.”
^ Maine, “hna nue së kow.”
^ Ger., “aja ka nyipiewekë.”
^ Ger., “amele hun.”
^ Maine, “treije fë.”
^ Ger., “la iqëmeke i nyipunie.”
