3 Ioane 1:1-14
1 Qaathene lo qatr koi Gaio hnimina, lo hnenge hna hnime catrën.
2 Sineenge hniminang, eni a thithi matre tro pala hi eö a tro loi ngöne la nöjei ewekë, me egöcatr, tune la aqane lolo i eö* enehila.
3 Ke eni a madrin atraqatr la kola traqa hnene la itre trejin, me anyipicin la aqane xölehuje eö la nyipici, nge eni a madrin laka, eö pala hi a tro ngöne la nyipici.
4 Pëkö madrinenge* ka tru hune la: ene la troa drenge ka hape, itre neköng a catre trongëne la nyipici.
5 Sineenge hniminang, eö a amamane la aqane nyipici i eö ngöne la itre huliwa i eö kowe la itre trejin, ngacama itre trenyiwa angatr.
6 Ame hnei angatre hna anyipicine la ihnimi eö qëmekene la ekalesia. Haawe eni a sipo eö, e tro angatr a tro qaathei eö, upi angatre hnyawa jë thenge la ka amadrinë Akötresie.
7 Ke pine la ëje i nyidrë matre angatr a tro, me tha kepe ewekë qaathene la itre atrene la itre nöj.
8 Celë hi kepin matre qa së troa kepe angatr, qa ngöne lai, tro hë sa itre ka ce huliwa ngöne la nyipici.
9 Ase hë ni cinyihane la ketre ewekë kowe la ekalesia, ngo hnei Dioterefe, lo atre pi lapane la göhnë ka sisitria, hna xele ma metrötrëne me kapa la nöjei ewekë qaathe hun.
10 Celë hi matre, e traqa jë ni, tro hmaca ni a amekunëne la itre huliwa i angeic, ene la hna silitrengathoi hun.* Ngo tha eje hmekuje kö lai, xele angeic ma kapa hnyawa la itre trejin me metrötrë angatr, nge ame la kola pi kepe angatr hnei itre xan, goi thele fe angeic troa sewe angatr, me upi angatr tröne la ekalesia.
11 Sineenge hniminang, the nyitipune kö la ka ngazo, ngo nyitipune jë la ka loi. Ame la atre kuca la loi, qaathei Akötresieti angeic. Ngo ame la atre kuca la ngazo, tha öhnyi Akötresieti kö angeic.
12 Ngo ame Demetio, hna qaja aloin hnei nöjei atr, me hnene la nyipici. Eje hi, eahuni fe a qaja aloinyi angeic, nge atre hi eö ka hape, ka nyipici la hne huni hna qaja.
13 Nyimu ewekë pala kö nyine tro ni a cinyihane koi eö, ngo xele ni ma qaja jëne tim ne cinyiany me peen.
14 Ngo eni pe a mejiune troa canga iöhnyi me eö, nge tro hë nyiso a ithanata iqëmekë.
Epi eje thei eö la tingeting.
Itre sinee e celë a upe la ibozu i angatr koi eö. Nge tro fë jë la ibozung kowe la itre sinee e cili, angatr isa ala cas.
Itre mekun ecahu fen
^ Ger., psy·kheʹ. Wange ju la HQP.
^ Maine jë, “kepin troa ole.”
^ Ger., “xöjetriji hun.”
