Mataio 1:1-25
1 Tus ne la pengö* i Iesu Keriso,* nekö i Dravita, nekö i Aberahama:
2 Aberahama la keme i Isaaka;Isaaka la keme i Iakobo;Iakobo la keme i Iudra me itre trejin me angeic;
3 Iudra la keme i Farez me Zera qaathei Tamara;Farez la keme i Ezerona;Ezerona la keme i Ram;
4 Ram la keme i Aminadaba;Aminadaba la keme i Naasona;Naasona la keme i Salemona;
5 Salemona la keme i Boaza qaathei Rahaba;Boaza la keme i Obeda qaathei Rutha;Obeda la keme i Iese;
6 Iese la keme i Dravita joxu.Dravita la keme i Solomona qaathene lo föi Uria;
7 Solomona la keme i Reoboama;Reoboama la keme i Abia;Abia la keme i Asa;
8 Asa la keme i Iehosafata;Iehosafata la keme i Iorama;Iorama la keme i Uzia;
9 Uzia la keme i Iotham;Iotham la keme i Ahaza;Ahaza la keme i Hezekia;
10 Hezekia la keme i Manase;Manase la keme i Amona;Amona la keme i Iosea;
11 Iosea la keme i Iekonia me itre trejine me angeic, lo ijine lapa trenyiwa* e Babulona.
12 Thupene la hna lapa trenyiwa e Babulona, Iekonia la keme i Sealetiela;Sealetiela la keme i Zerubabela;
13 Zerubabela la keme i Abiudra;Abiudra la keme i Eliakima;Eliakima la keme i Azora;
14 Azora la keme i Sadoka;Sadoka la keme i Akeimo;Akeimo la keme i Eliudra;
15 Eliudra la keme i Eleazara;Eleazara la keme i Mathana;Mathana la keme i Iakobo;
16 Iakobo la keme i Iosefa föi Maria, atre hnaho Iesu, lo hna hëne ka hape, Keriso.
17 Ame la nöjei xötr atr qaathei Aberahama uti hë Dravita, tre 14 lao xötr; qaane Dravita uti hë la kola lapa trenyiwa e Babulona, tre 14 lao xötr; qaane la kola lapa trenyiwa e Babulona uti hë Keriso, tre 14 lao xötr.
18 Ngo hane hi la ka traqa lo kola hnaho Iesu. Ame ngöne la ijine cili, ase hë othi Maria thine i Iesu troa föi Iosefa, nge upune hë angeic hnene la uati hmitrötr* qëmekene tro nyidroti a faipoipo.
19 Ngo, ame Iosefa föi angeic, tre ketre thupëtresij ka meköt, nge tha aja i angeice kö troa ahmahmanyi Maria qëmekene la itre atr, matre hnei angeice hna pi sei hna cile juetrë.*
20 Thupene hë la hna mekune la itre ewekë celë, hanawang! Mama pi hi la angela i Iehova* koi angeic ngöne la pu, me hape: “Iosefa, nekö i Dravita, the xou kö troa xomi Maria kowe la hnalapa i eö, ke, ame la hnei angeic hna troa hnahon, tre, qaathene la uati hmitrötr.
21 Tro angeic a hnahone la nekönatre trahmany, nge tro eö a ati ëjen, Iesu,* ke, tro nyën a thapa la itre atr qa ngöne la ngazo.”
22 Kola traqa la nöjei ewekë celë matre eatrëne la itre hna qaja amë ekö hnei Iehova,* jëne lo perofeta i nyidrë, kola hape:
23 “Hanawang! Troa upune la nyipi jajiny,* me hnahone la nekönatr trahmany, nge tro ha ati ëje i nyën Emanuela,” kola hape, “Akötresieti The Së.”
24 Ame hnei Iosefa hna hlë, me kuca thenge la hna amekötine hnene la angela i Iehova,* me xome la föe kowe la hnalapa i angeic.
25 Ngo tha hnei angeice kö hna ce meköle me föi angeic, uti hë la kola hnahone la nekönatre trahmany, nge angeic a ati ëje i nyën ka hape, Iesu.
Itre mekun ecahu fen
^ Maine, “xötrapan.”
^ Maine, “Mesia; Hna Iën.”
^ Maine, “po.”
^ Maine, “men.” Wange ju la HQP.
^ Thei angetre Iudra, ame la trahmanyi ka othe la ketre föe, tre, ka faipoipo hë.
^ Kola xötrei mama la ëje i Akötresie, ene Iehova, e celë ngöne la Itre Hna Cinyihane Qene Geres. Nge ngöne la Tusi Hmitrötr celë, kola e la 237 lao ijine kola mama ej. Wange ju la HQP.
^ Ka xulu qa ngöne la ëjene qene Heberu, Iesua maine Iosua, kola hape, “Iehova la iamele.”
^ Wange ju la HQP.
^ Kola hape, tha ka ce meköle pala kö me trahmany.
^ Wange ju la HQP.
