Pane Tus i Aqane Lapa Itre Joxu 9:1-44
9 Hna fejan asë la ëjene la nöjei atre Isaraela hnine la itusi ne la itre xötr atr, nge hna amë fe hnine la Itusi Ne La Itre Joxu Ne Isaraela. Nge hna xome la itre atrene Iudra a tro Babulona nöje trenyiwa, ke tha hnei angatre kö hna mele nyipici.
2 Ame la itre ka pane bëeke kowe la zi angatr, me traone i angatr, ke itre xa angetre Isaraela, me itre atre huuj, me angetre Levi, me itre ka huliwa* hnine la uma ne hmi.
3 Nge hnene la itre xa matra i Iudra, me Beniamina, me Eferaima, me Manase, hna lapa e Ierusalema, ene:
4 Uthai nekö i Amihuda, nekö i Omeri, nekö i Imeri, nekö i Bani thene la itre matra i Farez, nekö i Iudra.
5 Nge thene la itre matra i Silo ke: Asaia la ka tru, me itre nekö i angeic trahmany.
6 Nge thene la itre nekö i Zera: Ieiela, me 690 lao trejin me angatr.
7 Nge thene la itre matra i Beniamina: Salu nekö i Mesulama, nekö i Hodavia, nekö i Hasenua,
8 me Ibeneia nekö i Ierohama, me Ela nekö i Uzi nekö i Mikeri, me Mesulama nekö i Sefatia, nekö i Reuela, nekö i Ibeneia.
9 Nge thenge la itre itus ne la itre xötr atr, hna e la 956 lao trejin me angatr. Itre tixe ne lapa* asë hi angatr.
10 Nge thene la itre atre huuj: Iedaia, me Iehoiarib, me Iakina,
11 me Azaria nekö i Hilekia, nekö i Mesulama, nekö i Zadoka, nekö i Meraioth, nekö i Ahituba, atre ka tru hnine la uma ne hmi ne la nyipi Akötresie,
12 me Adaia nekö i Ierohama, nekö i Pasur, nekö i Malekia, me Maseia nekö i Adiela, nekö i Iazera, nekö i Mesulama, nekö i Mesilemoth, nekö i Imer.
13 Nge ame la itre trejin me angatr, itre tixe ne lapa, ala 1760 lao trahmanyi ka catr nge ka atreine huliwa, itre ka itreqe troa kuca la huliwa hnine la uma ne hmi ne la nyipi Akötresie.
14 Nge thene la angetre Levi: Semaia nekö i Hasuba, nekö i Azerikam, nekö i Hasabia, itre ka fetra asë qaathei Merari,
15 me Bakebakara, me Heres, me Galal, me Matania nekö i Mika, nekö i Zikeri, nekö i Asafa,
16 me Obadia nekö i Semaia, nekö i Galal, nekö i Ieduthun, me Berekia nekö i Asa, nekö i Elekana, atre lapa ngöne la hunahmi i angetre Netofa.
17 Nge hane hi la itre ka thupë qëhnelö: Saluma, me Akub, me Talemon, me Ahiman. Nge ame Saluma, ketre atrene la fami i angatr, tixe i angatre hi lai.
18 Ame ekö, hna acili angeic ezine la qëhnelö ne la joxu, ngöne la götrane koië. Angatre hi la itre ka thupë qëhnelö ngöne la lapa i angetre Levi.
19 Saluma la nekö i Kore, nekö i Ebiasafa, nekö i Kora. Nge ame la itre trejin me angeic, casi hi la lapa i angatr, angetre Kora. Angatre hi la itre tane la itre ka thupë qëhnelö ne la itat. Nge qa ne la itre keme i angatr ekö troa thupëne la lapa i Iehova, ene la troa thupë qëhnelö.
20 Fineasa nekö i Eleazara lo tane i angatr ekö, nge hnei Iehova hna ce me angeic.
21 Zakaria nekö i Meselemia lo ka thupë qëhnelö ne la itat ne icasikeu.
22 Ame la itre hna iën troa thupëne la itre qëhnelö, ala 212 angatr, nge angatr a lapa ngöne la itre traon, thenge la hna sija ngöne la itre itus ne la itre xötr atr. Hnei Dravita me Samuela, lo atre qeje pu,* hna acili angatr ngöne la itre hnëqa hna hamën koi itre atr hna mejiune kow.
23 Qa i angatr me itre nekö i angatr troa thupëne la itre qëhnelö ne la uma i Iehova, ene la uma maano.*
24 Itre ka thupë qëhnelö a cilëne la 4 lao götran: E koië, me e kuë, me e kolopi, me e kolojë.
25 Nge ame itre xa ijin, itre trejin me angatr a tro qa ngöne la hnalapa i nyudren, matre ce huliwa me angatr koi 7 lao drai.
26 Hna acile la 4 lao tane* ka thupë qëhnelö, ke itre atr hna mejiune kow. Angetre Levi angatr, nge qa i angatr troa thupën la itre hnahag,* me itre trengamo ne la uma ne hmi ne la nyipi Akötresie.
27 Angatr a thupë qëhnelö e jidri ka pexej xötreithe la uma ne la nyipi Akötresie, ke angatr a thup. Nge hna ahnithe fe koi angatr la kii, ke qa i angatr troa fe la itre qëhnelö ne la uma e nöjei hmakany.
28 Hetre itre xan e angatr ka thupëne la itre ewekë hna huliwan kowe la hmi. Angatr a e la etrune la itre ewekë hna traqa fë, me e la kola xome hmaca.
29 Nge hetre itre xane hmaca kö, ka thupëne la itre xa ewekë ne huliwa, me itre ewekë ka hmitrötr, me farin, me waina, me oel, me libanu, me oel ne göti.
30 Nge itre xa neköne la itre atre huuj a hnëkë ka pui lolo memine la oel ne göti.
31 Nge ame Matathia, ketre atre Levi, pane nekö i Saluma atre Kora, hna acili angeic troa thupëne la itre hna dreuth ngöne falaipen, ke atre hna mejiune kow.
32 Nge ame la itre xa trejin me angatr, itre atre Kohatha, hna acili angatr troa hnëkëne la itre falawa hna iatëkeun.* Angatre hi la ka sa falawa e nöjei Sabath.
33 Hane hi la itre ka nyima, itre tixe ne lapa i angetre Levi. Angatr a lapa hnine la itre hnahag, nge pëkö xa jole i angatr, ke e nöjei drai, lai me jidr, angatr a huliwa.
34 Thenge la itre itus ne la itre xötr atr, angatre hi la itre tixe ne lapa i angetre Levi ka lapa e Ierusalema.
35 Hnei Ieiela keme i Gibeona hna lapa e Gibeona. Maaka la ëjene la föi angeic.
36 Nge Abedon la nekö i angeice ka tru, nge Zura, me Kiso, me Baala, me Neri, me Nadaba,
37 me Gedor, me Ahio, me Zakaria, me Mikeloth.
38 Hnei Mikeloth hna hnaho Semama. Nge hnei angatr asë hna lapa ezine la itre trejin me angatr e Ierusalema, me ezine la itre xa trejin me angatr.
39 Nge hnei Neri hna hnaho Kiso, nge Kiso a hnaho Saulo, nge Saulo a hnaho Ionathana, me Maleki-sua, me Abinadab, me Ese-baala.
40 Nekö i Ionathana: Meri-baala, nge hnei Meri-baala hna hnaho Mika.
41 Itre nekö i Mika: Pithon, me Melek, me Tarea, me Ahaza.
42 Nge hnei Ahaza hna hnaho Iara, nge hnei Iara hna hnaho Alemeth, me Azemaveth, me Zimeri. Nge hnei Zimeri hna hnaho Moza.
43 Nge hnei Moza hna hnaho Binea, keme i Refaia, keme i Elasa, keme i Azela.
44 Ala 6 lao nekö i Azela trahmany: Azerikam, me Bokeru, me Isamaela, me Searia, me Obadia, me Hanan. Itre nekö i Azela asë hi angatr.
Itre mekun ecahu fen
^ Maine, “angetre Nethini.” Heb., “itre hna hamën.”
^ Heb., “itre tane la itre fami i kem.”
^ Wange ju la HQP.
^ Heb., “itat.”
^ Heb., “ka catr.”
^ Maine, “hnë xen.”
^ Maine, “falawa nyine amaman.”
