Angetre Amekötin 5:1-31
5 Ngöne la drai cili, hnei Debora me Baraka nekö i Abinoam, hna thinge la nyima celë:
2 “Atrunyi Iehova jë!Ke hnene la itre soc ne Isaraela hna senge la itre penehe i angatr,*Nge hnene la nöj hna nue xanë angatre kö.
3 Itre joxu fe, drenge ju! Itre tane fe, hnangenyëne ju!
Tro ni a nyima koi Iehova.
Tro ni a nyima atrunyi* Iehova Akötresi Isaraela.
4 Iehova fe, ame lo nyipëti a tro qa Seira,Lo nyipëti a tro qa ngöne la nöje Edroma,Hna enienije la ihnadro, nge hna fe la hnengödrai,Hna trotro la tim qa ngöne la itre iaw.
5 Hnene la itre wetr hna hmu* qëmekei Iehova,Eje hi, uti fe hë la Sinai qëmekei Iehova Akötresi Isaraela.
6 Ame ngöne la ijine Samegara nekö i Anath,Ngöne la ijine i Iaela, tha hna trongëne kö la itre gojeny;Itre ka feke trootro a xome la itre hmene gojeny.
7 Patre hë la itre atrene la itre hunahmi e Isaraela;Patre hë angatr uti hë la eni, Debora a cil,Uti hë la eni a cil tune la ketre thin e Isaraela.
8 Hnene la nöj hna iëne la itre haze ka hnyipixe;Matre hna isi ngöne la itre qëhnelö ne la itre traon.
Ngacama traqa koi 40 000 lao soc e Isaraela,Ngo goi tha öhne fe së la itre petr me itre jo.
9 Eni a nyixölene la itre tan e Isaraela,Itre ka saen troa tro memine la nöj.
Atrunyi Iehova jë!
10 Epun itre ka ti boliko föe ka oma,Epun itre ka lapane la itre tapi ka mingöming,Me epun itre ka tro e cahu gojeny,Pane mekune ju la:
11 Ezine la itre hnë tha tim,Hne së hna drenge la mejene la itre trahmanyi ka thewe tim;Angatr a ithanatane la itre huliwa ka meköti Iehova,
Itre huliwa ka meköt ne la angetre Isaraela.
Ame hna tro hnene la nöje i Iehova kowe la itre qëhnelö ne la itre traon.
12 Hlë jë! Hlë jë Debora!
Hlë jë! Hlë jë nge thinge jë la ketre nyima!
Mejë jë Baraka! Tro fë jë la itre hnei ö hna oth nekö i Abinoam!
13 Ame hnene la itre ka mele pe hna tro kowe la itre he ne nöj;Hnene la nöje i Iehova hna uti koi ni matre isi memine la itre atr ka catr.
14 Angatr la itre matra i Eferaima, lo itre ka lapa ngöne la hnathup;Angatr a xötrethenge eö Beniamina, nyipine la itre soce i ö.
Nge qa Makiri, hna uti la itre tane isi,Nge qa Zebulona, la itre ka ea la sine tö ne la atre iëne la itre soc.*
15 Hnene la itre joxu ne Isakara hna ce me Debora,Casi hi la aqane ujë i Isakara me Baraka.
Hna upi angeic troa trongë ihnadro ngöne la hnathup.
Hetre hni ka luelu* nyipine la itre lapa i Reubena.
16 Hnauëne laka, hnei ö hna lapa hleuhleu tune la öni ka thue la lue ehnef,*Me drenge la itre ka thupë öni ka ufi hoho kowe la itre si i angatr?
Hetre hni ka luelu* nyipine la itre lapa i Reubena.
17 Hnei Gileada hna lapa ngöne la ketre pala ne la hneopegejë Ioridrano;Nge hnauëne pe kö la Dana a lapa ezine la itre he?
Hnei Asera hna lapa menu ezine la hnagejë,Me ezine la itre hnë xepe hnei he i angeic.
18 Ngo Zebulona la ketre nöj ka nue mel, ngacama tro ju hë angeic a mec;Ceitu hi me Nafatali, hune la itre gaa draië ka mama cil.
19 Ame e Tanaka, ezine la itre tim ne Megido;Hnene la itre joxu hna traqa troa isiHnene la itre joxu ne Kanana hna isi.
Ngo tha hnei angatre kö hna bëeke fë sileva.
20 Qa hnengödrai, hnene la itre wëtresij hna isi;Qa ngöne la itre jë i angatr, hnei angatr hna isi me Sisera.
21 Hnene la hneopegejë* Kisona hna hule la itre ithupëjia,Lo hneopegejë ka neni qaan ekö, eje hi, lo hneopegejë Kisona.
Melenge fe! Hnei ö hna wajafica la itre atr ka catr.
22 Matre hnene la itre waca ne la itre hos hna wajawaja la ihnadroNgöne la kola nyinyape catr la itre hos ne isi.
23 Önine la angela i Iehova: ‘Eji Meroza pi,Eje hi, ejine jë la itre atren,Ke tha hnei angatre kö hna traqa troa xatua Iehova,Troa xatua Iehova memine la itre atr ka catr.’
24 Manathithi hë Iaela hune la nöjei föeLo föi Heberu atre Keni;Manathithi hë eahlo hune la nöjei föe ka lapa itat.
25 Hnei Sisera hna sipo tim koi eahlo, nge hnei eahlo hna hamë melek.
Ngöne la ketre kap ka mingöming, hnei eahlo hna tro fë la melek ka nyiipë.*
26 Hnei eahlo hna ea ngöne la ketre im la sine fao,Me ngöne la ime maca, la hama sinöe.
Hnei eahlo hna hna la hama me thë la he i Sisera,Hnei eahlo hna thë me jaqa la lue hnaqathë i nyidrë.
27 Kei hë nyidrë nyipine la lue ca i eahlo; mala ha nyidrë nge thatreine hë nyidrë mejë;Kei hë nyidrë nyipine la lue ca i eahlo, nge mala ha nyidrë;Ame ngöne la hnei nyidrëti hna kei, e cili fe la hnei nyidrëti hna mala, me mec.
28 Qa ngöne la mamala, kola tu la ketre föe,Thine i Sisera a thup qa ngöne la gaa lailai ne la mamala:‘Hnauëne laka, hmitre pala kö la ikatre i angeic?
Hnauëne laka, tha drenge pala kö ni la mejene la itre ikatre i angeic?’
29 Hna sa koi eahlo hnene la itre föe ka inamacan nge ka hlemu;Eje hi, eahlo pala hi a qaja e kuhu hni i eahlo ka hape:
30 ‘Maine jë, angatre pala kö a ithawakeune la itre ewekë hna thapa,Ca nekö jajiny,* lue nekö jajiny kowe la isa ca soc,Ca imaano ka nyimu han koi Sisera, ca imaano ka nyimu han,Ca iheetr hna sil, me ca imaano ka nyimu han, me lue iheetr hna silKowe la nyinawa ne la itre atrekënö.’
31 Iehova fe, epi tro asë hi la itre ithupëjia me nyipë a mec,Ngo loi e tro la itre ka hnimi nyipë a tune la emingömingöne la kola fetra la jö.”
Ame hnene la nöj hna mele tingeting koi 40 lao macatre.
Itre mekun ecahu fen
^ Maine pena, ketre hatren matre troa sisinyi koi Akötresie.
^ Maine, “tro ni a elo miuzik.”
^ Maine jë, “hmengöhmengön.”
^ Maine jë, “ka huliwan la itre jia ne la atre cinyany.”
^ Maine, “kola hnyinge e kuhu hni.”
^ Ene la ehnef hna thu hnene la ketre öni.
^ Maine, “kola hnyinge e kuhu hni.”
^ Maine, “itre tim.”
^ Maine, “krem.”
^ Heb., “ketre hni.”
