Iobu 21:1-34
21 Ame hnei Iobu hna sa me hape:
2 “Drenge hnyawa ju la hnenge hna troa qaja koi epun;Ke celë hi aqane tro epuni a axapone la hning.
3 Xomihni ni ju ngöne la eni a ithanata;Nge thupene la hnenge hna ithanata, ijiji epuni hmaca ha troa hnyimasai ni.
4 Hapeu, eni kö a treij kowe la atr?
Nge maine eje hi, hapeu, tro pala kö ni a xomehnöth?
5 Goeë ni jë nge haine jë;Atë jë la ime i epun ngöne la që i epun.
6 Ke e tro ni a mekun, eni a hnehengazo,Nge kola ngongo la ngönetreing.
7 Hnauëne laka, mele pala kö la itre atr ka ngazo,Nge angatr a mel aqeany me trenamo?*
8 Thei angatre pala hi la itre nekö i angatr,Nge angatre a goeëne la itre api angatr.
9 Ka cile huti la itre uma i angatr, nge pëkö hna xouen,Tha hnei Akötresieti kö hna wameucë angatr.
10 Nge ka mana pala hi la itre kau i angatr;Nge tha ka uthithi kö la itre thinen ne kau.
11 Itre nekö i angatr trahmany a nyinyap e kuhu trön tune la itre öni ka co,Nge itre nekö i angatr a sesësesë agö.
12 Angatr a nyima memine la itrapë me arpMe madrine fë la mejen ne la sine ihoho.
13 E nöjei drai angatr a mele madrinNge ka tingeting* angatr la kola uti koi Hua.*
14 Ngo öni angatr kowe la nyipi Akötresie ka hape: ‘Nue huni pi!
Ke xele kö huni ma atre la itre mekuna i nyipë.
15 Ke drei la ka Tru Trenge Men matre tro huni a nyihluen?
Nge nemene la eloin la tro huni a atrepengöi nyidrë?’
16 Ngo atre hi ni laka, tha qaathei angatre kö la itre mo i angatr.
Nge iananyi catre me eni la itre mekuna* ne la itre atre ka ngazo.
17 Aija apine la laame cil ne la itre atr ka ngazo?
Nge aija lepi angatr hnene la ngazo?
Nge aija elëhni Akötresie matre apatrenyi angatr?
18 Hapeu, tha ceitu i angatre kö memine la jez hna uf agön?Memine la kupeine qitr* hna ufetrij hnei udreli?
19 Tro Akötresieti a ahnëjinëne la itre neköne la itre atr ka ngazo
Pine la itre ngazo hna kuca hnene la itre keme i angatr.
Ngo loi e tro Akötresie a nyithupene koi angeic matre tro angeic a atre.
20 Epi tro la sipu luemeke i angeic a öhne la ngazo ka traqa koi angeic,Nge epi tro angeic a ije la elëhni ne la ka Tru Trenge Men.
21 Ke maine itre treu pe hi* ne tro angeic a mel,Tha nyipiewekë kö koi angeic la ewekë ka troa traqa kowe la hnalapa i angeic.
22 Hapeu, drei la ka atreine inine la ketre ewekë koi Akötresie,Nge nyidrëti pe la ka amekötine la itre atre ka sisitria?
23 Kola meci la atr nge egöcatre pala kö angeicNge pëkö itupathi angeic, nge ka tingetinge hnyawa angeic,
24 Nge ka giris asë la lue itrepë i angeicNge ka catrecatre la itre june i angeic.*
25 Ngo hetre atre ka mec nge akötre catr angeic,*Nge tha pane tupathe ju kö angeic la itre ewekë ka loi.
26 Ngo tro nyidroti a ce meköl ngöne la xaxau,Nge tro la itre wanak a lapa hui nyidroti asë.
27 Atre hi ni la hnei epuni hna mekunMe itre nyinyithiina i epun matre akötrë ni.*
28 Ke öni epun: ‘Ekaa la uma ne la atr ka hlemu?Nge ekaa la itat hna lapan hnene la itre atr ka ngazo?’
29 Hapeu, tha hnei epuni kö hna hnyingën kowe la itre atr ka majemine ngenu?
Nge tha epuni kö a inine la hnei angatre hna öhn* laka,
30 Tro ha mele la atr ka ngazo ngöne la drai hna mecinMe amele angeic ngöne la drai ne elëhni i nyidrë?
31 Tro drei a qaja la thiina i angeic qëmeke i angeic?Nge drei la ka troa nyithupene koi angeic la hnei angeic hna kuca?
32 Ame hë la kola xomi angeic kowe la hna kele wezipo,Ke tro ha thupëne la hua i angeic.
33 Tro ha menyike koi angeic la dro qa ngöne la hnathup,*Nge tro la nöjei atr a xötrethenge* angeicMemine la itre atr asë ka tro pa.
34 Hnauëne kö laka, epuni a traqa troa aupunyi ni nge pë pe thangan?
Itre trengathoi pe la aqane sa i epun!”
Itre mekun ecahu fen
^ Maine, “angatr a hlemu.”
^ Wange ju la HQP.
^ Maine, “troa canga mec,” nge pëkö akötr.
^ Maine, “ihaji”, “eamo.”
^ Wange ju la HQP.
^ Maine, “thupaluën.”
^ Heb., “ka hetre hmune oel la itre ijun.”
^ Maine, “haitre hë la meleng.”
^ Maine jë, “icilekeu me eni.”
^ Heb., “la itre hatren.”
^ Maine, “itre tim.”
^ Heb., “tro angeic a hëne la itre atr.”
