Iobu 39:1-30
39 Atre kö eö la ijine hnaho ne la itre nani ne git?
Nge hnei ö kö hna öhn la itre drube a hnahone la itre nekön?
2 Hnei ö kö hna e la itre treu ne kola hace?
Atre kö eö la ijin angatr a hnaho?
3 Angatr a wenini troa hnahone la itre nekö i angatr,Nge patre pi hi la akötre i angatr.
4 Itre nekö i angatr a egöcatr me tru trootro ngöne la hlapa;Nge angatr a tro me tha bëeke koi thin.
5 Nge drei la ka nue la boliko wael,Me seng la boliko wael?
6 Eni a hamëne la hnapapa nyine uma i nyënMe ihnadro hna lapan hnei sotr nyine hnalapa i nyën.
7 Nyën a xele ma wang la meje ne la traon;Nge tha drenge kö nyën la aqane sue ne la atre engë öni.
8 Nyën a trongëne la itre sasala me thel la gaa hetre haö,Me thel agöne la ketre feja ka cia.
9 Nge hapeu, tro kö la kau wael a ajan troa huliwa koi ö?
Nge tro kö angeic a meköl e jidr ngöne la uma ne la itre öni ö?
10 Atreine kö eö troa othe la kau wael ngöne la helep,Maine tro kö nyën a xötrethenge eö matre uja dro* ngöne la hnathup?
11 Tro kö eö a mejiune kowe la trengecatre i nyënMe ahnith la itre huliwa ka jole koi nyën?
12 Tro kö eö a ahnith koi nyën la hnei ö hna menuën?*Nge tro kö nyën a xawane lai, ngöne la hnë lepe qitre i ö?
13 Kola axöap madrine la iaena,*
Ngo hapeu, ceitune kö la itre iapen ej memine la waco ka mingöming?*
14 Nyën a nue la itre wakuja i nyën hune la ihnadro,Me akeukawan itre ej ngöne la xaxau.
15 Ngo thëthëhmine hë nyën laka, ijije hi troa waja tranMaine tro la ketre öni wael a tro waja la itre wakuja i nyën.
16 Tha nyëne kö a sikusikune la itre nekö i nyën, kösë tha haa nekö i nyëne kö;Tha nyipiewekë kö koi nyën troa huliwa gufa.
17 Ke hnei Akötresieti hna cipan* la inamacan koi nyënNge tha hnei nyidrëti kö hna hamë nyën la ketre wamine la atrehmekun.
18 Ngo ame la nyën a cil me axöap,Ke nyën a hnyima fë la hos memine la atre tith.
19 Nge hapeu, eö kö la ka hamëne la trengecatr kowe la hos?
Me heetrëne la nyinawa i nyën hnei itre pen hna ufeuf?
20 Atreine kö eö troa asesëne la hos tune la sipa?
Ame la nyën a simano catr, ke nyine xouen.
21 Nyën a wajawaja la dro ngöne la hnathup, me madrine fë la trengecatre i nyën;Me nyinyap ngöne la hna isi.*
22 Nyën a hnyima fë la xou nge pë fe kö hmengöhmengön.
Nge tha nyëne kö a cile hnö qëmeken la taua.
23 Kola momo la trengene pehna hui nyën,Nge ame la nyën a nyinyap, kola melemel la jo memine la xal.
24 Nyën a jipa me canga nyinyap qëmeken,*Nge ame la kola ho la trutru, thatreine kö nyëne cile tha enij.*
25 Nge e ho hë la trutru, nyën a mano catr
Ke drenge hë nyën la punepun ne isi qa gaa nany.Me dreng la kola sue la itre tane isi me itre trongene isi.
26 Hapeu, hnene kö la inamacane i ö matre kola sesë la huzu,Me axöap ngöne la götrane kolojë?
27 Nge eö kö la ka amekötin kowe la aeto troa sesë draiëMe xup la trengene hnaho i nyën e koho catr,
28 Matre tro nyën a meköl e jidr hune la itre git,Me zae ngöne la hnapo i nyën fene la itre git?
29 Nge qa cili, nyën a thel la a i nyën;Nge kola goeën e koië qa hnene la luemeke i nyën.
30 Itre nekö i nyën a iji madra;Nge ame ngöne la nöjei götran gaa hetre ngönetrei ka mec, ke nyën fe hi e cili.”
Itre mekun ecahu fen
^ Maine, “trohnenyi.”
^ Heb., “traan.”
^ Ketre waco atraqatr ka thatreine sesë.
^ Heb., “kasida.”
^ Maine, “hnei nyidrëti hna athëthëhmi nyën.”
^ Heb., “Nyën a itronyi memine la itre jia ne isi.”
^ Heb., “nyën a ulume la dro.”
^ Maine jë, “tha mejiune kö nyën kowe la trutru.”
